|
مفهوم السعادة!!!
كثير بيختلف مفهومنا للسعادة كثير بيقولو الانسان ما بيقدر يوصل للسعادة.... كثير بيحسسوني انو ما في شي اسمو سعادة..... انا بقول انا سعيدة!!! ليش لا.... اي شي ممكن يعتبروه الناس يدعو للتعاسة...انا بمفهومي بشوفو يدعو للسعادة!! السعادة بنظري تتلخص بشيئين ... العبادة...والهدف اذا عندي الاثنين بكون وصلت للسعادة انا عابدة.. انا هادفة......اذا انا سعييدة!!! هي هي السعادة بمفهومي يا ترى شو هي بمفهومك!!!! |
اقتباس:
مو كتير استوعبت هالمعادلة |
اقتباس:
اسمحلي اني وضحلك وجهة نظري اول شي انا بيكفيني بهالحياة انو نام وضميري مرتاح وفكر انو بأي لحظة ممكن يجيني ملك الموت بس من دون ما حس بالخوف لأني عاملة كثيير منيح لآخرتي وهي بتوفرلي ياها العبادة يعني على سبيل المثال لا الحصر: اللي بخاف الله وبيحطوا اداموا في كل شي بيسويه لا يمكن يظلم حدى . هاد بالنسبة للجزء الاول اما الجزء الثاني فأنا ما بقدر عيش دون ما يكون الي هدف وما بعرف الناس يللي ما عندن هدف شلون عايشين لاني انا بصراحة مابقدر...رح اتقلي واذا ما حققتي هدفك؟؟...هون برجع معك للجزء الاول انا عابدة يعني اكيد رح يكون هدفي ما بضر حدى مشان هيك الله سبحانه وتعالى رح ييسرلي كل المصاعب في طريقي.....وعلى فكرة انا عندي قناعة ورضا بمفهوم مختلف نوعا ما.... يعني انا لو ما تحقق هدفي ما بزعل لان هاد رح يكون ياما لاني ما عملت لهالهدف منيح فاتعلم انو بالهدف الجاي اعمل احسن او لان الله سبحانه وتعالى بدو ياني اختار هدف ثاني يكون احسن الي ولغيري وهذا بخليني وضح شي بشخصيتي انا دائما عندي خطة بديلة ودائما عندي اكثر من هدف بعمل لواحد والثاني احتياط!!! بس بدي ركز على نقطين: اول شي انا برضى بيللي بيبعتلي ياه ربنا لأني متأكدة انو ربنا لا يمكن يضرني بس في نفس الوقت مو اضربو وصيبو وقول نصيبو يعني انا نهجي في الحياة بيتلخص في الحديث الشريف (اعمل لدنياك كأنك تعيش ابدا واعمل لأخرتك كأنك تموت غدا) صدق رسول الله -ص- ثاني شي مفهومي للعبادة يعني العبادة من القلب مو مظاهر وحرااااااام لا هذا منو عبادة هذا رياء بعدين تلات ارباع الدين عمل وربعو عبادات وفي جملة مشهورة بتقول الدين معاملة وهي هي كل القصة وسامحني على التطويل:( |
كيف .. كيف :shock: |
اقتباس:
ما بعتقد انو كل هالشرح مانو مفهوم لك نشف ريقي:p |
السعادة راحة النفس وطمأنينة الضمير، ولكل أناس مقاييسهم في ذلك. قيل للسعادة: أين تسكنين؟ قالت: في قلوب الراضين. قيل: فبمَ تتغذين؟ شكرا غيديون :D |
السعادة انك تكوني مبسوطة وعيشي اللحظة ما في شي بدوم.......
بكرة منكبر ومنمشي ع تلاتة و شو سعادة رح نعيش؟؟؟ |
والله ما بعرف شو قول :p :? :cry:
|
اقتباس:
صَديقتي غيدون أنتِ تتكلمين عن العِبادة وَ الهدف العابد الناسك المُتوحد مع الإله هدفهُ الجَنة وَ هذا أمرٌ مَفروغ ٌ منه لكنَ هذهِ السَعادة روحية فقط وَ أثرها بعيد وَ ليسَ لها علاقة بالأشياء الحِسية وَ المادية التي تأخذ ُ حيزا ً كبيرا ً من حياتنا تقولينَ لي : " أن نرضى بأقدارنا " وَ إنْ كانت أقدارنا شَقية وَ لا تـُطاق تقولينَ لي " كُنْ وَرِعا ً صبورا ً .. كُنْ تقيا ً يا أخي " أقول لكِ إن الفقرَ كافر وَ المُجتمعُ كافر وَ الوطنُ أيضا ً كافر " تقولينَ لي : " عليكَ بنفسك " أقول لكِ " أليسَ الله معَ الجماعة فكيفَ أسعى بـِ نفسي ناسيا ً غيري أما الآن وَ في هذهِ اللحظة أتساءل ماذا سَتقولينَ لي ؟ أم أنكِ لا تعلمين كـَ أنا كـَ هذهِ الأرضُ التي ماعادت تطيقُ أبناءها . |
اقتباس:
العابد الحقيقي في نظري لديه جنتان : جنة الدنيا وجنة الآخرة....وهذا متمثل في الحديث الشريف الذي ذكرته وما متعة العيش والعبادة اذا لم تحاول ان تبني دنياك |
السعادة الحقيقية هي انا نلاقي ناس نتفاهم معهن على شي مشترك وننسجم معهن ..ولو يوم اختلفنا ما يوصل هالخلاف بينا لدرجة انه نعادي بعض....الصداقة جوهر السعادة وبعد الصداقة ما بظن في شي ممكن يحقق السعادة بكافة ابعادها
|
اقتباس:
طبعا أعلم .... ولكن قبلها أقول انك تحدثت باسمي بمنتهى الروعة ماعدا... انا لن اقول عليك بنفسك ... فأنا هدفي في الحياة متمثل في أن اترك بصمة فيها ... وهذه البصمة لن تكون الا في مساعدة الاخرين.... ومبدأي كن التغيير الذي تريد ان تراه في الاخرين....غاندي... فأنا ابدأ بنفسي ولكن لا أعيش من أجلها.. فما قولك... ارجو ان تكون قد فهمتني.... |
انا مع غيدون بنقطة انو السعادة هي العبادة او على القليل ارضاء الرب
بالبعد عن المحرمات اذا مابدنا نقول سعادة خلينا نقول راحة بال اما السعادة المطلقة فحكي اللامنتمي هو الاقرب للصحيح مهما كانت اقدارنا سوداء بالايمان والصبر على قدر الله هي السعادة القناعة كنز لايفنى يعني سعادة وسعادة بالمعنى اللغوي مابعتقد انها موجودة كل انسان عنده هم على قده :D |
اقتباس:
اقتباس:
انا معك تماما........... انا فكرتي بتتلخص بكلمتين.. اذا مابحس بالذنب وتأنيب الضمير وما بحس بالتفاهة والفراغ واللامبالاة اذا انا سعيدة..... وهي الاشياء بتوفرلي ياها العبادة والهدف........ لأن باقي الاشياء التي قد تعكر صفوي ما هي الا حاجات غرائزية حيوانية ما بتسمو للرقي الانساني انا ادعو للانسانية والسمو بالنفس واعطائها قدرها..... انا ادعو للاستمتاع بالحياة.....وارى ان السعادة نسبية تختلف باختلاف مفهوم وتفكير الانسان..... انا ادعو للتقليل من كلمة مستحيل.......لا...لا يوجد ما هو مستحيل على الانسان فهو اسمى وارقى وافضل مخلوقات الله تعالى....... انا ادعو لنبذ المفهوم الدارج للسعادة والذي يقتضي الحصول على كل شيء وعدم الحاجة لاي شيء للوصول للسعادة ودون التعب او بذل الجهد من اجلها........ انا ادعو لنبذ المفهوم الذي يربط سعادة الانسان بأشياء.....جمادات....وبالتالي ينقص من قدر هذا المخلوق الرائع... |
أقولك غيديون شو هيه السعاده من وجهة نظري يا عم الحج السعاده هي في رضى الله وأمك والناس عليك وصدقني لو هادول رضيو عليك راح تحس بمعنى السعاده الغامره عنجد وتسلم هالأيدين على الموضوع يا قبضاي  |
اقتباس:
بقول أنو نحنا مامنشعر بالسعادةالابعدما نتذوق طعم الالم لان السعادة تأتي من عمق النفس الانسانية والنفس الانسانية يوجد فيها مرارة ظالمة..... أما اذا كنا بدنا نحكي بشي مادي ومحسوس فأي شي ممكن يمتعنا فهو نوع من السعادة. |
اقتباس:
تسلم يا اخي على هالرد الحلو.... يعني انت متفق معي لأن السعادة من وجهة نظرك يمكن تحقيقها بالعبادة والهدف........ يعني مو معقول عابد وامو منا رضيانة عليه.....رح يقولو انو في كتير ناس بتصلي وبتصوم بس ناسية اهلها..... انا رح قول انو هادول يدعون العبادة وما هم بعباد..... |
| الساعة بإيدك هلق يا سيدي 14:01 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون