هل اصبحت الحياة مع الحمير ممكنة ؟ بالصور ...
 

الحياة مع الحيوانات داخل المنزل ليست امرا غريبا فهناك العديد من القطط والكلاب التي تعيش داخل منازل اصحابها ..
ولكن الزوجان تيم وجاكي فيرير قررا الذهاب في الموضوع الى درجة خيالية عندما قررا ان يتشاركا المنزل مع حميرهما ..الحماران واسمهما هولي وشارلي اصبحا جزء من حياة هذه الاسرة فهما يتناولان طعام العشاء معهما على نفس الطاولة وينامان داخل المنزل ايضا .. ولهما حرية التجول في كل اقسام المنزل بدءا من غرفة النوم وانتهاءا بالمطبخ.

أيه شو عليه وخاصة واحد من الحمير باينتو مثقف وعم يقرا جريدة , إلاّ إذا كان عم يقرا جريدة محلية من جرايدنا بيكون بنوب ما عندو أفق ثقافي
وبعدين في كتير حمير ولك وجحاش كمان عايشين بمؤسسات على أعلى المستويات وبيعملو فيها متل ما بدون وما حدا بيقول ليش الحمير موجودة بهالأماكن وشو عم تعمل وشو ما عم تعمل , وبعدين هي بالصورة حمير أصلية مبين عليها مؤصلة أ[يّة جدية يعني كل واحد منّن حمار بن حمار بن جحش خزات العين وبدون كل حمار خرزة زرقة والمستغرب شلون هالحمارين حسنانين يعيشو مع إنسان القرن الواحد وعشرين , يالله بيعينون الله

لك شوووووووووووهاد؟؟؟
يكونو تاثرو بغنية بحبك يا حمار
يا عيني صار الها صدى للغنية

الله يمسيكي بالخير قبل كل شي يا اميرة..........كتير انا مبسوط من هالمواضيع يللي بتحطيها بهالمنتدى ومن اول مافتي شعلة نشاط يخزي العين...........ايه بنخش دغري بالموضوع.........هيدا الحمار النا معه قصة طويلة بلشت من يوم ما رحت آخد كورس لغة انجليزي لما سافرت على بلد اجنبي .........قبل ما بيلش اول درس سأل المحاضر.....(مين عرب مان؟)يم هيك حكاها بالضبط..كان في واحد مصري وانا حكالنا بالحرف الواحد(روح بره..انت حمار ما فهم..روح شوف جمل اركب اليه)...هاداك اليوم شعرت بتعاطف مع حمير العالم وصرت كل ما بشوف الحمار بأديله التحية-تعظيم سلام-ونحنا مروحين بالمطار كله حوالينا بقرا كتب او بتفرج على التلفزيون انا خرمت على سيكارة ولعتا وما شفت الا واحد لابس نص مدني نص عسكري...سألني بالانجليزي من وين انت؟حكيتله عربي...برضه رد حرفيا(ارب هومار ..روه دخن في سبيشال بليس)ايه ومن يوم مارجعت كتير معجب بالحرية يللي بيتمتع فيها مجتمع الحمير كل شي مباح الا انك تكون بني ادم..........وسامحونا!:jakoush:

In 2008 , Everything is Possible!!!!!!!
you don't have to be surprised:D

وخلاويييييييييص...لكل الجماهير يللي ربيت على التبن

تسلم يا هشام وانا بتشكرك كتير على ردودك الحلوة كتيييييير
ايه مافشر هالاستاد المحاضر انت و كل واحد عربي احسن منو و من اللي خلفوه
كمان بتشكر الكل على المرور:D

ايه مولاتي بحيي روح العروبة يللي بتنبض باوصالك..............بس في ناس ما عندها اوصال اساسا...تقطعت كلا.....وما عادت بتحس متل الحمير..........ايه لا .....الحمار بيحس احسن منهن

ولي كيف مستحملين هالناس يعيشو مع الحمير انا يلي عندي كافي ووافيني ومو ناقصني:p
ثانكس الموضوع رائع:D

شئ غريب والله واذا واحدمن الحمير كان يمشي بالليل و خبط على واحد من اصحاب الدار شو رح يعملوا بعدين

ياي يعني صار فيني جيب على الدار فيل :clap:

الحمار مخلوق بيستاهل وسام الشرف من طراز رفيع في الصبر على العيشة مع الاوادم

يعععععععععععععععععععععععع عععععععععععععععععع
ولسعدو في خلقه شؤؤن:pos:

السلام عليكم................. مش غريب يصاح الواحد حمار.......... عفو ايمكن ببعض الأحيان يكون مش مضر ويمكن يحفض جملك أكتر من الأنسان شو ما سمع المتنبي شو قال:
وصرت أشك في من أصطفيه لعلمي أنه بعض الأنام

[quote=أبو علي جنوبي;1138623]السلام عليكم................. مش غريب يصاحب الواحد حمار.......... عفو ا يمكن ببعض الأحيان يكون مش مضر ويمكن يحفض جميلك أكتر من الأنسان شو ما سمع المتنبي شو قال:
وصرت أشك في من أصطفيه لعلمي أنه بعض الأنام[/quote]:ss:

وللحمير انواع..........منها الابيض القبرصي..........ومنها البلدي البني.....وكلا النوعين يتميز بالاذنين الطويلين بس النوع التالت له اذنين صغيرتين..............وبيحكي كمان

لقلك شغلة بهالايام كل شي ممكن

يعني قليله شو في ناس حميرررررررررررررررررررررر ررر وين المشكله

المشكلة في انهن يفهمو انهن حمير ويقتنعو..........بس ما في منو