|
عن التملق والمنفخة والغباء والحقد... مجموعة أفكار من وحي الجو
التملق اصطلاحاً هو الوصف الذي يطلق على الشخص الذي يساير وضعاً معيناً أو مجموعة أشخاص معينين للوصول الى هدف ما... ومن الطبيعي سكوت هذا الشخص عن أي أخطاء ترتكب بحقه أو بحق أشخاص أخرين بغية استرضاء هذا الشخص أو المجموعة بحيث أن هذا الشخص سوف يرضى بأي تجاوز أو خطأ ويماشيه... بل حتى أن التملق قد يصل بالإنسان لمرحلة أنه قد يجاري هذه الأغلاط ويماشيها ويدافع عنها ويتبناها...
المنفخة بالعامية الصرفة هي " شوفة الحال" على الفاضي والمليان... والبهورة وقض المراجل والفزلكه.. ممكن أن تكون المنفخة نابعة من عوامل موضوعية وممكن أن تكون مبنية على فراغ... ومن علامات المنفخة أن هذا الشخص يصاب بحالة أنه لايساير أو يتملق أحد... بل يكون بمعظم الأحيان يعامل الأشخاص المجيطين به بفوقية وعلى أنهم أقل منه... وأنهم مهما ارتفع أو نقص شأنهم هم عبارة عن لا شيئ بالنسبة له... وأنهم لايهمونه بشيئ أعجبهم أم لم بعجبهم قبلوا أم لم يقبلوا رضيوا عن تصرفاته وكلامه أم شربوا ماء البحر... أما الغباء فهو اطلاق هاتين الصفتين على شخص واحد... أما الغباء فهو اطلاق التوصيفات الشمولية على أشخاص لايجمعنا بهم إلا مجال ضيق ومحدود غير كافي لتكوين نظرة عنهم... أما الغباء هو أن نظن أنفسنا قادريين على التقييم والتحليل والتشخيص ونحن لا نملك أدنى درجات المنطقية... أما الغباء هو أن نلقي توصيفاتنا على أناس قد يكونون أشرف وأطهر وأنقى وأصفى وأكبر وأقدر منا... أما الغباء هو أن نستغل وضع معين لنلقي بتوصيفاتنا التافهة في المكان الذي لايستطيع هؤلاء الأشخاص الرد فيه علينا وتوضيح سبب مشاكلنا معهم... وتبرير سبب تهجمنا عليهم... وتفسير حقدهم وكرههم... أما الغباء والجبن هو أن لانجرؤ على التلفظ بحرف على من يستطيع أن يجيبنا بموقع ما... مع أن الجميع يعلم علاقتنا بهم... بل نكتفي بأخذ دور السناجب "الأقوياء" الذين يخربون أعشاش الطيور بغيابها... أما الغباء هو أن نلقي توصيفات مبنية على أحقاد شخصية... طوبى لمن قال أحترم عدوي الشريف وأزدري صديقي السافل.. لكن هيهات من الذين لايعرفون عن معنى الشرف والرجولة والصدق والأخلاق إلا أسمائها التي يتشدقون بها ليل نهار... أما الحقد وما أدراك ما الحقد... فهو مجموعة مشاعر غرائزية حيوانية لاتمت للإنسانية بصلة... مشاعر تحكم تصرفاتنا وأفعالنا بحيث أنها تقلب أرائنا وتغير أشكالنا وتلون أقلامنا... أما الحقد فهو محاولة تخريب حياة الأشخاص السعداء من حولنا... أما الحقد فهو محاولة تهديم أي شيئ جميل حولنا اذا لم نستطع الحصول عليه... أما الحقد هو محاولة الإساءة لأشخاص حصلوا على شيئ كنا يوماً نرغب به... أو رغبوا يوماً بعلاقة مع شخص خصنا الله بعلاقة معه... وعندما استفاقوا على أنهم لن يصلوا يوماً لهذه العلاقة... استشاطوا وامتعضوا وكشروا عن أنيابهم "البلاستيكية الضعيفة القذرة مثلهم"... رجال من ورق لا بل رجال بمحض الصدفة... أو أشباه رجال وأنصاف أشباه رجال يجارونهم... قد نكون تحملناهم بأولى المراحل رأفةً بهم وبمشاعرهم "المزعومة"... وتقديراً لعوامل كانت تجمعنا بهم يوماً... تحملناهم احتراماً منا لأنفسنا وتعالياً بنفسنا وبعلاقتنا عن مستوى غبائهم وحقدهم... فوصلت بهم الوقاحة والعهر إلى مرحلة اللاخجل... فصدق بهم القول إن لم تستحِ فإفعل ما شئت... لكنهم يرغمونك على الهبوط لمستوى حقدهم وضعفهم... مرغماً كي توضح من هم ومن أنت.. مرغماً كي توضح أسباب حقدهم وأسباب سكوتك... مرغماً كي تضع نقاطك على حروفهم الصغيرة.. مرغماً كي تفضح صورتهم وكي تحفظ صورتك التي لن تهتز يوماً من أقلامهم البالية... مرغماً حين يظنون كبريائك ضعفاً ووهناً.. مرغماً حينما يلقي رجال الورق والصدفة خطبهم وتوصيفاتهم على مسامع النساء وبعض هؤلاء النساء تجمعك بهم علاقات أشرف وأكبر مما يظنون... أو أكبر من قدرتهم على الإستيعاب. كانت بداية... وللحديث يقية... بناءً على مقتضيات المصالح العامه والخاصه!!! ودمتم. |
التملق والمنفخة مستحيل يجتمعو بنفس الشخص... ويلي بيقولون عن نفس الشخص عن جد بيكون حاقد
بالنسبة للتملق فهالصفة انا بشوفها كتير بتقلل من قيمة الشخص لانو بتخليه متل شيخ المنظرة مالو قيمة عند الناس يللي بتملق كرمالهن,,,وانطلاقا من هالشي رح يكون عاجز عن اثبات ذاتو بأي مجال أو قدام اي حدا والمشكلة انو ثقتو بنفسو رح بتكون او بتصير مهزوزة لانو ما عندو لا ثوابت ولا قيم بتشكل عندو الاساس يللي عايش عليه ,,,باختصار الموج هوي يللي بسيرو مو العكس,,,, أما المنفخة فبرضو صفة كتير كريهة بتدل على عجز الانسان على انو يشوف حالو متل غيرو وبتخليه يحط حالو ضمن مقاييس ومرتبة ما بحط غيرو فيها وما بستحقها وهون ما رح بستفيد غير قلة القيمة وقلة ثقة بحالو هاد ازا ما تلاشت,,,, ومنفخة+تملق =! ما بجتمعو لانو المتملق ما فيو ينفخ حالو لانو رح بتكون مهزلة واللي بينفخ حالو ما رح يقبل انو يتملق كرمال اي حدا,,,,منطق ما هيك الغباء انت كفيت ووفيت في الحكي عنو وطبعا انا معك بكل يللي زكرتو فهون النتيجة الحتمية اني ماني غبية لانو ما جمعتن وما بستوعب انو ينجمعو بذات الشخص:lol: والحقد بكفي اني قول عنو انو مرض خطير بيعيش جوات الشخص يللي ما بطيق شخص تاني وما بستوعب فكرة انو السعادة تسكنو ,,,, وموضوع حلو ابو الفيد كالعادة |
اقتباس:
في ناس اضطريت كتير اني اتعامل معون بنفس الطريقة يلي حكيت فيها وراحو بحال سبيلون شكرا فادي:D |
تعودنا منك هالاسلوب القوي والبسيط بنفس الوقت بالكتابة
والكلمات يلي بتصيب المقتل دايما وغير انك عم تزت قنابل وصواريخ ما رح قول والاحلى عم تصيب اهداف مو شلف ...يعني اصابات مباشرة |
اقتباس:
سراب بحترمك جداً أنا :D اقتباس:
هلا لما :D اقتباس:
هلا غالي. |
شوية توضيح عن الموضوع أول توصيفين مستقلين عن تاني توصيفين... بمعنى انو التوصيفين التانين هنن توصيفين يطلقوا على من قد يطلق أول توصيفين بحكم الأسباب يلي ذكرتها...
لوضح أكتر الغباء والحقد هنن أوصاف الشخص يلي بيرمي صفات المنفخة والتملق "مجتمعين" على البشر... حسيتا صعبة شوي؟؟!!! |
شو بتقصد بجملة : ( من وحي الجو )
هي في وراها إنّ :? |
عجبني هالموضوع كتير تسالي :lol:
|
اقتباس:
:lol::lol: ثانكيو فادي .. وسيدي .. اكتر من هيك شكيلات ما في .. طنّش وارتاح .. او بالاحرى زبلو بحالو .. وما تنتكش فيه .. |
شو :shock:في بالجو ...
ان التملق والنفاق والتخلف والغباء هي أمراض اجتماعية إذا أمسكت بتلابيب مجتمع ما .. فلاخير فيه ولا بأبنائه. هناك شاعر بريطاني يدعى جون ميلتون يصف التملق بأنه صفة الشيطان . والتملق ليس صفة تقتصر على بني البشر بل يتصف بها القردة أيضاً حين يلجأ بعضهم للمداعبة من أجل التقرب إلى البعض الآخر لإحراز تقدم في وضع معين . لكن من جهة أخرى إن قليلاً من التملق لا يفسد عقل متلقيه مازال يشعر بحالة نفسية أفضل ودافعاً لاحراز التقدم في أمر ما . أما الغباء فهو سر الحياة .. لربما كان بداية طريق المفاجآت. الحقد عقدة نقص تجاه الآخر . حلو موضوعك |
انا برأيي انو الحقد هو سبب كل البلاوي... يعني هو اللي بيسبب
التملق و الغباء كمان و شكراً عالموضوع ...:D |
الحقد يبدأ بالغيرة باعتقادي وهي الغيرة بتخلي الشخص يصير منفخجي أو (شايف حالو ) بسبب عقدة النقص اللي بتصير عندوا وعالأغب بتتوج عندوا بالغباء لانو ماعاد بصير عاجبوا شي بالعالم وعلى أبو تعليقات على فلان وعلى علتان ومسخرة على هاد والضحك على هاد وبالنهاية بكون صار لازملوا كب بالزبالة هيك بني آدم لانو ماعاد ينفع معو شي
وعن تجربة شخصية :sick: وشكرا حبيب عالموضوع الرائع :D |
الحقد يبدأ بالغيرة باعتقادي وهي الغيرة بتخلي الشخص يصير منفخجي أو (شايف حالو ) بسبب عقدة النقص اللي بتصير عندوا وعالأغب بتتوج عندوا بالغباء لانو ماعاد بصير عاجبوا شي بالعالم وعلى أبو تعليقات على فلان وعلى علتان ومسخرة على هاد والضحك على هاد وبالنهاية بكون صار لازملوا كب بالزبالة هيك بني آدم لانو ماعاد ينفع معو شي
وعن تجربة شخصية  وشكرا حبيب عالموضوع الرائع :D |
بنظري الحقد اكتر واحد سيء فيهم ....
|
أتعس اشي فيهم (انه الواحد يشوف حالوا) !
بكون الشخص سيئ جدا!! |
مرحبا للجميع ....
في بمجتمعنا كتير متناقضات من اهمها التملق يلي بيؤدي للنفخة الكدابة ولشوفة الحال و ممكن التملق يكون ايجابي ازا استغل من الطرف المقابل كحافز للنجاح واحيانا بيكون سلبي ازا ادى الى الغرور وشوفة الحال وبالنهاية احيانا الانسان بيحب وبيحتاج يسمع كلمات المدح والاطراء حتى يطلع من ازمة نفسية معينة وبرأيي الشخص الواثق من نفسو مابتعني هاي الشغلات والمتملقين بمجتمعاتنا العربية كتييييييييييير اكتر من الهم ع القلب خاصة تملق الحكام واصحاب المناصب اما بالنسبة للحقد فهاد مصيبة حتى على صاحبو لانو بيتعبو نفسيا وبيخلي عطول قلقان وبيجيب كل الامراض بالنهاي التملق والغرور والحقد امراض اجتماعية مترابطة الحقد والحسد بتؤدي للتملق والتملق بيؤدي الى شوفة الحال وهيك سلسلة طويلة مالها اخر ملحوظة :احلى شي بالحياة الواحد يكون طبيعي وقلبو ابيض وصافي يا الله شو بيتهنى بحياتو وبيعيش مرتاح البال ومبسووووووووط :hart: |
التملق أو تمسيح الجوخ : أصحاب هي الفئة بدك تسمحلي أذكياء بس بغباء, التملق أو تمسيح الجوخ لح عبر عنن بالازن من زياد الرحباني بالغبرة, يعني الزل بدمن ممكن يعملو أي شي ليوصلو للي بدن ياه.
النفخجي هلا أغلب المنفخجية من نمط الي بيفرشلك البحر طحينة , من جماعة أنا اللذي وبأغلب الأحيان بكون فافوش , هي الفئة عالأغلب عندها عقدة نقص بعوضو عنها بلسان الأنا وهدون بيعرفو حقوقن كتير منيح وما بيعرفو واجباتن او بيتهربو منها تحت غطاء الأنا وكمان هنن من فئة الغبرا أما الأغبياء فبظن حكيك كافي وافي باستثناء أنو أغلبيتن ما بنطوو تحت الفئتين الي ذكرتن لأنن ما عندن مبدأ بينما الفئتين الي ذكرتن عندن مبدأ راضيين هنن فيه |
| الساعة بإيدك هلق يا سيدي 02:39 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
