|
هنا نتقبل التهاني بنهاية مسلسل سنوات الضياع
يعني بعد ما علولنا قلبنا وطلعولنا أخلاقنا
خلص وارتحنا بس مو للأبد لأنو راح يطلع مسلسل جديد خلص سنوات الضياع بنهاية سخيفة كلون تجوزا بيوم واحد وحو بعضون وصارت الدنيا جنة بيذكرني بنهايات المسلسلات السورية القديمة شيت الخير ينتصر بالأخير المهم مبروووووووووووك انو خلص وعقباااااااااال غوموس يعني نوووووور :jakoush::jakoush::jakoush::jakoush::jakoush::jako ush::jakoush: |
اي امبارح يامن قلي أنو خلص وتزوجو لميس ويحيي وحضر ابنون العرس ريتو ألف مبروك
هاتو لشوف احكلولنا شو صار غير هيك لأني تابعت كم حلقة منو وقررت شوف بس النهاية ومالحقتا :pos: فعطونا الموجز |
بس كأنو انت نزلت الموضوع بهدف الشهرة مو انت ابنو ليحيى ولميس...
بس جد علولنا قلبنا وكانوا بيخزوا بمعنى الكلمة ونحنا بنخزي اكتر لانو تابعنا سخافات مالا اي داعي |
اقتباس:
اليوم انا نزلتها :gem: |
اقتباس:
ماعرفنا كيف خلص بدك نعدلك القصة :frown: |
اقتباس:
|
اقتباس:
ما بتعرفو وقتي من ذهب :p كم كلمة مختصرة بيكفي اقتباس:
|
اقتباس:
كلون بنفس الساعة حبو بعضون وتجوزوووووو وصارت الدنيا جنة نعيم على الارض التركية وجابو ولاااااد كتير حتى العاقر صارت حبلى شي واقعي بامتياز :p:p:p:p:p اي حطي راس بين الروس وقولي يا قطاع الروس :frown: |
نهنئ الامة بهذه النهاية السعيدة
ونبارك للبطل المغوار ..فاتح لاندلس وبلاد الشام ومحرر العراق "يحيى" مو يحيى اسمو بالنهاية السعيدة ونتمنى لهما الرفاه والبنين. وعقبال الجوز التانيات " نور ومهند" هدول بدهم يحررو القدس ويرجعو الحق لصحابو ونتمنى من رقيبنا الكريم عدم استعمال المقص بالمسلسلات التانية حرام هالشعب حرام مو....... |
انا لله وانا اليه انارييه ..
تسوء تسوء تسوء له له له شه شه شه.. خلصص المسلسل .. شلون بدنا نشوف لميس وشلون البنات بدن يشوفو يحيى والله حرام عليكن .. قطعتولنا قلبنا بس على فكرة ها لا تخاااااااافو بنوب بنوب لا تخافو .. رح يتمو يعيدو بالحلقتين الآخرتين .."" بناء على طلب الجمهور .. الذواق.."" رح ينفخو قلبنا فيهن .. عم قلكون لا تخافو |
تيم راح .... :cry:
|
اقتباس:
|
شو هاد سنوات الضياع..:shock:..يعني هو مسلسل.:larg:
|
اقتباس:
فينك تقول .. شي من هاد .. |
ان شاء الله ألف ألف مبرووووووك .. وعقبال المسلسل الجايي :gem: بس بتعرفوا !!! عن جد أنا لما نزلت على سوريا حسيت حالي غلط :cry: طلع الكل متابع هالمسلسلين وأنا قاعدة متل الأطرش بالزفة .. كل الجمعات والأحاديث كانت عنو .. ولك حتى بالسوق البياعين ما كانوا فاضيين يبيعوا لحتى تخلص الحلقة .. وما يصدقوا ايمتن أطلع من المحل حتى لو ما اشتريت ... يلا .. المهم خلص ... وعقبال ما يخلص نور كمان :p سلام |
أنا حبيت هالمسلسل كتير مع أني ما بتابع مسلسلات كتير وخاصة مدبلجة مالي خلق .
بس كان في قصة وفي إخراج وموسيقى حلوة . لو أنو القصةوالنهاية فيها شي من الخيال الرومانسي يعني .. بس هاد نوع من الخيال يلي لو بنعرف انو مو حقيقي بنكون ميالين لنصدقو... لذلك هي كانت ساعتي اليومية خارج نطاق هالدنيا....وخلصت:frown: مشان هيك زعلت لما خلص:pos: |
اقتباس:
|
يعني لقول الصراحة صحيح كنت تابعو بس لانو مجبورة شنو وقت الغدا يعني وكل العيلة بتتابعو بس انو لما نيجي نحكي عنو فانا بشوف انو المسلسلات السورية كتير اروع واحلى يعني فيها قضية فيها شي عن حياتنا مو مجرد حب وحب عم تتعقد فرصتو بالحياة وقال بتتعقد لابعد درجة وبلحظة كلشي بنحل وبشي سخيف هاد عدا عن انو ما بتحسو حب بمعناه يعني شوي معتوه وما فيو تضحية بمعناها ما فيو اختلاق العذر للحبيب واشيا كتيرة سلبية فيه
بس الشي يللي حبيتو بالمسلسل جد موسيقاه وغنيتو التركية والله فخامة متل ما قالت اوبز:D |
| الساعة بإيدك هلق يا سيدي 08:48 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
..يعني هو مسلسل.