|
باراك أوباما ... هل هو التغيير ؟!!
احتفالات عامة وارتياح شعبي شامل بفوز اوباما الساحق بانتخابات الرئاسة الأمريكية . ربما تكون انتقاماً من ادارة بوش التي اذاقت العالم الويلات وحملت اوباما ارثاً ثقيلاً ومتعباً. ذهب الكثيرون بفكرهم الى الاساطير وضخموا الحدث بقولهم انه الغريب المخلص وبعضهم ذهب الى البعد الديني او العرقي للقضية .  اليوم عندما كان بعض الشباب من الاصول الافريقية السمراء يتبادلون التهاني بفوز اوباما راودني سؤال فيما لو اختلفت الوان المرشحين وبقيت اهدافهما نفسها . هل ستختلف الصورة ؟ ربما . لا بد ان اوباما يشكل أملاً للكثيرين وخلاصاً وتغييراً . و لكن هل اوباما سيحقق لكل هؤلاء المهللين ولو بعض آمالهم ؟! ما الذي ينتظره الملايين من اوباما ؟ وما الجديد الذي ربما يقدمه للعالم ؟ مع تمنياتنا بتغير ملموس لهذا الرجل المطالب بالكثير . :D |
باراك اوباما لا شك انو تغيير و تغيير ضخم لاميركا والعالم
بس السؤال اذا تغيير ايجابي ولا سلبي ماكين يمكن لو ربح الانتخابات ,سياستو كانت شبه متوقعة , بس العيتين اوباما شكلو بدو يفاجئنا كتير هو شو ما عمل رح يكون مفاجأة , بس معلومكون مفاجأة عن اختا بتفرئ. القرار الاميركي ليس لاوباما بالكامل ,يعني في الكونغرس مجلس الشيوخ وفي اللوبي الصهيوني الخ الخ الخ..... منقول الله يستر |
اقتباس:
اقتباس:
قال أنا ما بوعدكم انّو كلكم رح توافقوني على كل القرارات الي رح اتخدها و لكن أنا على اســتعداد لاسـمعكم و اسمـعكم وقت بنكون مخـتلفين قبل ما نكون متـفقين .. لانو شي طبيعي انّو مارح يقدر يمسك العصا السـحريه و يحقق احلام كل الناس و هوّ عنده كم مصيبه تاركلو ياهم بوش ليخلصهم منها حرب العراق و حرب افغانستان و الاقتـصاد الاميركي .. فاكيد مش رح يقدر يرضي كل الناس و لكن هو عم يحاول و رح يحاول و أنا متل كتـير غيري عنّا ثقه كافيه فيه بقدرته على اداره اميركا بالشكل الافضل من اي غيرو على الساحه حاليا ولذلك تم انتخابه رئيـس اميركا القادم 2008 .. |
   |
هلق بالنسبة للرد الأخير أنا بقول انو الولايات المتحدة ليست شخص رئيس جمهورية فقط . ومصالح اميركا العليا فوق اي ادارة ممكن ان تقود البلاد. ليس من الطبيعي ان تنتظر يا صديقي حكومة تحقق كل طموحاتك ومصالحك من اميركا . وبالنسبة لـ ذا مورنينغ بقول انو قصدي كان تحمس سمر البشرة لهذا الرئيس كبير وكأن وصول رئيس اسمر هو نصر للزنوج حول العالم بغض النظر عن شخصو. وانا بشارك تفاؤلي بشخص وطموحات هالرئيس على الاقل بعالم اقل دمار وتغطرس . :D |
اقتباس:
بوافق الف بالمية .. هيدا الفرق التاريخي بين الديمقراطيين والجمهوريين بالنسبة لقضايانا :D |
اقتباس:
كتييير كتيير بشاركك الراي... سمعت اوباما باحد اللقاءت عم يقول انو الامريكان السود بس يشوفوني على التلفزيون سيقولونthis is my man يجب ان استحق اصواتكم بصفتي شخصا لا بصفتي شخصا اسود.. كمان سمعت عدة مرات انو الرسالة الاهم من اوباما للامريكان السود: نظفو قذاراتكم وكفو عن انجاب اطفال لا تستطيعون اعالتهم ثم طالبو بالحقوق" بذكر كمان لما كانت المنافسة بين كلينتون واوباما انو كلينتون كانت ملقبة بمحبوبة السود.. وانو مؤيديها كانو من السود.. بذكر كمان انو سمعت بقناة العربية انو 82% من الامريكيين اللي بينتخبو لاول مرة انتخبو اوباما لانو بييمثل الشباب بالدرجة الاولى... بكل الاحوال انا بعتبر مع كل تحفظاتي على امريكا.. انو بالرغم من كل شي متل ما قال اوباما بخطابو بعد اعلان النتائج انو فوز رجل اسود بيثبت انو امريكا بلد الفرص بكل امتياز.. وانو الامريكان على خلاف ما كنا منتصور طلعو متجاوزين لحواجز العنصرية... برافو لاوباما.. برافو لكل عقل منفتح صوتلو.. وعقبال عنا.. |
أنا برأيي أنو أمريكا هيي أمريكا...ما رح تتغير بتغيير الرئيس..
ودائما كل رئيس عم يكمل مشوار اللي قبلو...وإنما مع إظهار وجه مختلف |
طب وليش حاملين هالقد بخصوص الشرق الاوسط
شو خلفونا ونسيونا يعني ؟ |
اقتباس:
|
يعني يمكن يكون الكف تبعو على العين الشمال مو اليمين
|
أظبط نظرية ممكن تطبق عأوباما هي نظرية البغل اي البغل ليش مستغربين هاد الحيوان الهجين الي ابوه حمار وامو حصان هاد الي سألوه مين أبوك قال الحصان خالي , ومن المعروف انو نحن رهاننا عليه لنسبو " الحميري " وليس الحصاني . فهل يا ترى سوف يتنكر لنسبو كما فعل البغل ؟
|
والله هاي خيي بدك ترجع للاجابة عنها لكتاب علم الانساب...نسيت مين مؤلفه
|
اقتباس:
|
اقتباس:
و احلى تحيه الك :D |
ليك شو هالتغيير بعد ماطرق راسه بحائط المبكى؟؟
|
مقتطفات من خطاب الرئيس Obama بالـ Acceptance Speech يللي ألقاه بـ Chicago
مابعرف إذا في حدى فاضي ينقل الخطاب لهون بحيث الشباب فيهن يطلعو علية.. بكل الاحوال خلينا نقرأ شو قال عن الـ Brave Americans -متل ما اسماهن- بالعراق و أفغانستان ... Even as we stand here tonight, we know there are brave Americans waking up in the deserts of Iraq and the mountains of Afghanistan to risk their lives for us نحن منعرف و نحن واقفين هون بأنو في شجعان أميركان صاحيين بصحاري العراق و جبال أفغانستان بيعرضو أنفسهن للخطر لحمايتنا ..to those who would tear the world down: We will defeat you. To those who seek peace and security: We support you. And to all those who have بيوجه خطابو للناس يللي بدههن يدمرو العلم بانو أميركا رح تحاربهن و كمان خطاب ايجابي للي بدهن السلام و الامن بيقول بانو أميركا بتأيدهن . الإشادة بدور السيناتور McCain في خطاب الرئيس Obama .. Senator McCain fought long and hard in this campaign. And he's fought even longer and harder for the country that he loves. He has endured sacrifices for America that most of us cannot begin to imagine. We are better off for the service rendered by this brave and selfless leader اطراء و مديح و اشادة بدور ماكين ..السيناتور ماكين ناضل بجد و دأب في هذه الحملة و كذلك ناضل بشكل أطول و أصعب من أجل هذة البلد التي يُحب تحمّل تضحيات من أجل اميركا التي معضمنا لايستطيع أن يتصورها. نحن أفضل حالاً بسبب الخدمة التي قدمها هذا القائد البطل الناكر لذاته . اقتباس:
There will be setbacks and false starts. There are many who won't agree with every decision or policy I make as president. And we know the government can't solve every problem But I will always be honest with you about the challenges we face. I will listen to you, especially when we disagree. And, above all, I will ask you to join in the work of remaking this nation, the only way it's been done in America .. block by block, brick by brick, calloused hand by calloused hand رح يكون في اخفاقات و بدايات خاطئة .. و في كتير من الذين مارح يوافقو على كل قرار أو سياسة اتبعها كرئيس للبلاد, و نحن منعرف بانو الحكومة مافيها تحل كل مشكلة. لكن رح تَم دائماً صريح معكن حول التحديات يللي منواجهها .. رح اسمعلكن خصوصاً لما بنختلف بالراي و فوق كل شي .. رح اسألكن لتشاركو في اعادة بناء هذة الامة بالطريقة الوحيدة الصحيحة يللي تكون متبعه و هي لبنة بلبنة و إيد بإيد. هيك بتكون الترجمة أشمل و أدق . كمان في فقرتين من خطاب Obama لازم الوقوف عندهن ... It's the answer spoken by young and old, rich and poor, Democrat and Republican, black, white, Hispanic, Asian, Native American, gay, straight, disabled and not disabled. Americans who sent a message to the world that we have never been just a collection of individuals or a collection of red states and blue states In this country, we rise or fall as one nation, as one people. Let's resist the temptation to fall back on the same partisanship and pettiness and immaturity that has poisoned our politics for so long |
 تسليم الرايه ............... |
| الساعة بإيدك هلق يا سيدي 05:27 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
..