|
ليش مافي عنا سرقات بنوك ؟؟؟!!!
كل مرة بدي سلم بقول شباب وصبايا
بس اليوم غير كل يوم بدي قول : صبايا وشباب طبعاً الكل بيعرف أفلام الأكشن الأمريكية كيف بيصير فيها سرقة بنوك وكيف بتهجم عصابة مقنعة على بنك وبتهرب بشوالات مصاري يمكن بالدول الأوربية بيصير سرقات بنوك مماثلة بس هون بسورية ليش ما في هيك شي ؟؟؟ رح أشرحلكون الفكرة...!! وأشرحلكون ليش ما في عنا سرقات بنوك " سطو مسلح " !! أول شي بحب طمن الجميع بأنو السبب ما هو انتشار الأمن والأمان عنا ... تتألف بالعادة عصابة سرقة البنوك بالعادة من ثلاث أشخاص على الأقل الأول بيرعب العالم والموظفين بالبنك بالسلاح وبيهدد أي حدا بيتحرك الثاني بيجمع كل المصاري بكياس كبيرة من شان يا خدها معو أما الثالث " وهون حطنا الجمال " بيكون قاعد بالسيارة وعم يستنا الشباب من شان ينطلق بأقصى سرعة ((هههههههه ....قال ينطلق بأقصى سرعة )) إذا فكر ه الحرمية المساكين بتقليد الأفلام الأمريكية رح يعلقوا بالعجأة والازدحام ورح يجي الأمن بكل بساطة ليمسكهون وبما فيهون شرطي المرور من شان 25 ليرة مما سبق نستنتج الخطة الذكية لوزارة المواصلات التي تهدف لزيادة الازدحام بجميع الطرق ومنع حوادث السطو المسلح على البنوك كما نستنتج سبب عدم وجود مترو أنفاق أو تل فريك بالناطق الجبلية طبعاً مع ملاحظة الاستغناء عن الأنفاق والجسور بالمناطق الحساسة مرحى للازدحام المروري ...... ومرحى للعجأة........ وخسأتم يا لصوص البنوك...... |
لأنو رامي مخلوف ماترك بالبنوك شي لينسرق :larg:
|
تحليل مقنع ها!!!!!
بعدين كعك يا فيفا بكل شغلى بتحط رامي مخلوف ؟؟؟ ع الاقل شي مرة ضيف معو شي حدا لانو واحد لحالو ما قادر يشتغل كل الشغل ........:lol: |
اقتباس:
|
لا ما حزرتو انت قلت انو واحد بيرعب العالم وواحد بيشيل المصاري
اوكي ما بدك حدا يجيب مصاري يشتري سيارة ليهربوا فيها بعدين مو ليكون في مصاري بالبنوك ما شاء الله صارت بنوك سويسرا موضة عنا |
شكلك زعلان أنو ما فيه سرقة بنوك.....لا تزعل هداك اليوم انسرق بنك الدم بحمص:o
|
انتا حكيت انو ما حدا بسرق لانو في الازدحام ع الارض
طب انا عندي فكره ما يسرقوا ويهربوا بالطياره بس ما يكون هناك كمان زحمه بالجو :lol: |
ههههههه
شو بك خيو ؟ لا يكون في نفسك تسرق بنك :p لا تشيل هم ازا بدك بس احكي لي وانا اعطيك خطط صاروخيه :larg: |
اقتباس:
|
اقتباس:
|
هداك اليوم انسرق من البنك 5 ليرات لا تزعل في سرقة بنوك :lol:
|
اقتباس:
|
اقتباس:
فيها وجهة نظر...........:? |
اقتباس:
|
اقتباس:
خخخخخخخخخخخخ حلوة |
اقتباس:
|
اقتباس:
بيناتنا الحكي عم استنى منك شي خطة...لأني مزنوق ع 15ليرة وناوي اسرقهن من البنك |
اقتباس:
بيناتنا الحكي عم استنى منك شي خطة...لأني مزنوق ع 15ليرة وناوي اسرقهن من البنك |
| الساعة بإيدك هلق يا سيدي 18:14 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون