هل ستبكي على من جرحك يوما؟؟
 

المو ت يمحي كل شيء يعني بعد الموت ولا شي رح ينفع

هيدي مو كتابة........هيدا نزيف..........يالطيف....الجرح من الندل مابيطيب

نفسوا
بس اكيد انا كنت حابتتوا واحترمتوا ووثقت فيه
يعني لو سمعت انو صابو شي او مات رح ازعل وانقهر لاني ماشفتوا
لانوا مهما صار ومهما سوى رح يضل غالي بنظري
بس زعلت من تصرفوا وعاقبتوا هاد الاهم اني رح اتركوا بس الله يعلم اني
رح ضل حبو وفكر فيه:cry::cry::cry::cry:

لأ شـو هالحكـي تبع مش رح نسامح مش رح ننسـى :lol: ..
يعني أكيد بسامحو.. ويمكن حتـى أسامحو من قبـل ما يمـوت.. لأنو المسامحة بعتبرها شي منيح الي كـ شخص مسامح قبل ما يكون الو..
لما الانسان بتجرد من كل شعور سلبي وبرتقي باحاسيسه لدرجة العفو للمسيء بكون وقتها وصل لأعلـى درجات الهناء والرضـا النفسي والطمأنينة..

بتمنى كلنا نقدر نسامح..

ياريت
بس احيانا الجرح بيكون عميق وصعب يندوا
وصعب ننسى
ياريت اقدرانسى

مش شرط تنسـي.. وبعرف انو في جروح بتكون عميقة وصعبة..بس ازا انتي آمنتي بحالك وانو اللي صار هو تجربة بتقويكي..اكيد رح تقدري تغفري..

انا ماعم اقدر اغفر
والمشكله لم شوف الي جرحني وخاصه اذا كان بيقربك
بتصير اصعب بكتير لانك مو متوقعه منو هاد الشي:cry:

:cry:انا متلك
بس عن جد شيلوا المزح على جنب لو صابوا اي شي
بطق وبموت من القهر
وببكي كتير وبزعل:cry:

كتير انتي طيبة....بس مرات الجرح ما ممكن الواحد يقدر يتسامح فيه...خاصة من الأحبااااااااااب

أكييييييد رح أسامحه / أسامحها بما أنه بيوم من الأيام أمنت عليه / عليها أسراري وأحتل / أحتلت مكان من قلبي !!!!!:D

انا عن نفسي ادا هيك صار معي بسامح لاني بانسى بسرعة و تجربتي معو اكيد راح تكون درس لالي لحتى ما اوقع بنفس الغلط مرة تانية وبعدين بسامحو لانو كان بيعني لي ولو ماكان قريب كتير مني ما كنت قلتلو كل اسراري مابعرف انا هيك رأيي .
شكرا كتير ع طرح الموضوع لانو كتير كنت حابة شوف الاراء فيه

اكيد رح سامحو ورح ادعي لالله يغفرلو...

اه صحيح انا طيبه بس قاسيه اذا زعلت ومابرضى بسرعه واحيانا مابقدر انسى من القهر
او لانتقم على الاقل بركي بيشفى غليلي شوي:cry:

ma rah ebki 3alih abadan yali bakani aw bakatni ma byeswou ebki 3alihounabadan
yemken samhou bes ma rah ensa
houwa aw hya tab3an