|
وَ ماذا تقول في نفسـك عندما تدرج موضوعاً وَ لا تجد ردوداً عليه ؟
كنتُ طرحتُ هذا التساؤل في مُلتقى آخر وَ أطرحه ُ عليكم هنا في أخوية فماذا تقول في نفسـك عندما تدرج موضوعاً وَ لا تجد ردوداً عليه ؟ هل تطنـش ؟ هل تشـتم بصوتٍ مُنخفض ؟ هل يُصيبكَ الاحباط وَ اليأس وَ أنكَ عضوٌ غير محبوب أم أنَ أفكاركَ لم تصل كما يَجب ؟ هل تقول أنَ هذا الأمر طبيعي وَ هؤلاء مُتخلفون وَ أنا سوبر مان :lol: ما هيَ ردة فعلك؟ تحياتي |
يمكن بيصيبني الاحباط لعدة دقائق بعدين بتأقلم مع الوضع :oops:
ويمكن فكّر انو افكاري ما وصلت متل العالم والناس منشان هيك ما حدا رد ...:frown: بس انا ما بتدايق ... لأ ليش الكذب .. اكيد بتدايق :cry: بس اكيد لا بسب ولا بشوف حالي سوبر مان :lol: :D |
وَ لو لم تكن مُحبطاً لما أدرجتَ الموضوع بالأصل ما أقسى أنَ تحزنَ وَ أنتَ حزين ميرو :D |
خيبة أمــل لما أدرج موضوع ما بيكون مجرّد كلام وعدّاد ,, بيكون شي بدّي أشاركه مع ناس أنا بحب أحكي معهم وبحب أسمعهم ويسمعوني لهيك باتوقّّع إني اسمع منهم ولو ... "شكراً" رح أقول .. م كانش العشم :sick: اللامنتمي وردة لالك :D |
الشعور بالوحدة شعورٌ مؤلم وَ كيفَ وَجدتِ التفاعلَ في أخوية يا روحَ المها قولي لي .. هيا :D |
موضوع حلو ...
والله حسب ... يعني في عندي نمط من المواضيع ما بحب يكون فيا ردود .. وخاصة إذا كانت متتابعة ما بحب حدا يعطل سلسة تتالي الموضوع ..
يعني بس يخلص الموضوع .. بحب تجي الردود .. بس بشكل عام .. يعني الشخص إذا بيعرف انو الموضوع غير محبوب ... وما حدا رح بيرد عليه .. لشو ل ينزلو من الأساس .. إذا صار معي هيك .. أبدا ما بتأثر .. لأن بالنهاية نحنا مننزل المواضيع لزيادة الوعي .. وليس لانتظار الردود .. أنا أكتر شي بيهمني العدد اللي قريان الموضوع .. مش اللي معلق عالموضوع .. لأن هيدي هيي حصيلة الموضوع الفعلية .. وخاصة إذا أدى واجبو ... هادا من ناحية المواضيع التثقيفية والتي تعتمد على القراءة ولاتنتظر الردود (كالأخبار العلمية وغيرها ,.,, ) بس انو بالمواضيع اللي بيكون نمطا آخد الرأي .. لازم الأعضاء يشاركو بالموضوع لتبيان حقيقة الآراء .. وبالتالي تحقيق مغزى الموضوع .. :D |
أنا بحب إنو يكون في ردوود, بس بنظري في نوعين من المواضيع, الأول بيكفي إنو الناس بيشوفوه لأنو بيعبر عن بيعبر عن وجهة نظر بحب إنو يقروها وممكن يستفيدوا منها اذا اقتنعوا فيها, وبالتالي لما مابيكون في ردوود مابيتأثر الهدف عندي, لأنو هدفي مو إنو الناس تقلي شكراً ع الموضوع, هدفي إنو فيد الناس, وبالتالي أنا برفض إنو يكون في تسجيل اجباري في الموقع أو طلب وضع رد قبل اظهار روابط التحميل لملف ما موجود بأحد المواضيع بالمنتدى, لنفس السبب اللي ذكرتو,
النوع الثاني من المواضيع هو اللي بيحتاج وبيتطلب تواصل, مابيني وبين الأخرين وهون التواصل بيكون متمثل بالردوود. بأي حال دوماً شرف التجربة بأن أفيد الغير بيكفيني. طالما الغير ممكن مابيحتاجو أو يقدرو هالتجرية. |
امممم هنا في أخويّة حيث لا حضور للوحـدة .. ضجيج مؤنس :D أنا بحب أخويّة :hart: "همسة على جنب .. بس ما تكون أخويّة متل آدم بنخسرها وقت نقول بحبك " |
بيزعجني أكثر انو ألاقي رد لحدا يكون واضح انو ما قاري المقال أو الموضوع.. و عم يرد عليه متل عم يجبر خاطري أو لالتزام اجتماعي معي... هالشي بيزعجني أكتر من انو ما يكون في ردود..
|
بحسب نوع الموضوع
اذا موضوع عبارة عن جهد مقدمه بصفة شخصية وحبيت حطه بالاخوية بفضّل ما حدا يدوسه لك ما حدا يقرّب صوبه بكون كمان منيح مشان ما ينتزع الشغل اللي انا شاغله بس اذا كان موضوع عبارة عن تبادل آراء وما حدا فات عليه بحس اني فشلت بمهمة طرح الفكرة اكتر مما احس انه الاعضاء غير مهتمين بالفكرة لأن القالب اللي بتتقدم فيه الافكار بيلعب دور كتير كبير |
اقتباس:
يعني رح اعطي مثل بالموسيقى بما أني بهتم بهالقسم ما بتقدر تروح ع منتدى خليجي ...و تحط أغاني .............لخالد الهبر مثلاً .... بهالحالة برأيي .... لازم يا أما نغير نوع المواضيع ........... أو نغير المنتدى يعني الشغلة نسبية ... و مو قصة حدا أحسن من حدا |
الصراحة الشغلة بتعتمد ع نوعية الموضوع
يعني في كتير مرات ببعت موضوع عن خبر سياسي مثلا و مانو بحاجة ل رد ف بهالحالة الشغلة عادية بس لما بتكون كاتب موضوع و تعبان عليه ........... هيك حكي تاني |
ممممم
انو يعني حسب نوع الموضوع يلي منزلو و هل يتوافق مع مجموع العالم يلي طارحلون يا بس انو مالاقي و لا رد بظن بيسعدني أكتر من انو فوت لاقي كلو كاتب شكرا و ننتظر جديدك :cry: |
تحياتي
الاحباط من النظرة الاولى يصعب عليك ان لا تجد لبنات أفكارك أذن صاغية أو حضن دافئ |
اقتباس:
لكن الردود تعطي مَساحة للتفاؤل وَ تشعرُ أنكَ عضوٌ فعّال وَ أتفقُ مَعك " نحنُ لا ننتظر الردود لأنَ هدفنا هوَ نشرُ الفائدة " :D |
اقتباس:
هُناكَ بعض المواضيع نضعُ فيها جزءً من روحنا بل روحنا كُلها نتفاجئ أنَ الآخر لم يَتقبلها أو لم يفهمها كما يَجبُ أن تفهم ليسَ ذنبا قصور مَعرفة الآخرين بل ذنبنا أننا مُختلفين :D |
اقتباس:
أدمٌ لا تخسريهِ بـِ أحبك آدمٌ مُتعبٌ مِن برودِ المَشاعر ِ وَ غيابِ الليل ِ وَ براءةِ الضجيج وَ اللاهمس وَ أخوية تـُحبك ,. :D |
الردود 0
عندما يصر عداد الردود على رفقة الصفر أضحك بحزن و أتمنى لو لم أكن قد ادرجته أصلا لا ألوم نفسي و أقول اني قصرت في الطرح فلا ضير بأفكار قد تحتاج وقتا لتصل أو لتفهم - نرقى لفكرة كي لا تهبط الينا - عندما أطرح موضوعا أترقب رد الأسماء بترقب الرد فرد أحدهم قد يساوي ردودا من آخرين كثر أليس كذلك ؟؟ على فكرة الك وحشة:D.. |
| الساعة بإيدك هلق يا سيدي 02:45 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون