هل يعني ذلك أنه جعل اقتصادنا الأقوى عالمياً
 

صباحو
شو حلو أنو الواحد يحب يعكر مزاجو من عبكرا الصبح وهوَي عم يقضي إجازة كم يوم في ما تبقى إلو من وطن أو فيما تركوه له من وطن متل خيال الصحرا ويفتح التلفزيون عالفضائية الوطنية ويقرا هالخبر على الشريط الأخباري
اقتصادنا من أقل الإقتصاديات تأثراً بالأزمة المالية الحالية
وللحظة يظن أن الخبر لوزير اقتصاد الصين أو ماليزا أو اليابان أو كوريا , بس الشي اللي بيطير العقل أنو صاحب هالتصريح السيد وزير الإقتصاد السوري
شلون صار هالحكي وشو رأيكم بهالحكي وشو مدى صحة هالحكي
ومين مصدق وشلون ومين عندو قدرة يفسر هالحكي ياريت يترجملنا هالتصريح قبل ما يطق هالشوية عقل الباقي

إذا أخذنا بالحسبان إنو ماعنا أسواق مالية للتأثر بالأزمة الحالية, وماعنا حرية بحركة العملات بيعاً وشراءاً للتأثر بالهبوطات والإرتفاعات اللي صارت, والنفط عنا حساباتو لحا مفافي مشكلة إذا ارتفعت أسعارو ولا صار برخص المي, وإذا أخذنا كمان بالحسبان إنو ماعنا رأس مال أجنبي قرر الخروج من البلد بعد الأزمة وماعنا فروع لشركات قارية ومتعددة الجنسيات ممكن اتسكر أبوابها بسبب هالأزمات, وماننسى إنو المواطن الوري هوي أخر شخص ع وجه الكرة الأرضية ممكن يتأثر بأزمة الرهن العقاري الأمريكية لأنو يادوبو مدبر راسو بغرفة بسورية.... وبعتبار نحن بلد مكتفي غذائياً وعم انصدر لغيرنا من الفائض كمان فمافي خوف من تأثيرات أزمة الغذاء العالمي, وحتى إنفلونزا الطيور ولله الحمد ما كشفوا ولا حالة عنا لا أولي ولا هلا ولا بالمستقبل وبعتبار نحن بلد إنتاجي مو استهلاكي وبين كل مصنع ومصنع عنا في مصنع ما إتأثرنا بموجات التضخم العالمية وارتفاعات الأسعار اللي بتكوي وبتلهب لهب ..................وبالتالي إذا أخدنا كل هالإعتبارات بالحسبان بيطلع تصريح الزلمة تصريح ناتج عن تمحيص ودراية وخبرة وغيرة ع الوطن والموطن, فجهزلي حالك وجهزلي شنطتك وبوشك ع المطار, أحسنلك من هالطبخة

الله يسامحك يارجل, عكرتلي مزاجي ع هالصبح

لا تآخذنا لك خاي الله يرضى علينا وعليك وحياتك كنت عمضبضب الشنطة وبوجّي عالمطار بعدين تذكرت أنو لسّا ما خلصو دهن المطار وما في حدا عم ينبه الناس وقول : أوعا البويا ويمكن معاهم حق لأنو ما عاد في وعي ولا عقل بنوب
وبتشكرك كتير على هالتوضيحات اللي كتير منطقية وعقلانية وكان هالتصريح رح يروح بهالشوية عقل البقيانة لولا توضيحك ,انا كنت مفتكر أنو سبب عدم التأثر بالأزمة المالية العالمية هّي أنّو نحنا خلص طلعنا من العالم وماعاد في تأثير علينا من حدا بالعالم بس منيح طلع مو هيك السبب ورجعتلي التفاؤل

اي كيف لكن الله يرضالي عليك. بعدي نفي نقطة جداً مهمة أغفلناها وهي إنو إذا حضر الماء بطل التيمم, وهيك فنحن ماعم نتأثر بالأزمات العالمية لأنو مالعون سلاف سلافنا بأوضاعنا الداخلية وهمومنا المحلية, ومعلومك هي أولا إنو اتأثر علينا قبل المستورد من الأزمات.

بخصوص المطار ماتاكل هم, أنا سمعت إنو الترميم هالمرة ع أصولوا وبعدين فوق ماعم يحملوك شوية دهلن وبالمجان:o:o

أنا بظن هالخبر صحيح 100%






أنو يعني .... كشّ الحمام شو بأثر عليه أزمات مالية و بورصات عالمية
كل القصة أنو بس يجي هالحمام .... منكشّو
ليلاً نهاراً




و قريباً تامين الخدمة للمنازل

"الشاة المذبوحة... لا يؤلمها السلخ"


:D

صح بالمية مية

يعني ممكن إذا انتسبنا لإتحاد كشاشي الحمام الدولي تنحل بعض القضايا الإقتصادية العالمية المعلقة وبالأخص أزمة الغذاء العالمي واللا نتيجة مقاطعتنا الإقتصادية لأمريكا لها علاقة بهالأزمة , ومعقول إذا خففنا شوية ضغط على بعض الدول الغربية يتلحلح شوي الإقتصاد العالمي , أو إذا استعانة الولايات المتحدة ببغض الخبرات الإقتصادية السورية المتخرجة من بعض الدول اللي ما بتعترف هيي نفسها بالشهادات اللي منحتهم إياها