|
بخصوص العيدية
أنو لما كنا صغار .... أو حتى لما كبرنا شوي ..كنا متعودين أنو بأول يوم بالعيد ننطر شي اسمو عيدية بغض النظر عن حجم هالعيدية ...بس كنا كتير ننبسط فيها أنو يعني دخل إضافي مو داخل ضمن خطتنا الاقتصادية .. يعني منقدر نتشبرق فيه على كيفنا ..و بدون حساب و نصرفو على ملذاتنا الشخصية .... يللي بتختلف على اختلاف أعمارنا .. ابتداءاً بالملاهي ... مروراً بالسينما و هالأمور ... انتهاءاً ....بـــ ما بعرف شو هلأ كبرنا على هالقصص ...و صرنا كمان ننطر العيدية ...بس مو لناخدا صرنا ننطرها لندفعها ....و على فكرة .. فرحتنا فيها لساها متل ما كانت و يمكن زادت مع أنو عم ندفع بس أنو يمكن .... بسمة على وجه طفل صغير ( حتى لو مو طفلك ) تسوى مال الدنيا كلو كمان تعودنا بأول أيام العيد .....نشوف المسحر من الصبح ... كمان مشان العيدية مع أني بكره ربو للمسحر ...و مع أنو صوتو كتير كان يزعجني ..و مع أنو بحياتو ما فيقني ... لأني متعود اسهر للصبح بس كمان كنت مبسوط و أنا عم عايدو ... بس اليوم حبيت افتح المحل .... شنّو ملينا من قعدة البيت ..و انا بصراحة مو متعود عليها تفاجأت بشوفة أبشع مناظر ممكن البني آدم يتصبّح فيها عبارة عن 3 وجوه لخلقات كريهة عم تحاول تغطي قبحها بابتسامة مصطنعة بس بصراحة محاولتها كانت جداً فاشلة .. و الابشع العبارت الودية يللي عم تطلع منهون على غير عادة و يللي بتطلع كتير ركيكة .. لأنو جديدة على لسانون يعني باختصار ... كانت 3 وجوه لـ 3 عناصر من دورية أمن جنائي مارقين بالسوق قال شو ....... عم يطبوا عيدية من تجار السوق لوهلة حسيت حالي عم شوف أبو جودت بباب الحارة .... يعني أيام الانتداب الفرنسي .. مو بالقرن الـ21 بس بصراحة ..... و بكل صراحة ...كمان هالمرة كنت كتير مبسوط حبيت كتير هالشعور يللي انتابني ...و أنا عم قلّعون من المحل  |
اقتباس:
شو هالحكي؟ عنجد؟:o قوي قوي :gem: بالنسبة للعيدية .. يللي حكيت عنها ببداية موضوعك .. عنجد كتير حلو انك تعايد الولاد الزغار .. انو لما عملنا فتلة بالسيارة بالضيعة عنّا .. وتشوف الزغار وهيك انو كتير بتحب تعطي لكل واحد عيدية بمعزل ادا بيقربك او لا .. شعور كتير حلو .. لو بتقدر :p |
اقتباس:
يعني بكل عين قوية عم يطلبو ...:shock: اهم شي انو انبسطت من تقليعتهم يعني .... عيدية من الاخر ...:lol::lol: |
تعرف انا شو صار معي :frown:
شرطة المرور عوفوني سمايي وزعت عيديات شي 400 آخر واحد لقطني قلتلو خيو عطيني ورقة انو انا معفي من العيديات |
اقتباس:
|
اقتباس:
|
ليش العالم الها بالعاده تطالب بعيديتها؟؟؟ :shock:
بتزكر لما كنت صغيره كانو افراد العيله ينادولي، يبوسوني ويعايدوني... بس هدول لجحيش شو ضرب بمخاخهن ليعملوها؟؟؟ |
ذكرتني بهديك الايام
ايام ماكنا نطلع من وش الصبح من لما الرجال يروحو عالجامع يصلو صلاة العيد بكير نطلع وراهون وندور وندور وندووووووور ونركد نبوس ايادي الكبارية(على اساس نحنا شو مؤدبين يعني) والهدف كلو ببراءة الطفل هو انو ياخد العيدية ونتبارى مين بيجمع اكبر قدر من العيدية ونتفاخر فيها ونقعد نفكر كيف بدنا نصرف هالمبلغ الضخم ما احلى ايام الطفولة صحيح انا لهلق باخد عيدية بس طعم العيدية على قلتها ايام زمان احلى بمليون مرة من عيدية اليوم على كبر المبلغ سامر شكرا عالموضوع |
اي ولو عادي...بتصير بأحسن...البلاد :lol:
|
اي اب سمرا تعوّد :lol:
|
اي اي اب سمرا....لازم تتعود :gem:
و بالمناسبة وين العيدية...:larg: :p:p |
اقتباس:
اقتباس:
بس هدول العالم ........ يعني العالم هني يللي ما بيطلبوا العيدية .. بس الحمير ما بينعتب عليهون |
حلوة منك
بس عندي تعقيب يعني الجماعة بدهم عيدية مو احسن مما انهم ياخدوا رشوة :lol: |
قلعتن بلا ماتعطيهن عيدية ؟؟؟
وماعملولك شي؟؟؟ ولي شو ابضاي اب سمرا |
لك انو بطرطوس:o .. وعم يطلبو عيادي :shock:
انا على فكرة كتير كنت اكره قرايبيني من ورا العيدية ال شو عم يعايدني ب 500 ليرة مرة وحدة كان عمري شي 11 سنة قلتلا شو بدا تعمل ال 500 ليرة اجيت اكلت قتلة .. وما اخدت عيادي بنوب :? ال جزا بسيطة اب سمرة بسيطة بس ليك ارفاع كل شي في عندك سيديات عال 4 شيرد مشان المحل ازا صرلو شي ما مشان شي :lol: |
إنو لهلأ انا باتعيّد :fdance: العيد بلا عيدية مالو طعمة ,, بس عنجد هي سمعة جديدة , دورية شرطة تطلب العيدية .. شي حلو والله كان المفروض تعايدهم وتشوف البسمة على وجوهن يوم العيد , حرام خطي :flala: |
منيح انو محلّ ... مو بسطة ...
عنا بالحارة .. الشباب متعودين ياخدو عيديتهن لحالهن ئش هالـ بسطة وهالبسطة وهالبسطة ... وروح طعمي ولادك من عرئ جبينك الله يعينهن ئلتلي .. بخصوص العيدية ... والشعب العنيد :pos: |
اقتباس:
بس عيدية عن عيدية بتفرق ميرسي بنفسوووووجة ( قال يعني عم دلعّك  )اقتباس:
بتصير بأوسخ البلاد :frown: |
| الساعة بإيدك هلق يا سيدي 00:35 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون