|
بماذا ترد على من يعاملك بفوقية؟
تخيلو معي رحتو على شي دعوة او حفلة جماعية وصادفكن ناس من طبيعتهم يتعاملوا مع البشر من فووووووووووووووووق....وبطري قة كتير غليظة!كيف بتتعاملوا مع هالشكل من الاوادم والعياز بالله ؟خاصة ازا كانوا هني اللي اقتحموا عليكن الجلسة؟
|
الي بيعاملني بفوقية مباشرة وبكل بساطة بنسحب من الجلسة معو او بعامله بنشافة . ممكن كمان سمعو كم كلمة بطريقة غير مباشرة او مباشرة على حسب الوضع.
|
والله على حسب الموقف وحسب القعدة وحسب الشخص وحسب حالتي النفسية كمان :larg:
|
حسب المزاج
إذا ما كنت رايقة وما على بالي انزعج بنسحب من القعدة معهن وبروح مع ناس بتفق معهم أكتر لأني بكره المغرورين ونمط يلي بيعاملو غيرهم بفوقية وهالشي أصلاً بيعبر عن عقدة نقص أما إذا كان على بالي اتسلى بعاملهم بفوقية× 2 وبتجاهل تام |
:deal: والله حسب الموقف والمكان والمزاج وحسب الشخص
بس بصراحه على الاغلب ما راح يطلعلو معي ههههههههههههههه :ss::yahoo: |
بشكل عام أحتقر الانسان الذي يتعامل بفوقية مع الآخرين :jakoush:
|
اقتباس:
|
اقتباس:
|
اقتباس:
|
شوف يا صديقي
بيقول اب عاصي اذا انا شيوعي لا تفكر انو مارس اخلاقي الشيوعية مع الرأسمالي لأنو هوي بيكون عما يصلي مشان تتعامل معو بأخلاق الشيوعيين لا انا مع الكبير كبير مع الصغير صغير مع الشيوعي شيوعي مع الرأسمالي اقطاعي يعني بخليه يعطلي سيدنا و انا يلي عما اشتغل و بيعملها لأنو نفسو دنية قدام المصاري :larg: |
أمــا بــســألــو ســؤال جــوابــو بيـكـبــر راســو .. وأول مـا يبـلـش يجـاوب بفــتـح حـديـث مـاحـدا تـانــي ومـا بسـمع الجـواب واذا اجـربـتـني الظـروف اكـون معـو لحـالـي .. بعـيدو كـل جمـله بيحكـيـها اكـتر مـن مـره .. بحجــة انـو مـا كـنت معـك .. سهيـت .. غفـيـت ع كــل الاحـوال ضمـنيـا بكـون متـأكـده انــو هــوه .. تحــت .. وعــم يحـاول يتــعامـل مـن فــوئ .. لأنــو اللــي بيــرتقـي بيــتواضـع .. مــو العكـس . |
ليش لترد؟
اذا شفتون هيك تجاهلون بكل بساطة حتى لو هني اقتحمو الجلسة فيك انت تترك الجلسة وتمشي |
قلة الرد رد
|
ابتسم كثيرا واصغي الى النهاية حتى اعرف نقطة الضعف في شخصيته مع ان فوقيته ضعف اصلا ولكن بحاجة الى اثبات ومن ثم ارمي ليه بشفافية واحترام ماهيته |
:lol:بعاملو بالمثل واكثر
|
ع حسب ازا ظل يتعامل بفوقية بطلع من القعدة وبتركو يتفاوق ع راحتو
بس ازا يتفاوء ويتزانخ علينا اكيد بسمعو كم كلمة بتسر خاطرو:jakoush::jakoush: |
ما حدا بحقلو يشوف حالو ع حدا ..
ب اغلب الوقت بكون عم اسمع .. وازا بدو يفتح نقاش ويرفع مناخيرو .. بقلو دخلك على شو؟؟؟ |
انا بعامل بالمثل .... كل واحد بحب عاملو متل مابيعاملني .... المنيح منيح والعاطل عاطل ..........
|
| الساعة بإيدك هلق يا سيدي 07:21 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون