|
هـــل تُؤمــنُ بــــه ؟!
مرررحبا ......:D هلأ فكرة المخلص موجودة عند العديد من الشعوب وهي موجودة بالمعتقدات القديمة وبالتراث الديني... و التاريخ العقائدي للبشرية، كان مليئ حول فكرة (المخلّص).... يعني كتييير من الناس من كافة الأديان والطوائف بيآمنوا انو بآخر هالزمن رح يجي شخص (بغض النظر مين هوي عند كل دين ) بينقذ العالم من هالظلم والقهر يلي عايشين فيه .... هلأ السؤال الك انت ان كنت ديني وان كنت لا ديني يا ترى بتؤمن بهيك شخص .... انسان بدو ينقذ العالم من هالمصايب ان كان (المهدي او المسيح او بوذا او ايا حدا ) !!؟ شو الصفات يلي بتتمناها تكون متوافرة بهالشخص المخلص ؟؟ لنفرض انو اجا وانت مؤمن فيه ومؤمن انو على حق .... بتواليه ولاء مطلق ولا لأ؟ بتحس انو قدومو قرّب ؟؟ وبيضل عندك امل انو هوي اكيد جايي .... ورح يساعد الكل ويخلص هالعالم من هالمصايب ؟! اسئلة كتيييييييير بتخطر ببالي وببال كتييير منا ..... بتمنى لاقيلها جواب منكن :D |
هلا هالسؤال اضاع فرحتي باغنية فرانكي فالي ... cant take my eyes off of you
بس ما علينا ... هلا فكرة المخلص بغض النظر عن كونها مشتركة بين كتير ديانات وثقافات ... لكن شخصيا لا اؤمن بفكرة المخلص ... وباعتقادي هي تصور وضعته الانظم الاجتماعية عند نشوئها لاسكات الشعوب على كل ما تعانيه من استغلال وظلم وقهر ... بحيث ان هالشعوب الملعون دينها من الانظم الاجتماعية نفسها ما تتحرك ... لانها بتعتقد ان هاد هو الوضع الطبيعي في ظل عدم قدوم المخلص او المنقذ الالهي ... وتضرب هيك افكار هوائية ... |
اقتباس:
بس كمان بالنهاية ما فينا ننكر انو في ظلم والشعوب ملعون نفسها ... يعني معقول نضل هيك لآخر الدنيي وما حد يجي يساعد هالعالم او يطور فيه شوي ويبعد هالحروب عن هالبشر !!؟ |
صرنا بوقت بدنا مليون مخلص ليخلصنا
|
لو نجي للواقع الموجود .... نحنا كشعوب ما نريد نتحرك بدون وجود شخص بالقيادة ... شخص نعتبرو المخلص ...
يعني كثيرين حبوا .. غيفارا .. عبدالناصر .. السيد حسن ... بس المشكلة ما مستعدين للعمل .. مستعدين للتأييد يمكن نحتاج الى تغيير داخلي ... تغيير ثوري حقيقي بنفسية المواطن العربي ... لان التغيير ما يبدي الا من البيت اولا ... بالمناسبة ... الفكرة المسيحية عن السيد المسيح .. غير شي عن باقي الافكار بالديانات الاخرى ... |
" المُخلص " حُلمٌ وَ أسطورة وَ كَلماتٌ نرتلها عَلّهُ يَجيء الكُثير منَ البشَـر يؤمنونَ به لأنهم يشـعرونَ بـِ الضعف وَ من هذا الضعف تنطلقُ سلوكياتهم تجاهَ بعضهم بعضا وَ كأنهم لا يسـتطيعونَ مُمارسَـة َ قناعاتهم بـِ دون ِ ضعفٍ وَ خوف أؤمنُ به لأنَ الجَمالَ به ,. |
كـَوني مسلمة - ولله الحمد والمنّة- طبعا بآمن بخروج المهدي كعلامة من علامات القيامة قال رسول اللَّه صلّى اللَّه عليه وسلَّم " أُبَشِّرُكم بالمهدي يُبعَث في أُمَّتي على اختلاف من النَّاس وزلازل فيملأُ الأرض قِسطًا وعدلاً كما مُلِئت جَوْرًا وظُلمًا .." أما صفاته ما بتمنى شي محدد , المهم إنه رح يخلّص هالعالم من اللي هو فيه !! ويمكن يكون قدومه قرّب لأنه كتر الفساد والظلم على هالأرض ... "ويتقارب الزَّمان وتَظهر الفتن ويَكثُر الْهَرج " M.E.e.R.O :D |
اقتباس:
اي والله معك 100% :D اقتباس:
ام عن الفكرة المسيحية فانا ما عندي فكرة كاملة عنها ..... اهلين ابو سارة :D اقتباس:
مهما كان عملنا صغيراً لكن من الممكن ان يكون له اثرٌ كبير على انتظارنا لهذا المخلص ومن الممكن ايضاً ان يعجل ظهوره !! نورت نوار :D اقتباس:
مع اني ما كنت حابب نفوت قصة المخلص بالدين ... وكنت حابب احكيها بشكل عام بس شكراً على ردك ..... وانشالله يجي هالمخلص ويملأ الارض قسطاً وعدلاً كما ملئت طلماً وجوراً ! :D |
بتخيل فكرة وجود المخلص بتساعدنا لتكون اكسل..
صعب انسان او اي مخلوق خارق للطبيعة انو يخلصنا من كل المشاكل اللي موجودة بالعالم.. كفكرة أجدها صعبة التصديق.. يمكن منطقي اكتر نحكي انو كل انسان الو مهدي بداخلو عشان نطلع من اللي احنا فيه لازم يظهر !! |
ممم حتى من ناحية دينية ما بعتقد انو القصد هو ظهور شخص فعلا
انا ما بامن بهيك شي يعني بوافق المتشائل انو عنجد هي فكرة وبس وغير واقعية والهدف منها متل ما قال المتشائل كمان انا حسب رايي انو ما في هيك حدا وحتى ما في داعي لوجود هيك شخص الحل بايدينا وفينا نخلص هي المشاكل بدون مخلص وشكرا لصاحب الموضوع :D |
| الساعة بإيدك هلق يا سيدي 09:58 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون