|
من منجزات فيروز ؟؟
انا هنا لا اتحدث عنها كفنانةلا يستطيع شيء سحبي من الفراش الا صوتها او دورية مخابرات المهم ما لايعرف عن فيروز ان اغنيتها ( خبطة ادمكن على الارض هدارة ) كانت كلمة السر في حرب تشرين التحريرية الساعة 2 ظهرا باذاعة دمشق :gem: |
اي بجوز هني استغلوا الغنية... بس الحرب من انجازات الحزب القائد والحركة التصحيحية المجيدة
:jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: |
حلو كتير هالكلام و مشكور رومل
في قصة تانية معاكسة لهي مسرحية " بياع الخواتم " يلي صارت فيلم من اخراج يوسف شاهين بتصور الكل بيعرفها ليللي ما بيعرفها المسرحية بتحكي عن مختار ضيعة (خال ريما يللي هيي فيروز) بيألف شخصية خرافية مجرمة و شريرة اسمها " راجح " و بيحكي كل يوم لأهل الضيعة عن صراعاتو مع " راجح " الوهمي و عن بطولاتو مالنا بالطويل بييجي ع الضيعة شخص اسمو " راجح " عن جد و بيطلع بالنهاية " راجح" شخص كتير كتير منيح و حباب المهم اذاعة اسرائيل ضلت تحط هالمسرحية كل يوم اربعاء لمدة 14 سنة :o السبب المختار بيمثل الحكام العرب راجح بيمثل اسرائيل المختار ( او الحكام) بيكذبوا ع " اهل الضيعة " او الشعوب و بيصورولهم " راجح " او اسرائيل على انو مجرم خطير بينما الحقيقة انو " راجح " او اسرائيل ( حسب تصور القيميين ع ازاعة اسرائيل ) هوي بعكس ما يقال عنو هوي كتير حباب و طيوب كمان :D |
اقتباس:
|
معلوماتكون قيمة يا romel tawil و krimbow
وعلى فكرة بياع الخواتم مسرحية كتير حلوة لفيروز |
لا اعتقد ان فيروز كانت تقصد ما ذكرت ( يعني مو منطقية ) بشكل عام و الجزء الخاص بان العرب بهايم في المسرحية فهذا صحيح :jakoush: و السبب ان فيروز هي التي غنت للقدس ( مدينة اليلام ) و غنت ( اجراس العودة فل تقرع ) للحرب ضد اسرائيل و تقول انها تساند فلسطين بالمنسبة ان فيروز تعتبر الاب الروحي للحزب القومي السوري و ساذكر لك هذه الحادثة لتصدق ما اقصد منذ سنوات غنت فيروز (لاول مرة ) في القاهر ة و سالها احد مذيعي التلفزيون المصري لماذا كل هذا الزمن لتاتي فيروز لمصر و باقي الفنانيين يبدؤن من مصر فجاوبت ان لا اغني برات لبنان ( باللهجة اللبنانية كان جوابها ) و هنا تشاطر المذيع و قال لكنك كنت كل عام كنت تغني في معرض دمشق الدولي فردت عليه و من قال دمشق خارج لبنان !!! :o |
مرحبا روميل
اول شي فيروز ما دخلا ... الرحابنة هنين مؤلقي المسرحية و ما جاوبوا ع السؤال لما انطرح عليهم " هل كانوا يقصدون ام لا" رح تبقى الحقيقة بقلب الشاعر لكن الواقع انو اسرائيل عرضت المسرحية 14 سنة ع هالاساس سواء هيك قصدوا الرحابنة او لأ بالنسبة للحزب السوري القومي ... ما حدا بينكر انو الرحابنة ( متل معظم الفنانين بهداك الوأت ) كانوا متأثرين بالافكار القومية الاجتماعةي لكن ما كانوا يوما اعضاء فيه و لو تأثروا بافكارو متل الكل الرحابنة كانوا عم يدوروا ع احياء التراث الموسيقي اللبناني و بطبيعة الحال رح يتلاقوا مع غاية الحزب حول بعث النهضة السورية القومية بالنسبة للحادثة تبع مصر ... فيروز غنت بدول الخليج و غنت باوروبا و باميركا اكتر من مرة لا انكر اطلاقا وطنية و قومية الرحابنة التي لا غبار عليها بس ازاعة اسرائيل استغلت الموضوع افضل استغلال هاد اللينك هدية مني الك - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - فيو سيرة حياة احد اعظم العظماء :D :D :D |
اقتباس:
اقتباس:
|
شكر كريمبو على الرابط
صحيح حفلات فيروز كانت في كل دول العالم مقبولة و لكنها للعرب المغتربين اما عدم غنائها في مصر و محافظتها على اللهجة اللبنانية في الغناء ( و لم تستعمل اللهجة المصرية )اتوقع انها مقصودة و نفس الشيء حصل مع فناننا صباح فخري فقد تعرض لحرب اعلامية كبيرة في بداية حياته لرفضه شق طريقه من مصر (يعني بالعربي الفصيح تقديم فروض الطاعة ) للاعلام المصري .... عندما كنت بدبي هل تعلم ان 75 % من الشعب المصري يعتقد ان ( اصالة -فريد الاطرش -اسمهان -صباح ) هم مصريين و لولا مصر لما كانوا مطربين (هيك عندهم اعتقاد ؟) |
صحيح كلامك
يعني هاد موضوع تاني ام كلتوم كمان كانت كتير حقيرة و خصوصي مع السوريين فريد الاطرش لحنلها " وردة من دمنا " و ضل يلحقا عشر سنين مشان تغنيها و ما غنتلو ياها من كتر ما كانت متعصبة و عنصرية لما طلبت من نزار يعطيها قصيدة مشان تغنيها قلها " الحقي فريد ع القبر و خلي يعطيكي لحن بعدين تعي لعندي لأعطيكي قصيدة" :gem: |
كنت عم اتصفح الموضوع و لقيت شي غلط :
اقتباس:
"صار عندي الآن بندقية" .....قصيدة لنزار غنتها ام كلتوم ...و في وحدة تانية غايبة عن بالي :roll: :roll: |
كلامك صحيح و شكرا ع تصويب خطأي
اسم القصيدة " اصبح عندي بندقية " و لحنها محمد عبد الوهاب بس هيي كانت بدها تغني " رسالة الى امرأة" بس ما عطاها ياها عطاها لنجاة الصغيرة بس بعد النكسة عطاها "اصبح عندي بندقية" و شكرا لتصويب الخطأ مرة تانية :D و اهلا و سهلا فيكي بالمنبر :D |
بحب ألك ان ام كلثوم بهداك الزمان كانت جواز سفر لشهرة كبيرة ...أو دعنا نقول لأنتشار كبير ....بما انو نزار كان مشهور و معروف ع الحالتين ........" قصيدة : أغضب " يلي غنتها أصالة هية يلي كان المفروض تغنيها ام كلثوم
بس هي ما قبلت على حالها ......تغني هيك غنية من اجل المعنى ( راجع الغنية ) رسالة الى رجل ما ....بتصور حسب معلوماتي ....ما كانت لام كلثوم .....و شكراً عزيزي krimbow |
اقتباس:
هيك كان كريم ..... بكل بساطة هيك كان كريم ..... بكل بساطة بقول وين اللي اعتقلوه منه . تحياتي الحارة ظل جيفارا |
المسرحية بتحكي عن مختار ضيعة (خال ريما يللي هيي فيروز) بيألف شخصية خرافية مجرمة و شريرة اسمها " راجح " و بيحكي كل يوم لأهل الضيعة عن صراعاتو مع " راجح " الوهمي و عن بطولاتو
|
| الساعة بإيدك هلق يا سيدي 08:02 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون