|
نهاية الدراما التركية ..مبروك.
بعد شهور طويلة من انشداد المواطن العربي على امتداد هذا الوطن الى شاشات التلفاز مترقباً ما سيحدث من احداث وتطورات في مسلسلي الغزو الدرامي ( نور ) و ( سنوات الضياع ).
اليوم نودع هذه الدراما بعد نهاية مسلسل نور .. اليوم نهنئ الجميع بانتهاء هذا المسلسل وأؤكد ان اي مسلسل تركي سيعرض مجدداً لن ينال ربع نسبة مشاهدة هذين المسلسلين الحدث .. فكما عودنا الجمهور العربي حيث ينجذب الى كل ما هو جديد ويحوله الى ظاهرة خارقة للعادة كما هو الحال مع سوبر ستار 1 . او من سيربح المليون . او بداية عرض المسلسلات المكسيكية على شاشاتنا الصغيرة.. لا نريد ان نتحدث عن هذين المسلسلين كثيراً . لأن الحديث عنها طويل فنصها ضعيف واخراجها عادي وممثليها أقل من عاديين .. تعتمد على الخوارق واعادة اشخاص ماتوا الى الحياة والمصادفات والاستخفاف بالمشاهد والتشويق الممل .. المهم اننا خلصنا من هالمسلسلات وكل ظاهرة وانتو بخير ..يعني نهاية مسلسل نور المشابهة لنهاية مسلسل سنوات الضياع من اسبوع كتير بتدل على ضعف هالمسلسلات وانو نحنا عندنا دراما سبقتهن بكتير. نحنا مشكلتنا التكديس الدرامي برمضان ومنخلي الساحة فاضية لهالظواهر طول السنة .. وكل رمضان وانتو بخير مرة تانية .. رح نريح راسنا من التركي شوي ....   ومبروك مرة تانية من كل قلبي على نهاية الظاهرة. :mimo: |
وَ هكذا عادتِ الحَياة ُ طبيعية في الشارع العربي وَ استتبَ الأمنُ في قلوبِ العذارى :lol: |
اقتباس:
عن حالي توبة اذا بتابع مسلسل تركي مرة تانية..:cry: لعولي قلبي وخصوصي سنوات الضياع .. |
أي والله بدها زغروتة :larg: الله يبشّرك بالخير باشق |
اي فرحو ل قلكون فرحو
والله اذا ما بينحط شي سخليار مسلسل تركي ما بيكون اسمي محمد بس منيح اللي خلصنا من نور و مهند و يحيى و لميس ( تقبشي عضامي ) كان البني ادم بين ال 9 و ال11 بالليل ما يشوف الدومري بالشارع قرقو ربنا ب هالشخصيات ( طبعا لميس ع جنب ) على كلن مبروك و الشغلة بدها مباركة و مناسف ههههههههه |
بس لميس غير :larg: |
ع شو خلصو ؟؟؟
حد بيقولى الله يخليكوا:cry: |
و انت بخير انشالله..:lol:
بس اظن هلأ انو رح يسووا جزء تاني من "نور" منشان يكملوا قصة مهند "الصغير" و نور (بنتها لروقية) بس هل المرة رح يفشلوا بحياتون (عكس اللي صار بالقصة مع نور و مهند بالجزء الاول) |
هادا يا سيدنا الكريم مبارح شي الساعة 12 ونص اهلي حاطين على نور وانا قاعد عم نفّخ
قلت لاطلع شوي عالبرندة .. واز .. لا يوجد احد في الشارع .. اي ايه;) لعما لعما .. بدي اعرف شو في انا .. لك سيارات ما في يا زلمي .. واز بعد شوي اسمع صوتا غريبا .. واز بيكون نور .. لك وحياة البطاطا يا شباب سمعان الحلقة كلياتا وانا عالبرندة الشباب الطيبة كلياتون حاطين على نور .. وكلو معلّي الصوت يا معلّم ايييييه .. ففتو اغلقتو البابا على حالي .. وفتو نمتو .. وقلت الله بيعين .. آخر يوم |
الحمد لله يا ربي خلصو الحمد لله
|
اقتباس:
هلأ صعين سؤال يا شباب بالنوسبة لهالقصة معقول انو نحنا عقلنا ما بيتحمل اكتر من 30 .. 40 حلقة ان شقت حالا .. ولا الانشداد الزايد .. ولا شو برأيكون .. الشي اللي منكرهو فيها؟ |
نهاية رائعة لمسلسل تغلب على الفتاوي الدينية بتحريم مشاهدته
|
اقتباس:
|
اقتباس:
لك يا رجل هي وقفت ع عدد الحلقات ؟؟ لو كانت عدد حلقات المسلسل كتيرة بس في احداث منقول ها فيها شي ينشاف.. بس المشكلة مثلا بقضولنا حلقة كاملة على الاغاني التركية.. و عشر حلقات عم يورجونا فيها اديش نور و مهند عم يتعذبوا و هنن بعاد عن بعضهن.. هي غير ان الممثلين ادائهون فاشل بوجهة نظري.. ووووو.....الخ.. يعني المسلسل ما فيو شي ينشاف و الحمد لله (غير مهند و انور :lol:) |
اقتباس:
يمكن هاي اول مره بوافقك ما :lol: |
مبروك لمهند ونور
وللميس ويحي وللدراما التركية اللي اثرت عالعالم ومافي حدا ماحبا |
يعني كثير انأخذ وقت مشان مناقشة الظاهرة ... اللي يحب يتابع خلي يتابع و اللي ما يحب يتابع لا يتابع ...
الجمهور العربي اللي صعد الافلام التافهة و المسلسلات الرتيبة و نعرف القصد على اي نوع سينما اجتاح الوطن العربي من التسعينات ... اكيد ينشد للتمثيل التركي العادي .. على حد قولك يا اخ مصطفى ... |
لك مشان الله حاج فزلكة
المسلسلين حلوين و ما عليهون حكي بس نحنا علاكين لدرجة مو طبيعية قال مبروك قال لوين وصلت السخافة لحتى ينقال مبروك مشان مسلسل هف ياااااااااا |
| الساعة بإيدك هلق يا سيدي 14:55 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون