|
الأمم المتحدة: لا استجابة لمساعدة سورية
قالت الأمم المتحدة إنه لم تستجب أي دولة إلى طلب قدمته قبل أسبوعين لتلقي مساعدات عاجلة لسورية التي تشهد أسوأ موجة جفاف منذ أربعين عاماً.
وأعلنت المنظمة الدولية عن حاجتها لعشرين مليون دولار لمساعدة حوالي مليون سوري في خطر بسبب الجفاف. وأدت موجة الجفاف التي تشهدها سورية إلى تفشي سوء التغذية وفقدان أكثر من 100 ألف شخص لما لا يقل عن نصف ماشيتهم. وتشير التقارير إلى أن الوضع سىء بصورة خاصة في شمال شرق البلاد، حيث يبيع الناس ممتلكاتهم ويحاولون الهجرة خارج المنطقة بي بي سي العربية |
هي احد صور المنجزات , صار عنا بسوريا مجاعة ودولة المافيات اللي ثروة اقل حرامي فين ستة مليارات دولار عاجزة عن تامين عشرين مليون دولار
ومن جهة تانية واضحة المكانة الدولية لسوريا في ظل انجازات السياسة الخارجية , مافي ولا دولة قبلت تتبرع بالمبلغ |
ما أعتقد هالخبر صحيح ، كون الأمم المتحدة من طرف أميركا ، و أميركا بتسعى دائماً لبث دعايات ضد سـوريا
بكل الأحــوال ، إذا كان هاد الشي فعلاً .. فـ يا للأســـف |
اقتباس:
قصة الجفاف قديمة وصرلها فترة عم ينحكى فيها اما قصة انو ماحدا اتبرع فهي ما بتتخبى حتى لو كانت الامم المتحدة تابعة للقرود |
اي وشو يعني ما حدا اتقدم للمساعدة؟
نصر كبير لك يعني؟ جد الواحد بيحتار يعني انت ضد النظام ولا ضد الدولة عم تشمت بالنظام ولا عم تشمت بالدولة ولا مابعرف شو على كل ربك بيبعت الخير المطر اليوم ما وقف ولا ثانية وبالشام كمان فبارك وبلا منية الاعاجم اوكي |
اقتباس:
|
اقتباس:
اقتباس:
و شكرا |
بتوقع انو المشكلة كون الدول يلي بالعادة بتقدم مساعدات مشغولة بمشاكلها المالة الخاصة وما همها حاليا لا مساعدات ولا يحزنون لا لحلفاء ولا لاعداء .... ومتل العادة كل الازمات ما بيدفع ثمنها الا الطبقات الشعبية يي ما لها علاقة بهالازمات لا من قريب وملا من بعيد سوى دفع الفواتير...
اما أنو حدا من الشباب يدفع المبلغ شوي يعني انتو عم تحلمو ولا شو؟؟تبر شوووووو!!!!!!! معقول بعد الشقا والتعب والعرق يلي زرزب يمين وشمال يورحو هيك تبرع؟؟؟؟ شو هي جمهورية افلاطون يعني !!!!!!!!!!!!! |
اقتباس:
وانا مو بس شمتان وقرفااااان كمان قرفان من دولة حرامية من كبيرها لصغيرها لاقيمة لاي انسان سوري عندن قرفان من اللي بيعرف ومتاكد انن حرامية ولساتو بدو يغطي ضوء الشمس بغربال و يستنى المطر لينزل, بس كلو ما حدا يقربلو على بقرة النظام المقدسة |
اقتباس:
هاد حكي بينسمع انو الأمم المتحدة تحركت والشباب عنا نايمين وموفاضيين... ولا صحيح هنن شو بيهمون من المنطقة الشرقية غير أبار النفط... عشرين مليون دولار مشكلة كبيرة؟؟ انو بلا ايراد سيريتل كم يوم ويتكرم علينا الاستاذ رامي بعشرين مليون دولار... والله رقم فراطه ومو محرز بالنسبة لثرواتون.. لإيمت بدنا نبقى عم ندافع عنون؟؟ شعبنا مات الجوع وساكتين وسكان المنطقة الشرقية اتهجرو وساكتين ونص سكان ضيع المنطقة الساحلية طفشو ونزلو على المدن وساكتين وسكان الشام ماعم يكفيون الدخل حق خبز وساكتين... يعني وبعدين؟؟ |
خلينا ناطرين المطر... ولبين ماينزل المطر خلينا عم نهتف بالروح بالدم.
|
مع المفارقة انو هالمنطقة لو اهتمت فيها الدولة فهي قادرة تقلب الاقتصاد السوري180درجة بس ما في حدا لا تندهي
هامش: دمشق عاصمة الثقاقة العربية كبت هالسنة ميزانية كان ممكن بلا حالات البهرجة يلي صارت انو تنصرف لتنمية المنطقة الشرقية وخاصة انو هالميزانية جاي من الدولة |
لولا زمرة اللصوص التي تحكم البلد لما كنا احتجنا الى مساعدة الأمم المتحدة او غيرها ولكن مع الأسف لصوص لا يشبعون وشعب اخرس , ولك كلات ارباع سكان الجزيرة صاروا بالشام يشتغلوا شو ما كان لقاء تأمين لقمة العيش اليومية
|
بالناقص سيدي
الخير في معونة تاتي من عقرب ولا خير في فريسة اكلت منها الضباع |
| الساعة بإيدك هلق يا سيدي 13:02 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون