قصتي الحزينة مع قرض الكمبيوتر(حضرو محارم)
 

منشان اذا الواحد حابب يقتني كمبيوتر محمول
انو بس بيدفع بالشهر 2100 ليرة :gem:
ييييييييييييييييي شو عرض حلو هيك قلت لحالي:ss:
وانبسطتت وفرفشت ورقصت شرقي غربي صرت أورينت دانسر الله وكيلكون :clap::yahoo:
وانا كل شوي احكي مع البنك على خدمة الزبائن واسئلون شو الشروط:oops:
قال ولا شي مافي شروط منوووب:shock::shock:
بس بدنا بيان راتب من محل ما بتشتغل و صورة عن الهوية
لك حتى سئلتها اذا في شي حد ادنى للراتب
قال لاء :yahoo:
وهون طبعا انا انخوتت شو هالعرض اللي مافي متلوووو:shock:
صرت كل شوي اتصل بالنك قول بلكي هالجدبة مخربطة وموعرفانة شو تحكي
وكل ما اتصل نفس الحكي
وهنا اكتملت سعادتي :gem::ss:
اليوم الصبح حملت حمالي وبوشي لوين يا حزركووون
لك اي اي ما بدها وقفة رحت
:sosweet:ع البنك :sosweet:
وفتت وقطعت بطاقة تكت يعني منشان النظام والدوور :p
وضليت ناطر وناطر :pos:
طلعت حتى بالبنوك الخاصة في وسايط حدا بيفوت قبل حدا:frown:
يعني كان رقمي
128 فات قبلي 129 و 130
يعني غيرو بالبنك معادلة الأرقااام ;)
بس شو انا عم قول لك بيستاهلووو
هدول هي رحمة للبشريين :o
اي قامت ع المكيرفون :p
128 المكتب 10:p
هاد الرقم شيتي ياسلام :yahoo:
فقمت منتشيا إلى العاملة هناك صبية حلو الشهادة لله الواحد لازم يحكي زمتو يعني :sosweet:
وقعدت على الكرسي الوثير متل كراسي أغلب البنوك:adal:
بتعرفوا ديباجة تفضل استاذ ونحنا هون بخدمتون ومن هالحكي
غير شكل بتحس حالك مدير البنك الا شوي :lol:
المهم دوموزيل انا جاي اسئل عن قرض الكمبيوتر اللي منزلين اعلانو هيك انا قلت
اهلا وسهلا فيك استاذ هي هيك قالت
قالتي مشان اللاب توب
انو انت شو بتشتغل :p
قلتلها شو بشتغل :p
قال أي تمام كتيرررررر ممتاز :larg:
مممممم انا هون قلت تيسرت وما راح اطلع الا وبإيدي اللاب توب الجديد :clap:
وهون بلش السوبينس شيت القصة شيتي :larg:
قالتلي استاذ انت عندك رصيد عنا :shock:
الجواب معرف طبعا لكل السائلين والمتسائلين :frown:
لاء دموزيل :?
وهون صارت النظرات تروح وتجي بيني وبينها لمدة شي خمس ثواني ونص
انا قلت بحالي البنت معجبة فيني للصاجة :clap::yahoo::hart::cry:
يا سلام أخدنا كمبيوتر و انعجبت فينا صبية حلوة لدينااااااااااااااااااااا :adal:
بعد شوي كشرت عن انيابها وبابتسامة نعومة متل أنيابها :sick:
قال استاذ لازم تفتح عنا رصيد بالبنك :lol:
هون تغيرت الملامح شيت وشي :ohyeah:
وماقدرت احكي شي الا انوارسم ابتسامة ناعمى للغاية على وجهى المكتئب :-(
ولازم المبلغ يكون بالقليلة بسعر الكمبيوتر :mbc2::hashish:
وانا هون بلشو هيك ينضربوا الفيوزات شيتي :abo3aen::i7raj::da7ook:
وتركتها تكمل للأخرررررررررررررررر:?
وقال لازم جبلها سند إقامة :?
وفاتورة التلفون الأخيرة :shock:
ودفتر خدمة العلم :zen::shahbi7:
وبيان راتب
مممممممممممممممممم :lol:
والأهم من هاد كلووووو
قال انو بدون يجمدوا الرصيد اللي بدي افتحو عندون لبين ما سدد حق الكمبيوتر :shock::?
انا هون كظمت غيظي وتذكرت آية أو مابعرف شو بالضبط فيها كلمة والكاظمين الغيظ:sick:
وعم ابرع برسم أبتسامة عوجهى احلى من ابتسامة الموناليزا لليوناردو دافنشي :gem::willi::krimbow:
بعد شوي يعني شي عشر ثواني ضحكت بصوت عالي :lol::o
قامت قالتلي خير استاذ ؟:hart:
قلتلها سلامتك أنسة (صارت أنسة )وهون امتعضت لأنو طول الوقت دوموزيل
وهلق أنسة واتحيرت يالله هاد ليش قال أنسة :frown:
بس انو عندي سؤال :?
انو شو هالعرض اللي مقدمينو انتو !!!!!:shock::x
انو انا ماني شايف أي عرض بالموضوع:o
انا بدي جيب حق الكمبيوتر كامل حطو رصيد مجمد لبين ما ادفع حق الكمبيوتر :frown::jakoush:
ليش ما بدفعوا كاش مو أحسن :adal:
قال هيك العرض :mrgreen:
قلتلها شكرا:deal:
وقمت اجر أذيال الخيبة واري:frown::cry::waa3::fwaa3:
وهي قصتنا :D

والله انك نهفة وبكيتني الا شوي(ما ضحكت الا شوي)

يعني عرض شي فاخر عالآخر وقلقت ايامنا بهالقرض وطلع عفشوش....

لك على كلا الك عليّ هدية لاب توب بس لما التقيك بيوم من الايام وما بدك جميلتهن...دموزيل قلتلي....

:yahoo::yahoo::yahoo::yahoo::yahoo:

هي نتيجة اللي يمشي ورا جرايد الاعلانات :lol: ...


قال سارة قال :larg:

ههههه يحرق حريشك .. نهفة بربي ... :lol:
لك ما بتعرف انو كل الإعلانات بالوسيلة وبالشراع وبالمدري شو بطيخ النحس .. كلون كذب بكذب ..
خيو خدا قاعدة .. الشركات المحترمة .. بتبين بدون جرايد وإعلانات
السمعة بتشهرا ..
بس بدا محرمة ترا .. :cry:

:lol::lol::lol::lol:
قال عرض قال .... وين العرض بالموضوع
يا خطيتك يا زين لا كمبيوتر ولا صبية حلوة زبطو معك
:p

هاد اسمو بيزنس لكن شو :larg: ..

يا اخي مابتعرف انو ببلدنا مافي شي لا الله ;)


سماع شو صار معي من شي حوالي الاسبوعين .. كنت قاعد هيك ولا دق تلفون البيت .. الو اهلين هلا مين .؟
قلي نحن من شركة مدري مين قلتلو اي امر ؟
قلي نحن عاملين هيك عمنضرب ارقام ع الحظ وعمنألف تأليف واللي بطلع رقمو معنا بيربح .. انا قلت اوووه بدنا نربح شغلة كويسة .. قلتلو شو بقى .. قلي 5 علب شامبو :frown:
قلتلو هي الهدية .. قلي ايه .. قلتلو شو المطلوب هلأ .. انا قلت لحالي بلاش ولاش وشعراية من خنزير مكسب مارح نخسر شي عطيتو عنوان البيت ووهيك قلت مو خسران شي
ولا بعد شوي بجي واحد وحامل بايدو 5 علب شامبو .. اخدتن انا .. ولا شو طلعت الاجائزة انو انت ربحت الشامبو .. بس مو مجانا .. ال5 حقن 500 ليرة .. بس هنن ع اساس ع ببيعون ب250 .. ولاخ ماحكا لاجا :pos:

وانا بصراحة من زمان ما بامن بالجوائز وهيك شي اللي لا الله .. وعندي ايمان تام انو اي جائزة صاحبة الو منفعة من وراها .. وخاصة هون عنا ..

لازم الواحد يفرح لسخافة عروض المصارف الخاصة يلي عنا لسبب وجيه حتى مايصير فينا مثل المواطن الغربي يستهلك أكثر من طاقته ويغرق في بحر الديون والاستهلاك وحتى تقدروا نعمة المصارف العامة تبع أبو فجلة

يا حبيبي ..انت بس بدك تفتح حساب بالبنك بدك تحط اتوقع 200 دولار -هيك بالاردن يعني- ولازم يكون بسوريا هيك ... فمثلا لو انت عندك حساب عندهن وفيه 0 مكعب ليره سوري كانو عطوك اللاب توب يعني المهم انو يكون عندك حساب بالبنك بالطبيعه يعني ... فالي طلبو منك مشان فتح الحساب مو مشان اللاب توب

فهمت عليي؟

ييييييييييي يا مسكين

ذكرتني صار معي حادثة بتشبه تبعك كتير
كنت رايحة عاوتوستراد حرستا لما كنت بالشام
ولا لاقينا بياعين الموز هدول يلي عالبسطات كاتب 3 كيلو ب100 ليرة
قام بابا راح وقف السيارة وراح لعندو وقلو هتلي 3كيلو لشوف
قام اخدون بابا وعطاه 100 قلو الزلمة لبابا وقف عندك وقف شو هاد يلي عطيتي ياهون
سعر الموز يلي اخدتة (مو متذكرة)بس كان اكتر قام قلوا بس انت كاتب عاللوح 3كيلو ب100ليرة
قام قال البياع لبابا هادا اللوح لهدول الموزات (وحط ايدو عموز من شكلو بتقرف تاكل موز بحياتك من كتر مو حارقتو الشمس)

وكل هاد بس مشان الموز:p

لعمى شو انو شعب بس بدو مصلحتو:p

من شروط الاقراض في المصارف الخاصة وهي توطين الرواتب بالمصرف يعني تحويل الراتب للمصرف بشكل شهري والسحب منه فيما بعد وهذا الأمر لم يعتد عليه بعد أصحاب الشركات الخاصة

انو حكيتلي القصة مبارح بس.. قصة انو الصبية حلوة كأنك ما قلتلي ياها :p

مو بهي الحالة ريم... متل مافهمت من زين انو الحد الأدنى للحساب لازم يكون قيمة اللاب توب... وهالقيمة هي بتبقى مجمده بالبنك لحد ما يخلص سداد قيمة الكمبيوتر.... بهالجالة هنن بيكونو استفادو من القيمة المضافة على تمن اللاب توب الأصلي "يلي هيه الفائده" بحكم التقسيط "يعني حوالي 15% مركبه" .. واستفادو من المبلغ المجمد عندون... وماحدا أكل هوا غير زين :lol:

بعرفك بتغاري عليي
مشان ما تجي ع الشام تعلقي مع المخلوئة
ما قلتلك
:p:p:p

اذا هيك فهالعرض تسالييييييييييييييي

:cry::cry::cry:
اخيرا لقيت حدا يشاركني هموم شراء الاب توب :cry:

قال أكلت هوى
هاد اللي طلع معك يازلمة
لك أكلت
ولا قلك بلاها ما راح قوووول
بنفسجة
لك الله كريم الا ما نجيب لاب توب
بس صحي
اانا في واحد بد يجبلي ياه هدية
:gem::gem::gem:
ماراح انطر كتير
:lol::lol::lol:

:shock::?:shock::? ايامك:cry: ابقى عطيني دور عليه اوكي