|
قصة زين
1 ملف مرفق .
مرحبا
اول شي انا بدي قول اصلي وفصلي كلو لانو في بعض الشباب بلشوا فيني ويقلوا انو انا ب 1000000000وجه وانا طبعا حكيون ما بيهمني بس مشان الباقي انا اسمي زين من لبنان مسيحي بالاصل كنت بلبنان بطرابلس جدي اسموا سمعان حنا نخول ولما كان عمري 7سنين اهلي اعتنقوا الديانة الاسلامية والله هداهم وانا بشكل طبيعي راح صير مسلم وهي اول نقطة بالنسبة للدين وانا لهلاء بقول انو انا فخور كوني مسيحي ويهوي لانو هاد من صلب العقيدة الاسلامية انو تكون مؤمن بالمسيحية واليهودية الحقة وبعد ما صارو اهلي مسلمين صارو بعض المسيحين وبشدد على كلمة بعض يضايقون فا ارتأي والدي انو نجي نعيش بسوريا وبالذات بطرطوس وانا من عمر 7 سنين عشت بطرطوس وبعدين بعد سنتين انتقلت على القدموس وعشت فيها وحبيتها وطبعا صارت بلدي وبطبيعة عيشتنا هنيك صار في علاقات عائلية نتجت عن الزواج طبعا وصارت القدموس بلدي وهواها بيحيني وبحبها اكتر من عيوني بس اصلي من لبنان وانا كمان ما بحب انكر حالي ومن فترة صارت مشاكل بالقدموس وانا نزلت موضوع انو ضيعتي احترقت فالشباب صاروا يبحبشوا عن اصلي وفصلي مو مشكلة انا بما انو من هالضيعة واعتبرت حالي منها اكيد راح انتسب للجهة الي انا مرتبط فيها وبعدين للتاكد من قصي اذا بدكون في الشب حسام الي اسمو عاشق من فلسطين لما زرتوا بالمحل الي هو عم يشتغل فيه بالصدفة طلع قدم محل خالي ومرت خالي الي ضلوا على المسيحية (يعني مسيحين) وهني كمان لبنانين عايشين بسوريا وعلاقتنا فيهون كتير طيبة ومنيحة لهلاء يعني عيلة واحدة فيكون متل ما بحبشتوا وسئلتوا عن اصلي وفصلي كمان تطلعوا وتتاكدوا بانفسكم وشكرا كتير :D :D :D :D :D وبالاخير الي بدوا يصدق خير والي ما بدو هو حر لانو انا ماني مضطر احكي قصي لكل العالم :D :D :D :D :D :D :D :D :D |
:? :? :? :? :? :? :? :?
انا هادا كلو ما بيهمني يلي انا شفتو غير العالم يلي شافتو ويلي انا حكيت فيه غير كل هادا بس ما مشكلة انا مارح احكي خلي العالم تشوف لحالها و شو ما حكيت من بعد هلا انا ما رح علق الحق يظهر و لو كان بالظلمة نفسها لانه اقوى منها |
اقتباس:
|
والله يا اخ زين من ناحيتي صدقتك
ومبين عليك انسان طيب كتير وبتنحب وانا بعتذر منك مرة تانية علي سويتو معك بس ما كنت عرفان انو قلبك طيب لهالدرجة كنت ما اذيتك وهلاء كبرت بعيني وبعين معضم الشباب والاسلام بيرحب فيك وبكل العالم :P :P :P :P :P :P :P :P :P |
اقتباس:
بس انا بعرف انو راح تجاوب بهالشكل بس مو مشكلة بس بعد ما عرفت الحقيقة ماعندك شي تقول واذا عندك قووول وعلى راسي اطرميز مابيصير تخلي حقد بقلبك بلكي فهمان شي غلط :D :D :D :D :D :D :D |
اقتباس:
اقتباس:
أنا مسلم بس للأسف لمى كبرت وفكرت لقيت أنو شغلة الأديان مارح تخل راسي ما عجبني الأسلام كتير في شويه تخلف قمت بلشت بحبش عن سبب هدا التخلف وقضيت سنوات كتير من عمري وأنا عم أقرء ودور عن شغله الأديان لحتى وصلت بنتيجه نهايه أنو الأديان هي من صنع الأنسان وتميت أقرء ودور لحتى وصلت بنهايه لمفهوم عدم وجود خالق أو عدم وجود لله متل ما بيدعي المؤمنين وصرت نمي بحالي المبادء الأنسانية وأعتبرها هي شريعتي يعني ماأذيت حدى بأي شكل من الأشكال أن كانت معنويه أو ماديه أو فكريه وصلت لقانعه أنو كل شخص حر بمعتقدو بس يتم ضمن الحدود الأنسانية لما بيخرج عنها بدي أحكي وجهو وبيجوز أصتدم معو كل العالم رفضتني وحاولو عزلي وبلشت المضايقات من الأسره والأقارب والجيران بس بنهايه أناسعيد ومروق أني حررت نفسي من كل الموروث الديني شوفو زين أطرو أهلو يعيشو بسوريا ويتركو بلدهم الأصلي على قد ما تعرضو لمديقات لأنو غيرو دينهون عنجد شي محزن يا جماعة الألحاد شغله حلوه بيتحر الفكر والعقل من كل القوانين و الموروث الديني وصدقوني أنو المؤمنين رسمو صوره مشوهة للملحدين نحنا مو متل هل صوره نحنى جماعه بنشغل العقل قبل الغريزه أو المشاعر العقل أولا وبتمنالك مستقبل حلو أخي زين :D :D :D :D :D |
اقتباس:
اول شي انا ما بنظر نهائيا لدين الانسان انا بحترموا كوناو انسان محترم يعني ما بتطلع على الانسان من ناحية الدين نهائيا انا الحمدالله هلق مرتاح نفسيا بالنسبة لديني مع انو من فترة زغيرة صار معي شغلات كتير كتير يعني الواحد نفسو بتصل تعذبوا بهالشي واخر شي رسيت وانا بحترم كل انسان بيدافع ن عقيدتوا مثلا عندك محبة انسان رائع بيدافع عن عقيدتوا بعقل وشراسة واحترام بوقت كتير ناس بتدافع بالسب والشتم اول واخر شي انو الانسان لازم يحترم الانسان شو ماكان والف مليون وردة يا ابو النسيم :D :D :D :D :D :D :D :D :D :D |
زين حبيبي شبك ناشر قصتك بالجرايد و المجلات ؟!! :shock:
يبلطوا المحيط المتجمد الشمالي 8) |
اقتباس:
وحياة الله طويلة بدك بقللك ياها على الخاص :P :P :P :P :P :P :P |
اقتباس:
بس هل الشي ما بينع أنك تدور على الشغلات يلي فيها غلط بدين وتحاول تحاكمها بعقلك عندي سؤال واحد ألك أنت مقتنع 100% بتعليم الدين الأسلامي يعني ما بتلاحظ فيها غلط وضلم للأنسان شو رئيك وتحياتي الحارة مع كل هبت نسيم :D :D :D :D |
اقتباس:
|
اقتباس:
|
اقتباس:
|
حلو كتير
انتوا هلأ سمعتوا قصة زين بتصور من حقي احكي وجهة نظري لأنو انا يللي اتهمت زين انو بمليون وش اول شي بخصوص الاديان ما عندي اي مشكلة و عندي كتير اصحاب من اديان يمكن تكون غريبة على بعضكم و ما سمع فيها البعض و اكبر دليل صداقتي الشخصية مع العاشق و طارق و ابو النسيم و سيزار (هدول يلي من الاخوية) و كلهم من دين غير ديني كل بلاد الشام كانت مسيحية او يهودية .... و لما اجا الاسلام اسلم يلي اسلم و بقي مسيحي يللي بقي و الكل خير و بركة لما واحد بدو يحكي عن دينو بيقول انا مسلم او مسيحي او يهودي او او ... و نقطة انتهى مو بيسلسل تاريخ عيلتو هي اسمها ضعف ايمان و شخصية و يمكن خجل من دين الواحد رد ابو النسيم رائع لسبب .... لأنو لقا شخصيتو ، لا ضحك ع حالو و لا ضحك ع غيرو بيكفي انك تقول انك مسلم او مسيحي (هاد اذا اضطريت) و المسيحية الحقة مو صاحبنا بيقررا ع كيفو و حسب هواه في شغلة اسمها المسييحية بتكون مسيحي لما تآمن انو مسيح اليهود المنتظر اجا (و هاد الفرق بينها و بين اليهودية) و انو هالمسيح انصلب و مات و قام من بين الاموات (و هاد الفرق بينها و بين الاسلام) و طبعا لازم يتعمد بالماء و الروح مو ع كيفك بتتفصل الشغلة قال شو قال انا مسيحي بس مسيحيتي >>> حقة <<< اما مسيحيتنا باطلة ممكن يا شاطر تفسرلنا شو هيي مسيحيتك الحقة ؟؟؟؟؟ و شو بتختلف عن الاسلام ؟؟؟؟ اما بخصوص موضوع لبنان و سوريا بغض النظر عن كونهم شعبين و اللا شعب جدي من راشيا الوادي بس انا سوري رئيس الوزرا السوري الاسبق " فارس الخوري " اصلو من راشيا و مع ذلك حفيدتو كوليت خوري بعمرا ما قالت انو هيي غير سورية رئيس اركان الجيش السوري الاسبق " شوكت شقير" لبناني بس عاش بسوريا و صار سوري و استلم رئاسة اركان الجيش هدول كلهم عاشوا سوريين و يللي مات منهم مات سوري و بعد عمر طويل يلي رح يموت رح يموت سوري و في كتير ناس ابوهم لبناني و امهم سورية و بالعكس بس هدول ما عملوا متل صاحبنا لك ما خلا ستر مغطا ع اللبنانية لعن سلسفينهم بكذا موضوع و قام القيامة عليهم و سب و حكي طالع نازل و بالاخير 100% ليبانيز يعمى ع هالخبصة شو كان معك فجوة ذاكرة لما كنت عم تسبهم و فجأة صحيت منها ؟؟؟؟ بفهم من حكيك انو لما كنت عم تسبهم كنت قليل اصل ؟؟؟؟؟؟ و مع ذلك متل ما قلكم اطرميز ... مو هي هيي القصص الاساسية يللي بتخلينا نقول عنو انو بمليون وش ما خفي كان اعظم و تزكروا يا جماعة انو ما حدا بيقول عن زيتو عكر بس نصيحة نصيحة ... لا توثقوا بزين انا بيوم كنت صديقو ... و ندمان كتير بس يللي بيعزيني انو مو مضطر اني عيش مع هالغلطة عمري كلو مو بعيد يكون مشارك بمنتدى لبناني و نازل نتف بدقننا |
اقتباس:
كل هالقد حاقد علي يالطيف حبيبي انا ماني مضطر قللك شو هي المسيحية الحقة الي انا بامن فيها لانو هيدي شغلة شخصية وبعدين مشان قصة اللبنانيه انا لهلاء ما بخلي ستر مغطى عليهون بس طبعا مو كلون اي حبيبي ومشان انو انت مرة وثقت فيني :shock: :shock: :shock: :shock: ايمتى ماني متذكر ذكرني قدام كل هالعالم وعلى كل حال هاد هو الافلاس لازم تخترع شي مشان تحفظ ماء وجهك انت وغيرك انا سكتت كتير نزعتولي كل علاقاتي وزجايين تحكوا لك عيبببب عليكون :D :D :D :D :D :D وقلتلك انو ما بهم انت صدقت او لاء وانت اقتنعت او لاء وكل رائيك ما بيهمني |
1 ملف مرفق .
زكرتني بهاد الاخ السعودي الله هداه وبدو يتجوز لاقولو عروس
|
اقتباس:
:lol: :lol: :lol: :lol: |
شبكون عملتوا حرب هون خلص اللي بدو ايصدق زين بصدقو واللي ما بدو بلا وانا من ناحيتي امصدقو... :D :D
|
| الساعة بإيدك هلق يا سيدي 12:39 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون