|
احتقار النفس
في مقولة حلوة لجبران بيقول فيها
سبع مرات احتقرت نفسي 1- عندما رأيتها تتلبس بالضعف لتبلغ الرفعة 2- عندما رأيتها تقفز أمام المخلصين 3- عندما خيرت بين السهل و الصعب فاختارات السهل 4- عندما اقترفت إثما ثم جاءت تعزي ذاتها بأن غيرها يقترف الإثم مثلها 5- عندما احتملت ما حل بها لضعفها و لكنها نسبت صبرها للقوة 6- عندما احتقرت بشاعة وجه ما هو عند التحقيق سوى برقع من براقعها 7- عندما أنشدت أغنية ثناء و مديح و حسبتها فضيلة (رمل و زبد ) الموضوع احتقار الذات برئيكون شي طبيعي و لا شي مرضي ؟ و ايمتا بتجتقرو ذاتكون ؟ و هلق يجب محبة الذات دوما رغم اخطأها ؟ و هل هذا دليل قوة ؟ :D |
اقتباس:
يعني حسب رايي انو فيني قلك يمكن هيي صفة مرضية يعني ممكن تدمر نفسية ، شخصية صاحبها متل ما المرض بيتلف ، بيخرب ، بيفسد ،، او حتى بيدمر ... احتقار النفس..ممكن يدمر نفسية من خلال انو هالشخص يللي بيحتقر ذاتو ع طول رح يضل حاسس انو ذليل انو مالو قيمة.. انو ما بيسوى شي..والشعور بهالشي مشكلة.. يعني ادا شخص غلط..ما ضروري يحتقر ذاتو ويذللها..انو يكفّر عن غلطو...ويصحح بس الاحتقار للذات مشكلة .. انا هيك برايي هلأ ما بعرف يمكن شي عن شي بيفرق..انو في امور ما بحاجة هالشخص يحتقر ذاتو مشانها بس في امور .. من شأنها تخليه يحتقر حالو وتخلي اللي حواليه يحتقروه.. يعني بيتعلق وموضوع غير شكل :D |
اقتباس:
يعني لما دايما بيحس كانو شي ناقص وهو غلط وحقير فبحس حالو بلا قيمة يمكن هذا الشي حتى يخليه يفكرر بالانتحار او هيك شي يعني الشغلة فعلا خطيرة 2) ايمتا بحتقر حالي ؟ مم كتير يعني مو لشي بس انا بطبعي خجولة كتير يعني على النت بحكي ما عندي مشكلة اما بالواقع يعني كتير خجولة تقريبا ما بحكي ابدا مشان هيك بصير حس انو عندي خوف او هيك شي يعني صعب عنجد !! اما اسا وضعي اهون شوي :oops: 3) مشان حب الذات .... انا ما بعتبرو دليل قوة يعني مرات لما نغلط مع اشخاص ساعدونا كتير يعني وتجرحهن شي طبيعي بالنسبة الي على الاقل انو احتقر نفسي على هيك شي بس برضو اذا زاد الشي بكون مرض على فكرة موضوع كتير حلو عنجد :D |
ما بين تأليه الذات و احتقارها تضيع الحقيقة احتقار الذات برئيكون شي طبيعي و لا شي مرضي ؟ مرض يتوجب الاسراع في علاجه و ايمتا بتجتقرو ذاتكون ؟ اذا سلمت ورضيت بالاحتقار... ذاته و هلق يجب محبة الذات دوما رغم اخطأها ؟ و هل هذا دليل قوة ؟ يجب ان تبني علاقة محبة بينك وبين ذاتك وانت يا سيدي جدير بهذه المحبة كيف لا وقد استطعت النجاة من بين 299999999 حيوان منوي وأثبت قدرتك على النجاة و عنادك في طلب الحياة |
أحبكم جَميعاً وَ أكرهُ نفسي لطالما كَرهتُ نفسي أقولها وَ لستُ بـِ خائف أو خـَجل وَ هل العِلاج أن أرددَ أحِبُ نفسي .. أحِبُ نفسي حَتى أصدق ؟ |
هناك دوما بقعة انتصار للذات وان لم نكن نعيها من قبل
هل العلاج هو ان نردد اكره نفسي أكره نفسي |
موضوع حلو والي رجعة عليه
هلا ما كتير فيني أحكي لأني عم اشرب أركيلة تفضلو حولو .... والأركيلة ما بتتحمل هيك حديث :lol::p مختصر الكلام إني سابقاً كتير بالغت باحتقار ذاتي وعدم محبتا اكتشفت إني أنا إذا ما قدرت ذاتي منيح فمهما الناس قدروها رح ضل حس بالنقص ورح ضل احتقرها حالياً فيني قول أني راضية عنها ولكني غير راضيه عن الظروف المحيطة فيها مع إبداء اعجابي فيها لقدرتي عالتحمل ويمكن شدة الصعوبات اللي واجهتني وقدرتي على الخروج منها صقلت شخصيتي أكتر وخلتني اتجاوز هالعقد الداخلية أكيد بحاسبها أوقات .... وبقيمها بشكل مستمر لحتى أعرف وين ضعفها وأعمل عليه ووين قوتها لحافظ عليه إياكم واحتقار ذواتكم فهي أغلى ما عندكم :D |
اقتباس:
إن هذا العلاج له مفعول جيد ولكن ليس على المدى القريب |
اقتباس:
أكيد شي مرضي واذا ماتعالج مبكرا فرح يحول حياة صاحبوا لجحيم اقتباس:
لما بعتمد على غيري وأنا كون قادر اني اعمل الشي اللي هو عملوا عني أحسن منو لما اتردد باتخاذ القرار لما حس حالي ضايع و مابعرف شو بدي ساوي لما اندم بعد فوات الأوان و اقتباس:
يجب محبة الذات دوماً ولكن ليس مع أخطائها يجب تلافي الأخطاء قدر الامكان وتصحيحها القوة تكون عند تصحيح الأخطاء التي نقع فيها دوما |
اقتباس:
هلأ شي طبيعي اذا كانت هي النفس عم تعمل مصايب وشاكل .. فانا برأيي احتقارها هوي حل امثال ... لوقوفها عند حدها ... وضبتها ....... وبيكون مرضي اذا زاد عن هادا الشكل الطبيعي يلي حكيت عنو .. واذا ما كان في سبب يخلي الانسان يحتقر فيها فسو ..... وبيكون مرضي اذا كان عم يحتقر نفسو منشان العالم ... يعني بيحتقر نفسو لانو العالم محتقرينو مع انو هوي مو عامل شي غلط ... هون بيكون مرضي برأيي !! اقتباس:
ممممممممم انا بصراحة اغلب الاوقات بحتقر حالي .... مو لشي ززز بس دايماً بحس حالي ناقص (يعني عقدة النقص او عقدة الحقارة هيك بيسموها بعلم النفس ) ... وبحتقرها لما بعمل اشيا انا مو مقتنع فيها ولا العالم مقتنعين فيها .... وبحتقرها لما كون ندل مع احد احبائي او اصدقائي ...(حتى لو كان بدون قصد) بحتقرها لما اندم على انو ليش انا لهلأ موجود بهالدنيي او بالأحرى ليش انا موجود بهالدنيي !!! بحتقرها كتييييييييييييييييييييير .. ما بعرف اذا كانت مرض او شي ... بس بحتقرها .... اقتباس:
هلأ انك تثق بحالك هادا شي مهم ومنيح ... بس انو لدرجة تثق بحالك حتى بوقت تكون غلطان ...لأ .. هي صارت مصيبة بصراحة !!! ومو دليل لقوة برأيي !!! بس قدام العالم انا دايماً بثق بحالي وبحبها واغلب الاوقات ما بورجي للعالم انو عندي عقدة الحقارة او النقص ... بالعكس .... دايماً بورجيهن اني احسن وافضل من عليها .....!!! بس بيني وبين حالي ... بحتقر حالي .. كتييير ... وهي الصراحة !! وبس ... سلام |
اقتباس:
حَتى هذهِ الكَلمة لا أستطيع أن أرددها أكثر من ثلاث مرات وَ إذا رددتها أشعر بَعدها أني أناني وَ أحتقرُ نفسي من جديد " أحبُ نفسي " لاحظ كم في هذهِ الجُملة مِنْ عاهات نفسية أيضاً :D |
اي بس حب النفس مش بالضرورة يصل للنرجسية أو الأنانية
المهم أنك تتقبل نفسك وما تكرهها |
اقتباس:
|
اقتباس:
اقتباس:
هلق في امور بتخلي هالانسان يحتقر من قبل الاخرين كتار كتير بس المشكلة انو يلي بيحتقرو الاخرين هوي ما بيكون محتقر حالو و بالعكس بيكون عما يلاقي اسباب ليبرر هالشي (( متل المعتدين على الأطفال هدول بيبررو انو هني اعتدو لأنو المجتمع كلو اثارة و غرائز و الاسباب الاجتماعية طيب هل الشخص و انا عما احكي عن المعتدي على الاطفال ما لازم يحتقر حالو )) ____________ هامش : عميمة أخطأ صح الهمزة ؟ :deal: |
اقتباس:
اقتباس:
3 اقتباس:
|
اقتباس:
بقا كيف انت أحبكم جميعا و أكره نفسي هلق انا بشك كل يلي عندو نزعة للكمال انو بدو يكون الانسان الكامل لازم يستحقر حالو لأنو ليكون كامل لازم يتغلب على العبودية يلي عندو و نحن عبيد لكتير شغلات :D |
| الساعة بإيدك هلق يا سيدي 08:14 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون