|
الفكرة أهم..
عندي عادة يمكن ما تعجب البعض..
وهي اني بحب التنبيش والنكش بأي منتدى مشارك فيه واذا عجبني الموضوع بشارك مباشرة دون النظر لتاريخ الموضوع وتاريخ آخر مشاركة... و استغربت......... استغرااااب البعض لهلشي... يا هل ترى مين أهم :الموضوع بتاريخو ولا بفكرتو؟؟أنا اللي بعرفو انو الأفكار طويلة العمر أكتر من الموضوع أكيد..ويمكن دائمة وازلية.. أنا بالنسبة الي اذا عجبتني الفكرة أو لفت نظري موضوع بشارك فيه دون تردد وانتوا؟؟؟شورأيكن بنبش المواضيع القديمة؟ |
اقتباس:
الفكرة اهم من عمرها وقد يكون الاعضاء الذين اطلعوا عليها مو موجودين هلق... والاعضاء الجدد ما شافوها... لذا انا معك.... طلع يا اخي القديم طلع.... :D:D |
تكرمي
ومشكورة عالمرور والتشجيع... بس مدّي ايدك و طلّعي معي..:p |
مساء الخير
انا كمان متلك بحب شوف كل المواضيع وما يهمني قديمة او جديدة المهم يعجبني الموضوع بس اذا لاحظت انو الموضوع يحمل جدل سياسي معقد او طائفي ما بحب احيي هيك امور بس اتلقيت ملاحظة غير مباشرة وقريت ملاحظات عند اعضاء تانيين بطلت رد على القديم اقرا وبس سلام |
اقتباس:
يعتي ببالك تنكش كم موضوع قديم ؟ اي دير بالك ترى هون بأخوية في ضوابط للنكش :lol: |
اقتباس:
هيك بس مدري ليش حست انو كلامو فيو وجهة نظر :frown: |
انا.........................لا ينطبق ...
|
النكش؟؟؟؟؟؟؟
يعني يمكن معك حق... بس برايي انو تشارك ببعض الموضوع القديمة..مو كل موضوع يعجبك تقوم تشارك فيه وبالتالي بتصير جديد المواضيع كلو قديم؟؟؟يعني هديك المواضيع اخدت وقتها..بس ازا الموضوع كتير كتير عاجبك فيك تشارك فيه |
اقتباس:
و لما بترفعها للصفحة الاولى .. هالشي بكون على حساب موضوع جديد ... لازم ياخد فرصتو يعني ببساطة ... بتقدر تقرا الموضوع . بس مو المفروض ترفعو غير إذا كان عندك إضافة مهمة يعني أكيد ما بتنكشو بكلمة مشكور مثلاً |
اقتباس:
أكيد ... أنا معك.. واذا ما كان في فعلا تعليق محرززز ما رح ضيع وقتي عكلمة مشكووور وبس ..:D |
شو بدك بهالقصة..
بكرا بينطولك المشرفين والمنسقين بقلولك شو قصتك مع المواضيع القديمة هيك صار معي :sick: بس للامانة ... كانت كل تعليقاتي بايخة بس شو بدك احسن سيلة للتواصل معون هيي النكش :yahoo: ما بتشوفون الا بعلتوك ع الحارك انو شو عم تعمل |
| الساعة بإيدك هلق يا سيدي 23:19 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون