أخوية
الصفحة 1 من 4 1 234 >
عرض 40 مشاركة من هذا الموضوع في صفحة واحدة

أخوية (http://www.akhawia.net/forum.php)
-   موبايلات و حركات (http://www.akhawia.net/forumdisplay.php?f=45)
-   -   موبايل جديد-مساعده (http://www.akhawia.net/showthread.php?t=108077)

Reemi 26/08/2008 23:46
موبايل جديد-مساعده
 
مرحبا كيفكون
قررت قرار نهائي اني اشتري موبايل جديد...هاتو ساعدونا انا ما بفهم بالموبايلات كتير...بس بحب السوني وبفضل اشتري سوني اريكسون يعني...كنت كتير حابه الـ w890 بس قلي واحد انو ما بدي اياه ومانو منيح ..بدي شي حلو وصغير وخفيف وعملي لاني انا ما بغير موبايلات يعني موبايلي صارلو معي تلت سنين ...ما بعرف شو رايكون ... ؟

(((الجنرال أبوجعفرالورد))) 26/08/2008 23:48
بنت العم ..
اناا كل شهرين ببدل موبايلي ..
عليكي بالسوني سيرونكس .. دبليو 960 . جهااز حاارق خاارق لا يشق له غباار ..
وما بتندمي ..

VivaSyria 26/08/2008 23:51
اقتباس:
قررت قرار نهائي اني اشتري موبايل جديد
فكري يا ريم... فكري قبل ماتندمي.. هيك قرارات بتمرق بحياة الانسان مرة وحدة وبينبنى عليها مستقبلو... :larg:


طبعاً بتعرفي شو رأيي بالسوني ايريكسون... مابهضمو ولا بحبو..


هامش: في مجال اشتري منك الموبايل القديم تبعك؟ :o

HashtNasht 26/08/2008 23:57
اقتباس:
كاتب النص الأصلي : (((الجنرال أبوجعفرالورد))) (مشاركة 1098195)
بنت العم ..
اناا كل شهرين ببدل موبايلي ..
عليكي بالسوني سيرونكس .. دبليو 960 . جهااز حاارق خاارق لا يشق له غباار ..
وما بتندمي ..
اي الجهاز خارق فعلاً ...يعني ما ناقصو اي شي ..بس من الرمج الغالي ..ما بعرفو شو سعرو بالضبط بس هو غالي حبة يعني

(((الجنرال أبوجعفرالورد))) 26/08/2008 23:59
اقتباس:
كاتب النص الأصلي : hashtnasht (مشاركة 1098201)
اي الجهاز خارق فعلاً ...يعني ما ناقصو اي شي ..بس من الرمج الغالي ..ما بعرفو شو سعرو بالضبط بس هو غالي حبة يعني

هااد الكلام الزين ..
سعرو عناا بالشاام 23 الف

Reemi 27/08/2008 00:03
اللي اولو شرط اخرو سلامه يا جماعه فوق العشرين ما بدفع :cry:انا طبقه كادحه يعني :cry:

فادي شو بدك بموبايلي؟

Reemi 27/08/2008 00:05
اي صح بدي اياه نحيف كمان slim يعني

(((الجنرال أبوجعفرالورد))) 27/08/2008 00:06
بنت العم عضااامك دهب انت ..
اذاا طبقة كاادحة وما بتدفعي فو العشرين
اناا ما معي خمسمية منون معناتاا اناا من اي طبقة ..

(((الجنرال أبوجعفرالورد))) 27/08/2008 00:06
اقتباس:
كاتب النص الأصلي : Reemi (مشاركة 1098217)
اي صح بدي اياه نحيف كمان slim يعني

ههههههههههههههههههههههههه

سجلي بناادي ريااضة فرد مرة بنت العم ..

VivaSyria 27/08/2008 00:08
اقتباس:
كاتب النص الأصلي : Reemi (مشاركة 1098213)
فادي شو بدك بموبايلي؟
بدي جنطو وحطو بالمتحف... حزري شو أول مرة بشوف حدا بيسأل الشرا شو بدك بالشغلة يلي بدك تشتريها... اسمالله شو بتعرفي بالتجارة :?

بدي اشتريه إلك مصلحة تبيعي أما لاء؟ :larg:

Reemi 27/08/2008 00:09
اقتباس:
كاتب النص الأصلي : (((الجنرال أبوجعفرالورد))) (مشاركة 1098218)
بنت العم عضااامك دهب انت ..
اذاا طبقة كاادحة وما بتدفعي فو العشرين
اناا ما معي خمسمية منون معناتاا اناا من اي طبقة ..
انا :cry:بريء يا بيه :cry:...بعدين وطي صوتك هلق بيطمعو فينا

قلي هاد الي متقول عنو نحيف شي ؟

(((الجنرال أبوجعفرالورد))) 27/08/2008 00:12
اقتباس:
كاتب النص الأصلي : Reemi (مشاركة 1098222)
انا :cry:بريء يا بيه :cry:...بعدين وطي صوتك هلق بيطمعو فينا

قلي هاد الي متقول عنو نحيف شي ؟
هلق هو مو نحيف نحيف ..
بس جويد بنت العم ..
فوتي عالموقع وشوفيه
شي حضاارة والله ..

(((الجنرال أبوجعفرالورد))) 27/08/2008 00:13
اقتباس:
كاتب النص الأصلي : Reemi (مشاركة 1098222)
انا :cry:بريء يا بيه :cry:...بعدين وطي صوتك هلق بيطمعو فينا

قلي هاد الي متقول عنو نحيف شي ؟
:sly::sly::sly:

THE_unforgiven 27/08/2008 00:14
هلأ أول شي .. بحب قللك انو السوني اريكسون ما بحسو عملي نهائيا وما بطيقو .. لأنو نظامو بليد .. وكريه ..
بس بحسو بيلبق للبنات .. اما من ناحية الضمان .. كتير حساس ..
انا بنصحك بالنوكيا .. في كتير موديلات ناعمة وبتقلى دعك وجعك ووقعات وخبطات .. مثلا 6300 .. كتير ناعم وحديث .. وفي كتير موديلات .. ف شوفيلك شي واحد نوكيا إذا بدك متانة .. :D

Reemi 27/08/2008 00:17
موبايل فرح النوكيا وقع شي مرتين صار بيهوي n73 موبايل سارا جديد من اول وقعه انكسر...اما عن السوني الي معي صرت طابشتو بالحيط شي الف مره واقع مني شي مليون وحاليا لو تشوفو كانو جدييييييد مو مدقووور ابدا

THE_unforgiven 27/08/2008 00:19
أنا استعملت ال N 70 - كتير عملي .. وقع عن ارتفاع 6 امتار .. وما صرلو شي ..
هلأ ما بعرف شو وضع نوكيا تبع سارا .. بركي بيكون صيني .. او بتكون شلفيتو عن برج ايفل .. لهيك بيكون تأثر ..
:?

(((الجنرال أبوجعفرالورد))) 27/08/2008 00:19
اقتباس:
كاتب النص الأصلي : Reemi (مشاركة 1098229)
موبايل فرح النوكيا وقع شي مرتين صار بيهوي n73 موبايل سارا جديد من اول وقعه انكسر...اما عن السوني الي معي صرت طابشتو بالحيط شي الف مره واقع مني شي مليون وحاليا لو تشوفو كانو جدييييييد مو مدقووور ابدا

هااد الكلام الزين بنت العم ..
سوني سيرونكس وبس ..
بعدين ما شاء الله الجهااز يلي كاان معك حربي .. ومو اكل قتل غير كتير ..
عليكي بالسوني سيرونكس ..
وعلى كفااالة ابو جعفر الدولية ..

Reemi 27/08/2008 00:20
لالا سرقو واحد وهيي ماسكتو عن البسكليت قام بعد ما سرقو وقع من ايدو الله كبير هيههيههي..هاد الي مثلثات وبيضوي وهيك مدري شو كان رقمو


الساعة بإيدك هلق يا سيدي 20:16 (بحسب عمك غرينتش الكبير +3)
الصفحة 1 من 4 1 234 >
عرض 40 مشاركة من هذا الموضوع في صفحة واحدة

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.02844 seconds with 10 queries