|
رغبة احرقني *قصة قصيرة*
رغبة احرقتني امرأة في اواخر الثلاثين من العمر تعاني امراضاً نفسية و لم تملك من الجمال والفهم ما يجذب احد الرجال اليها , يا الهي كم احبت ان تصبح اما يوما ما , لم تنم يوما دون ان تدعو الله بأن تتزوج وتنجب اطفالاً , لقد ماتت ازهار الامل لكثرة الملح الذي ملأ الماء الذي يسقيها, جفت تلك الدموع وحان وقت التفكير في طريقة. قررت صديقتنا الالتحاق بمركز الرسم الاحترافي, كانت مواظبة على المجيء يوميا حريصة ان تتعلم وبأفصى سرعة,الى ان اصبحت رسوماتها تلامس الحقيقة, شفاه شخوصها تتحرك, حينها قررت ترك المركز للتتفرغ لذلك الشروع الذي ارقها, قررت صديقتنا انجاب ذلك الطفل على الورق بدأت برسم ذلك الطفل وحرصت ان تنهي اللوحة في غضون تسعة اشهر ,و نعم!تسعة اشهر ,انقضت تلك الشهور وهي تحس بأنها حامل احست بكل ما يصيب المرأة في وقت الحمل, الى ان انتهت اللوحة وولد المولود الذي شرب من دموعها وتغذي على مقلتيها التي سهرت وهي تناظره. بعدة مرور سنوات احست الام بالضعف , نظرت الى اللوحة وصرخت : الى متى ستبقى صغيرا هكذا متى ستكبر , هيا جاوبني , الم اطعمك جيدا , يا لمصيبتي وانجرت باكية وانهارت لأيام , واخيرا قررت ان تنهي هذه المأساه , احضرت زجاجة من الوقود , نشرتها في جميع انحاء الغرفة ثم اشعلت عوداً من الثقاب وجلست وهي تحتضن الصورة , كانت الغرفة تحترق في تلك الاثناء, لقد رسمت السنة النيران شاربا لذلك الطفل , احست الام حينها بالرضا , لم تحس بالالم وصارت تصرخ :(لقد كير ابني ,لقد كبر ابني) , فجأة استيقظت من النوم لتجد نفسها على سريرها في مشفى الامراض العقلية وهي تحتضن لعبة من ورق. |
ادا بتعرف ترسم.. لو انها حاولت تكوّن شخصيتها وتنجح بمجال وتبرع فيه
احسن من انو توقف عند نقطة " بدي طفل ".. وهيي عارفة انو هالشي ممكن ما يصير هيك روّحت حالها,,, على كلٍّ قصة محزنة شوي.. |
اقتباس:
يعني كله افكار مجانين وهاد اللي قصدتو هون نورتي |
متل ما قلتلك لما قلتلي الفكرة...فكرة رائعة وحساسة وحزينة وكلها احساس...
احيانا بتمنى لو كنت مجنونة رسمي لانو هيي اللحظة الوحيدة يللي ما بتحاسب فيها عشي.... بس جد قصة روعة |
رغبة بريئة لكنها صارت مجنونة ..... و النهاية دخلت صاحبتها ضمن العلاج التفسي ...
يمكن القصة موجهة للكل ... حتى ما نخلي رغباتنا تقودنا ... :akh: |
اقتباس:
يعني ما بيقدروا يعصو رغباتهم هون صار في مشكلة |
زيد الرغبة حتى لو قادتنا احيانا للجنون فبيكفي انو نحنا ما تنازلنا عنها بس لمجرد نكون خانعين ومستسلمين لشي اسمو فقد...
الجنون احيانا اكتر شي بيرحم بالحياة |
اقتباس:
ويا ستي انشالله يتحققق حلمك وتنجني بس مو ضروري رسمي يمكن كاجوال ههه لأ عنجد مش من الضروري انك تصيري مجنونة لتعلملي اللي بنفسك ممكن تكوني عاقلة بس ما بتفرق معك او واثقة وما بتخافي من حكي الناس نورتي |
اقتباس:
تانيا للأسف يمكن ما حد فهم قصدي القصد هو انو المرأة من اول القصة وهي في مستشفى الامراض العقلية وهي كانت عم تحلم مش اكتر يعني رغبات مكبوتة وحكيك كتير مزبوط بالنسبة لأنو ما بيجوز الواحد ينقاد مع تيار رغباتو ليرضي نفسو وينسى اللي حواليه واللي بحبوه |
اقتباس:
بس ممكن مع الوقت تزداد الرغبة لتتحول الى شيء اسوء بكثير من الشهوة :D |
 انا قلت بيجوز هالصورة بتشبها |
من الخواطر والخربشات
حبيت الفكرة جدا .ً :D |
اقتباس:
|
قصة حلوة زعيم,ثابر إلى الأمام:D
|
اقتباس:
وانشالله بنوعدك ست فراشة نكون عند حسن ظنك :lol: هلا بيكي نورتي |
اقتباس:
|
اقتباس:
هلا سراب |
| الساعة بإيدك هلق يا سيدي 00:55 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون