|
انقطعت الكهربا
معالي وزير الكهربا
فيك تخبرنا شو عم يصير بالضبط معقول مدينة حرارة فيها اقسم بالرب 48 درجة وفوق هالشي صحرا تقطع الكهربا فيها بين الساعة 12 الظهر للساعة 2 وترجع تقطع من الساعة 4 لقبل شوي صرلنا اسبوع وقبله سنة فيك تعطيني تفسير مقنع لهالشي وحطلي خط تحت كلمة مقنع يعني لا تقلي الضغوط الاميركية ولا تقلي عطل بالمحطة بللا الشركة الاسبانية اللي عم تظبط الكهربا من سنة 2006 شو عم تعمل والفرنسية والايطالية والصينية رفعت سعر كيلو واط الكهربا ولعنت رب الناس بالفواتير و قلنا خف الضغط عالناس بترجع بتقطع الكهربا من جديد معالي الوزير بدي تفسير مقنع للموضوع وجدول زمني واضح للحل او قدم استقالتك مواطن سوري |
اقتباس:
طول بالك طارق.. مو معقول هلئ يروح الزلمة هلئ عالوزراة.. يعني بدي مون عليك بس تطول بالك لبكرة الصبح :larg: |
اي هو عم يقرا رسالتك هلق والمكتب الصحفي عم يكتب الرد...........؟؟؟؟؟
يا استاذ الكهربا عندو مقطوعة شلون بدو يرد عليك |
اللي بيجلطني
انو مشفى بتنقطع فيها الكهربا وبيوت الوزير وزملائه ما بتنقطع عندون ؟ اي شو هالمسخرة |
اي المشفى فيها مولدات كهربا.....
بس هنن ما عندون |
رجااااااااااااااااااااااا ااااااااااااااااااااااااا ااااء
الموضوع انكتب هون يعني بدي افهم شو وضع الكهربا ولايمتى هالمسلسل ؟ وبس |
والله ينعل ابو ابوهن على قطعة الجهربا
يازلمة بدهن يطالعوني عن ديني لك لك تصور قطعو الكهربا عند بيت حماتي وقت مسلسل نور وال .... دبقت عندي لبين مايخلص المسلسل ينعل ** اختو لمهند ع ** نور ع اخت الكهربا |
لك له يا طاااااااااااارق معقول ما بتعرف سو السبب
هي محنة دولية وأزمة عالمية شيت الكهرباا اذا نحنا ما وقفنا جنب الحكومة بالمحنة تبعون مين بدو يوقف :lol::lol::lol: لك طارق حط بالخرج حلنا نتعود :cry::cry: |
يلا هانت بوكرة بيشرولنا كهربا من معمل شركة شام القابضة وبيبيعونا ياه بس أغلى شوي بدنا نجهز حالنا هو أغلى شوي من المعمل الحكومة مادخلها . والحكومة ماراح ترفع سعر الكهربا يلي هية بتنتجها . لأنو رفع الدعم خط احمر :lol: :sly: |
اقتباس:
فيني أفهم الى حدا ما انو الدولة ما تقدر هلأ تموّل محطات جديدة.. طيب أوكي طيب ليش ما بترخّص لشركات جديدة .. معليه تكون خاصة.. مو بس تخليهون يعملو محطة و يشترو منها ... و راح اشرح الفرق.. بسوريا في نسبة فاقد من انتاج الكهربا رهيب (يمكن في دراسة انو حوالي 30%) و هالفاقد سببو قدم الخطوط الموجودة و اهتراءها, الفساد, المحسوبية, السرقة (و صدقو انو اللي عم يلعب بالساعة أو مفوّت خط براني ع بيتو -غلط ما اختلفنا- بس مو هو أكبر سبب للهدر.. الله عليم كم معمل لأبو فلان و أبو علتان عم يشتغلو بدون ساعات و بدون شي) .. طيب هلأ ازا مثلا الحكومة اشترت 100 ميغا واط (الرقم كمثال بس) من شام القابضة.. اللي خلقة ما رح تكون بسعر الكلفة طبعا لأنو الجماعة فاتحين المحطة كمشروع ربحي.. بالوضع الحالي للشبكة من هالـ 100 ميغا واط في 30 ميغا واط راح يطيرو بسبب الفاقد .. هدول رح تدفعهون مؤسسة الكهربا اجباري رغم انو ما عم تستفاد منهون.. لكن هالشي مالهون علاقة فيه الشام القابضة.. و و مؤسسة الكهربا منوين رح تجيب حق الفاقد لتدفعو للشركة القابضة؟ من جيوب المواطنين طبعا.. لذلك فاتورة الكهربا راح ترتفع كمان و كمان رغم رأيي انو بأي دولة بالعالم في قطاعات استراتيجية يفضل انو تكون بايد الدولة أو على الأقل القطاع الخاص يكون محلي و باشراف الدولة... خلينا نقول أوكي .. معليه القطاع الخاص يدخل.. لكن مو هيك!! خليهون يأسسو شركة كهربا رديفة.. و يعملو تمديداتهون الجديدة و ساعاتهون الجديدة و يكونو مسؤولين عن شبكتهون و عن الفاقد من شبكتهون .... العقد بالطريقة الحالية مشروع نهب جديد.. عدا انو قال الدولة تتكفل الوقود البترولي للمحطة.. طيب كيف صيغة العقد؟ و بناءا ع أي سعر بترول صار هالعقد؟ ما بينفع ازا متفقين ع سعر الليتر اذا بكرا صار الضعف.. لأنو الفرق راح يدفعوه العالم من ضرايبهون.. هالعالم اللي خلقة راح ياكلو صواب بارتفاع سعر الكهربا.. عوجا خيو عوجا.. كيف ما تطلعت عليها عوجا |
اييييييييييييييه ..
طريقك مسدود مسدود مسدود |
لاتشكيلي ابكيلك الكهربا انقطعت اليوم منل 3 لل5 وامبارح منل 2 لل5 الضهر بعز دين رب الشمس
ومحسوبك طابق خامس يعني شغل الشباب من شي كم شهر انقطعت الكهربا بمشفى الجامعة بحلب تخيلو مات بني ادم من ورا قطعت الكهربا لانو الزلمة كان تحت الانعاش ولبين ما وصلو المولد(بعد نص ساعة) ماضل حدا لحدا والزلمة عطاكن عمرو سعدو يرحمك شو كنت طيب وحباب وبتحب وطنك وماصار الا ضحيت في سبيلو |
طب خيو بدون يقطعو الكهربا ولا بد يقطعوها محدا ماسكون بس يقطعوها بالليل ليش عم يقطعوها بعز دين الشوب
|
اقتباس:
|
لانو الكهربا عم تروح للاردن :lol:وعنا بالاردن ما بتقطع ربع دقيقه
|
ياترى اذا بتصير حرب . لا سمح الله . شو بيصير وضع الكهربا ؟
|
هلئ لحد الأن مستورة ماقطعوا الكهرباء بس الله يستر من الأيام الجاية بس الواضح انو الوضع متحسن عن السنة الماضية يظهر في ناس كتير تلوعت بفواتير الكهرباء فما عاد شغلت مكيفاتها
وبشرى سارة بدءا من الأسبوع القادم ستزودنا الأردن ببعض الفائض من عندها من الكهرباء........فاالله لايبلينا ويجعل النسمات العليلة تلفحنا حتى مانحتاج ابو زبلة عفوا قصدي مستر كهربرب |
اقتباس:
هيك صار الحكي ريم خانم؟؟ صار عندكن بالاردن :? الله يرحم أيام ماكنتي محسوبه علينا نخنا السوريين المقطوعيين :larg: |
| الساعة بإيدك هلق يا سيدي 12:27 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون