أخوية - طريقة استعراض موضع ما بدون التسجيل في المنتدى

كثير من المواقع متل أخوية حبيبتنا بتحط شرط لرؤية رابط تحميل ملف ما إنو يكون الشخص مسجل فيها, ( أنا بعارض هالموضوع وما بحبذو بس ع العموم مو هاد موضوعنا ), هاد الأمر ممكن يكون مقبول, بس إنك تجي لتفوت لتقرى موضوع ما, مو لتحمل, بس لتقرى,بتلاقي إنو إنت مطالب بالتسجيل, وهاد شي أنا والله وما باستحملو, فلو كان الموضوع ع حياة أو موت مارح اقراه من هالمنتدى لأنو إلا مالاقيه بغير مكان. بس عن جديد قريت بواحد من المنتديات اللي بتنتهج هالطريقة أو السلوب طريقة حلوة للتحايل على المنتدى أو الموقع وقراءة الموضوع دون عناء التسجيل. كيف؟؟؟ طيب الموضوع سهل جداً.

إذا جربتو اتروحوا على هالرابط هون

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

showthread.php?t=4174&highlight=%C8%CF%E6%E4+%CA%D3%CC %ED%E1

رح تطلعلكن صفحة الموضوع بس للأسف مافيكن تقروا الموضوع قبل التسجيل, هلا كل المطلوب منكن إنو تستبدلوا الكلمة اللي بالرابط أعلاه والمكتوبة باللون الأحمر بالكلمة التالية pritn وطبعاً هي بتلاقوها بشريط العنوان بالمتصفح عندكن,يعني رح يصير العناون كالتالي

printthread.php?t=4174&highlight=%C8%CF%E6%E4+%CA%D3%CC %ED%E1

بعد التبديل اضغطوا إنتر واستمتعوا بقراءة الموضوع بدون تسجيل ولا هم وغم, والفكرة إنو إنتوا لما بدلتوا هالكلمة بتكونوا عم تستعرضوا صفحة الأرشيف واللي بتستخدمها المواقع للاستفادة من خدمات محركات البحث كغوغل مثلاً.

الموضوع منقول وألف شكر لصاحبو الأصلي لأنو فعلاً شي مفيد جداً