|
انتشار أمني كثيف في شوارع مدينة الرقة
 تشهد مدينة الرقة شمال شرق سورية منذ مساء امس انتشارا أمنيا كثيفا في شوارعها، وخاصة عند مداخل المدينة، وبعض المؤسسات العامة، وبعض المواقع الأمنية والحزبية الهامة؛ مثل الفروع الأمنية وفرع حزب البعث العربي الاشتراكي. ووجاء في خبر اورده مراسل موقع الراي ( موقع حزب الشعب الديقراطي السوري المعارض) ان هذا الانتشار يترافق مع شائعات تروّج بين المواطنين مفادها أن السلطات الأمنية ضبطت سيارة مفخخة بجانب "فرع حزب البعث العربي الاشتراكي" في وسط المدينة وأنها تفتش عن سيارتين عن سيارتين أخريين. وكانت السلطات الأمنية قد بثت شائعة شبيهة بهذه قبل حوالي العام ونصف العام أفادت أنها تفتش عن سيارة "مرسيدس حمراء تحمل لوحة تسجيل سعودية". إلا أن مراقبين لاحظوا في الحالين أن سلوك الدوريات الأمنية الثابتة لا ينم عن الحرص والتدقيق المفترض العمل بهما في مثل هذه الحالات، ويستنتجون أن المسألة لا تعدو إشعار المواطنين من أعمال تفجير "إرهابية" محتملة، واستغلال هذا القلق في تكثيف القبضة الأمنية مجددا، وتثميره في الضغط على المجتمع لضبطه سياسيا إلى جانب السلطة. وفي خبر لاحق أفاد مراسل موقع الراي في الرقة أن السلطات الامنية السورية (فرع أمن الدولة) اعتقلت السادة :يونس الفرحان (معلم)- أحمد الحمادة (طالب جامعي)- صدام الحسين (معلم) وجميعهم من مدينة الرقة. المرصد السوري |
مابعرف وين الخبر... ماهو الإنتشار الأمني بكل مدن سوريا طول عمرو مكثف...
|
اقتباس:
|
اقتباس:
|
اقتباس:
بس ماقلتلي وين قلت انا انو الخبر تافه؟؟؟ أنا كل شي قلتو وين الخبر المفاجئ وكون الخبر صار بالنسبة إلنا عادي ومافي مفاجأه مابيعني انو تافه... بالعكس هالشي بيزيد من أهميتو لأنو هالتجاوزات صارت حالة طبيعية ببلدنا ولازم نسلط الضوء عليها دايماً... هلا |
اقتباس:
والإحتمال التاني يكون في شي إلو علاقة بالعراق... متسلل شي حدا من العراق وبدون يلقطوه... بصراحة أنا أول شي شكيت انو عم يدورو عليك :lol: |
اقتباس:
ما بيحتاجو كل هالحركات ليعتقلو حدا... عم يدورو ع شي أو حدا أكيد يعني.. يجوز مهربين يجوز متسللين.. ما بعرف.. بس مو قصة اعتقالات لأنو هاي ما بدها غير عنصرين و سيارة بيجو 505 ستيشن بيلمولك كل الرقة و ضواحيها.. نهر الفرات ازا بدهون كمان يعتقلوه يا زلمة... |
اقتباس:
سلامات :D |
اقتباس:
|
يا جماعة حدا منكن بيعرف الفرق بين اجهزة المخابرات عنا والعصابات ؟؟
انا بشوف ما في اي فرق , الاتنين بتلاقين مدنيين مسلحين , لما بدن يعتقلوا حدا لامعن امر اعتقال ولا بطيخ بيهجموا علي متل ال...... وبضبوا بهالسيارة , يعني خطف وتشبيح حتى رئيس الفرع تبعن بينادولوا , معلم , متل كانو شي رئيس عصابة (وهو بالفعل هيك ) عن جد اصدق كلمة قالها عبد الكريم الجندي واصفا الناس اللي حكموا بعد 1963 , نحن عصابة مسلحة يحميها القانون |
يا جماعة طولوا بالكم شوي وحاجة خناق ومدري شو مع بعضكن
الخبر صحيح مية بالمية هناك انتشار امني فظيع و كثيف لم تشهد له المدينة من قبل هذا على حد علمي يعني بالعربي يعني من وعيت على هالدنيا وانا ما شفت هيك انتشار امني كثيف بالنسبة للخبر فهو صحيح تماما والانتشار الامني موسع وشامل جميع دوائر و مؤسسات الدولة بالاخص فرع الحزب والمجمع الحكومي المركز الثقافي واهم شي قصر المحافظ باعتباره الاقرب لفرع الحزب والمجمع الحكومي بالاضافة الى القصر العدلي فهو يتوسط الجميع هذا لا تنسوا المشفى الوطني بالرقة ومن شي كم يوم طوقت الفرقة 17 التابعة للجيش قصر المحافظ بالكامل وهناك فعلا اشاعة قوية عن وجود تهديد بعمل ارهابي تخريبي لا سمح الله لكن غير معروف الجهة المهددة ولكن كل ما هو معروف الجهات المحتملة الاستهداف التي ذكرتها سابقا وفي هناك تشديد امني حول المركز الثقافي بالرقة لوجود مهرجان شعبي بعنوان مهرجان الوفاء للمقاومة ومكان المهرجان هو المركز الثقافي وبوجود وفود من حزب الله و لبنان فبالتالي يكون التمركز الامني حول المركز الثقافي طبيعي جدا لكن كل ما استطيع تاكيده هو الانتشار الامني الكثيف اضافة الى وجود اشاعة بعمل ارهابي محتمل الله يجيرنا ويحمينا جميعا وبدعي رب العالمين يحمينا خاصة نحنا اهل الرقة لانو والله مو ناقصنا هم وبلااوي سوداوزرقا ومدري شو والجووالغبرا والعواصف الرملية عما تعمل عملها بالناس واكتر وبرجع بقول الله يحمينا من الحدث ومن ارض الحدث ومن قلب الحدث مراسلكم بلاك بيوتي |
اقتباس:
يعني هاد تحليل لأنو بصراحة مافينا نقيم من برا.. بيبقو الناس يلي بقلب الرقة أو يلي عندهون معلومات من الرقة أدرى بالموضوع... على فكرة عن جد شكراً على الشرح يلي كنا بحاجتو من شخص بقلب الرقة :D |
اهلا وسهلا فيك ياغالي
ممكن يكون الانتشار الامني الكثيف حول المركز الثقافي هو بسبب المهرجان بس اذا اجيت للصراحة بحياتو طه ما سواها بعدين شو دخل قصر المحافظ والمشفى الوطني ودار الحكومة وكل اللي سبق وحددتو الله يسترنا ويحمينا امين يا رب العالمين والله اعلم |
اقتباس:
انا ماقدرت امسك حالي عن هي :lol: |
صار في ارهاب و اخيرا ؟؟؟
|
يسعد مساكون جميعاً
ما في شي ياشباب , الشباب الطيبة يمكن عم بيدورو عليي , بس خسؤ ا, أنا ما بعرف أين أنا شلون هني بدون يعرفي ويني وبتمنى تكون القصة ناكتي وما لها فكاهة , أو الشباب عم يمرقو تهريبة للمختار , شو اعتقال مو اعتقال طولو بالكون يا شباب , ليش لسّا في حدا مو معتقل غير المساجين , على الأقل السجين بيحلم بشغلات برّا السجن , يعني يمكن أحسن منّا , وإذا بدّي أحكيلكون شو عم شوف بالحلم , يالطيف ويا ستار , وما بدكون هالقصص |
اقتباس:
اقتباس:
يا هلا بالغالي... عندي بلديات بهالمنتدى و مالي خبر... له له له ... هلابك ابن العم و طاسة أويس عشاك عندي اليوم.. خيو و حوالي المزار مافي شي؟؟ اذا مستنفرين مشان زيارة لوفد حزب الله فأكيد رح يكون في تواجد أمني بهالمنطقة ... لكن على ما أذكر لما دشنو المزار اجا الشيخ نعيم القاسم و ما صار هالاستنفار.. ما اعرف.. و من فوق جسر الرقة علّوم اللّوم... |
اقتباس:
اقتباس:
|
| الساعة بإيدك هلق يا سيدي 03:31 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون