|
نقوش لفظ الجلالة "الله" على شريحة من اللحم تثير استغراب النيجيريين
تهافت آلاف النيجيريين على محل لبيع اللحوم في مدينة "بيرنين كيبي" شمال نيجيريا , وذلك بغية مشاهدة شرائح من اللحم بنقوش لفظ الجلالة "الله" واسم النبي الكريم "محمد" اكتشفت الأسبوع الماضي . وذكر موقع الـ BBC نقلا عن وسائل إعلام نيجيرية أنّ شرائح اللحم عولجت بالغلي ثم القلي قبل أن تحفظ، لكي يشاهدها زوار المطعم. وأكد مالك المحل "كابيرو هاليرو" أن زبونا هو من اكتشف ما يبدو أنه اسم الجلالة "الله" واسم النبي "محمد" صلى الله عليه وسلم نقشت على شرائح من لحم البقر. وأضاف "هاليرو" : "لما عُثر على النقوش جاء بعض العلماء وتناولوا طعاما وقالوا إن هذا علامة تدل على أن الإسلام هو دين الحق الوحيد للبشرية". تجدر الإشارة إلى أنّ الطبيب البيطري "ياكوبو دومينيك" أكد : "إن هذا يتحدى التفسير العلمي، لو تعلق الأمر بقطعة لحم واحدة لأثيرت الشكوك، ولكن اعتبارا للظروف لا تفسير هناك".  - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
سبحان الله...و انّ في خلق الله شؤون :D
|
:shock::shock::shock:
اي بيصير |
اي بيصير ليش مابيصير
|
اعلم اني سأتهم بأني اعمى وزنديق و...الخ , لكني لم ارى شيئا في الصورة لا كلمة الله و لا محمد , كما بأني اشك في كون هذا الشيء (المعروض في الصورة) لحم بقر او غيره من الحيوانات.
|
اي شو هلهبل هاد
مبارح كانو مطالعين نقوش اسمو على حبة ليمون وقبلها على رغيف خبز وقبلها على رمانة وعلى فنجان قهوة وعلى غيمة شو فاضية الاشغال هلعالم...:pos: |
لك هي وحدة من الطرق الي بيتمألسوا فيها عالدين مو قصدي عالشباب الي هون عالناس الي بتجيب صور فوتو شوب انو طلع اسم الله عاللحمة وعالغيمة وعلى خلية النحل
|
كأني شايف ايد نيجيري أبيض ؟ ؟ ؟
بغض النظر عن هالشغلة .. الصورة لا مبين انها لحم بقري ولا لحم بطيخي ... وحتى الخربشات مانها لا الله ولا زيوس ... خبر متل بقية الاخبار من هاد الطراز ... ضحك على العالم ... وزيادة تجهيل ... |
لا أشكك بقدرة الله لاني بحبو ومؤمنة فيه ... بس ما بحب هاي النوعية من الخبريات تبعت لفظ الجلالة على برتقالة وشي على رغيف وشي ما بعرف وين..يعني ليش هيك؟
الله أكبر بكتير من هيك اشيا..ومشان تكون مؤمن فش حاجة تشوف هيك اشيا.. |
هلا هي قطعة لحم :?
في تقدم بسيريانيوز |
اقتباس:
|
في غاية من ورا استخدام هالطرق لحتى الناس يجوا يشوفوا هالمعجزة " المزعومة " ان صحت التسمية
يمكن الغاية او الهدف مادي.. بيجلبوا ربح معيّن من ورا هيك اكذوبة التشكيك بـ مصداقية هالشي ما بيعني التشكيك بـ الله اني بعرف انو الله قادر على كل شي .. وَ بالمقابل بعرف انو في كذب كتير و كتار بيتبعوا هيك طرق لاستغلال الناس .. ولغاية في نفوسهم يعني هي افكار وطرق ترويجية.. اكتر |
| الساعة بإيدك هلق يا سيدي 16:42 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون