|
نوستالجي حنين
وسنين بعد سنين بيبقى الحنين
وانا عندي حنين ما بعرف لمين وحنيت لعنيك حنيت حنيت وانا قلت ياريت ويا سنين الطفولة رجعولي رجعولي مشتاقة لحبيبي العلمني الهوى يعني الحنين شي مرتبط فينا عطووول منحسو معنا ما منعرف شو هالشي اللي بيصير معنا عطول منحس أو الاغلبية مشان ما نعمم بيحسوا انو من زمان كان الوقت أحلى كنا مبسوطين أكتر وعطول مبارح أحلى من اليوم واليوم أحلى من بكرا فهيك يعني هالموضوع محطوط لتشاكونا الحنين شيتكون وتقلولنا لشو عم تحنووو؟ :D انا راح بلش وانا هلق عندي حنين لأيام زمان لما كنت شوف اوسكار يييييييي شو كانت الأيام حلوة :cry::cry: ألا ليت الزمان يعود يوما أو الشباب ما بعرف :lol:  :cry: حنو معي حنووووووووووووووووو :D |
اييييه..
"يا سنين اللي رح ترجعيلي .. ارجعيلي شي مرة ارجعيلي " والله انا من الاشخاص اللي النوستالوجيا بتمشي بدمي..ما بعرف لشو ..لمين بالزبط..بس دايما عندي حنين لشي راح..ودايما بتنفس هوا الماضي اللي كـان.. بحـن لكتير اشيا.. للرحلات اللي كانت تجمعني بأعز الاصحـاب.. لاغاني الطفولة.. للمشي اثناء النوم :oops: .. للـناس اللي راحوا وعلّموا فيي احلى او حتى أتعس الزكريات.. |
ياريت اللي عم حس فيه بس حنين :cry:..
|
اقتباس:
شو لكن انا حاسس فيكي :cry::cry: عمبيصير معي نفس الشي :frown: انا عم حن للحفوضة :p:p:p |
انا احن لذاك اليوم عندما كان ابي يعزف على الاورغ وكاسة الويسكي على يمينه والسيجارة في فمه عيونه مغمضة وتعابير وجه تدل على انه في قمة الابداع اجلس على الكنبة الطويلة في حضن امي ووالدي يبدع في العزف,, الاضواء خافتة والجو رائع امي تمرر اصابعها على شعري . . . وتستمتع بصوت الموسيقا والدي كان له عزف مميز جدا وجميل تارة يعزف بهدوء وتارة تهب باصابعه موجات تجعله يعزف بقوة وانام في حضن امي والابتسامة على وجهي هذا ما احن اليه وادفع نصف عمري لكي ارجع ولو مرة واحدة لتلك اللحظات حتى امسك بكمرة تصوير واصور كل شئ ربما تبدو قصة خيالية . . . ولكني هكذا كانت طفولتي مع والدي  |
عم حن لل اوفرول الي ماما كانت بتلبسينياه
كان عبارة عن قطعة وحدة تغطيك من اجرك للقبوعة الي علي راسك وبالعلامة كان عليه بطة علي صدرو كان التلج بينزل برا وانا كنت بقعد بحضنها وهيه عم طلعميني ييييي شو كان راسي فاضي ...يعني لساتو فاضيي بس ماعاد دافي متل زمان |
أنا عم حن لأيام مراهقتي ودراستي .. عم حن لهديك الأيام اللي ما كان فيها لا هم ولا مسؤولية غير أنو أطلع عالجامعة وصيع بالسوق والمطاعم مع رفقاتي :cry: .. وشكرا على تذكيرنا بهالذكريات الحلوة :D سلام :D |
اقتباس:
|
مافي احلى من لانوستالجي
انا عم حن لاشيا كتيرة عم حن لايام الزغر والولدني أيام ما كنا نلعب بالتراب:o عم حن لكل شي حلو مرء بحياتي |
بحن لكل شي
ل توم سوير للنومة عند دار سيدي وريحة الخبز بالصبح لما فيق وجدي عم يعمل شاي مش معقول اطيب شاي دقتو بحياتي وتيجي ستي تقلي يلا قومي طلع النهار وشنهق الحمار ..:oops: وبحن لايام الابتدائية لما كنت قضيها هبل وضحك ............. سنة عن سنة عم تغلى عقلبي يا عهد الولدنة |
اما انا فــ عم حن لوطني:cry:... لشوارعه لبيوته القديمة المهرهرة..
لنواعير مدينتي و صوتا الحنون و زقزقة العصافير و خرير العاصي:lol: واطيب شي بالدنيا هو الخبز السوري... يا سلاااااااااااااااااام |
انا بحن لقعدة مع جدي الله يرحمو
كان شي خيالي لما نقعد عالسطوح ويكون عم يحكيلنا قصص ابطال ايام زمان ويقعد يحكيلنا شعر لو اقعد مية سنة احفظ فيه ما رح احفظو كان لما يحكي تحس كأنو عايش هوي القصة تحس كأنو هوي الحبيب وهوي المقاتل ...كان أجمل شي بحياتي بس للاسف لو ادفع عمري كلو ما رح يرجع ورح يبقى حنين وبس |
انا برجع لأيام غابة الأماني
هي غابة أو شبه غابة بستان فيكون تسموا كنا بس نخلص مدرسة روح عليه أنا وابن خالي وبنت خالي ورفقات النا نلعب هونيك ما بتذكر ليك سمناها غابة الأماني بس بيجوز لانو حققتلنا رغبتنا انو نكون حريين أكتر من اللازم :D |
الحنين
دمعتين تنحدران الى الداخل والحنين موكب عائد لا بد ويصطدم بفجائع الخسران لذلك سـ أحنُّ للغدِ الآتي |
أحنُ لـِ أفلام ِ الصِغار ياريت يعيدوا " أوسكار " :lol: والله يا زين ذكرتني بالطفولة هل تعود ؟ :D |
ما بظن تعود
بس فينا نعمل شي حلو بس طبعا ما كتار اللي بينجحو وبيعملوا شي حلو بيضل الزمااااااااااان الغابر بالنسبة لكتار أحلى وبيضل اليوم على قد ما عم نقول انو بشع راح نحنلوا بعد سنة بالكتير ونقول كنااااااا مبسوطين بس ما حاسين :akhawia |
عم حن لايامو
لعيونو لعيوبو لتفاصيلو الزغيره لاستثنائيتو لجنونو لكل شي كان يجمعنا سوا |
أنا بحن لكل ذكرياتي الجميلة ...
أي ذكرى بخيالي بحن إلها بتمنى إنها ترجع أو ما ترجع .. بخاف إذا رجعت ما ترجع حلوة متل ما كانت .. فخليها حلوة و خليها بذاكرتي .. بحن للمرأة يللي خلتني لأول مرة بحياتي قول كلمة (( بحبك )) و إندم لإني قلتها ، و بتمنى إني إرجع شوفها لقلها إني ندمت لما قلتللها هالكلمة .. :cry: |
| الساعة بإيدك هلق يا سيدي 20:51 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون