|
لك يا حظي !!!
بما انه قاعدين بالصالون حقلكون حكاية صغيرة قالتلي ياها امي وقت كنت عم اندوب حظي عأكم موضوع تافهين "كان في اميرة بشعة و جاريتها حلوة كتير,كلما الاميرة طلبت شي من هالجارية بتصير هالجارية تتنهد ,قام سالتها الاميرة :انتي شوبيك؟بعطيكي الامان بس قليلي,ردت الجارية:يا ستي ليكي انا شو حلوة و حظي متل العمى و لا تواخزيني ليكي انتي وليكي حظك شو قادح.قالتلها الاميرة رح باخدك عهالبير و اندهي عحظك .ولما وصلوا قالت الجارية:ياحظي... يا حظي.... لك يا حظي.... لك وينك؟قام رد عليها صوت تعبان و قلها:لك شوبييييييييييك؟تركيني نايم وما بدي قوم.اجت الاميرة و قالت بوشوشة:يا حظي.قام فز وقلها:شبيكي لبيكي عبدك وملك ايديكي"هالقصة مو معناتها انه الدنية حظوظ بس انه لازم نرضى بالمكتوب هدا اللي ماما كانت عم توصللي ياه و سؤالي الكون بصراحة تامة بتأمنوا انه الدنية حظوظ؟ولا انه ممكن يختلف حال الانسان مع الايام؟ :D |
انا مؤمن انه الدنيا حظوظ مليون بالمية
بس كمان في اوقات لازم تستغلي الفرص الي بتجيكي يعني لازم تكوني مصحصحة حظك :D |
مو دايما ادنيا حظ
مو كل ما نفعت معنا شغلة منقول ما عندي حظ لاء هالشي غلط لانو الانسان بيكون هوي السبب اللي وصل لحالو بهالشي والدنيا مدرسة احنا بس نعرف كيف فينا نتعلم من اخطائنا ونصصحا وبعدين احنا منكون صنعنا حظنا وشكرا الك ع الموضوع الحلو.. |
موضوعك حلو كتير ....
الي رجعة لهون سلام |
شلف تربح !
أنا لما رحت عالبير نادي نادي ماكان حدا يرد ف إضطريت إنزل لعندو لما نزلت لقيتو عاطيك عمرو |
ليش مانك ملونة الموضوع كمان شوي؟؟ :larg:
|
يلعن اخت الشدة والله ماكانت راضية تزبط معي بهالهاند واخي من اول لفتين بيهند.....مانا حظوظ قلتولي!!!
عجب عليكي يا دنيا:lol: |
اي اي الدنيا حظوظ وانا حظي صرلو سبع سنين ماخد قيلولة...
|
حظي عم يكبر معي :p:larg:
|
اقتباس:
كنت حابة الفت النظر تما تخربط و تعرف كل شخصية بالقصة شو عم بتقول و كرمالك لونتك الرد كمان :p |
بشوف إنو يلي منسميه حظ, مانو إلا تراكم الخبرات و التجارب بالحياة
و اعتمادا على هالخبرات والتجارب (يلي ممكن ما نتذكرها), منقدر ناخد القرار الصح بالوقت الصح, و هيك بيطلع معنا الحظ يعني الواحد لازم يجرب كل شي, حتى لو كان ما بيحبو أو "بيعتقد" انو ما رح ينفعو «Ce qui ne me tue pas me rend plus fort» = "ما لا يقتلني يُقوّيني" لا أدري من القائل لكن أعتقد أنها مبدأ رائع في الحياة |
في شي اسمو حظ وكل واحد هو حظو يا بيكون محظظ يا بيكون ليس لديه شيئ من الحظ
بس بيكو عندو حظ تعيس متل حكياتي وحكاية يمكن في شغلة متعلئة بهاد الموضوع يلي هو النحس يعني النا المنحوس من وين بدون يجيون حظ |
الدنيا كلها هموم
|
تسؤ تسؤ تسؤ تسؤ انا بآمن بالحظ لاني ابدا مو محظوظة ابنوب
ومتل مابيقولو المنحوس منحوس لو بيعلقولو فانوس اقتباس:
|
اقتباس:
بس المعنى انو يلي مالو حظ لايتعب ولا يشئى :pos: |
| الساعة بإيدك هلق يا سيدي 10:44 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون