|
هل تفضل أن تُحِب أو أن تُحَب؟
كلنا نتفق على أن الحب احساس جميل يهز كياننا ويعصف بأسس حياتنا ويغير أفكارنا وهو قادر على تعديل شيء من مبادئنا ولكن........ هل تفضلين (تفضل) أن تكوني (تكون) انتي (انت) صاحبة (صاحب) المشاعر الأقوى في العلاقة التي تجمعكي (تجمعك) مع من تحبين (تحب)؟ ولماذا؟ |
يمكن انا بفضل انو انا اللي احب أكتر مو انحب لأني لما بحبو اكتر من ماهو بيحبني بقدر احافظ عليه وبقدر اكون مبسوطة بينما لما هو يحبني اكتر رح حس اني مخنوقة من حبو الي واني انا ممو قادرة احبو متل ماهو بيحبني
|
حلو موضوعك كاتي عن نفسي لو يكون الحب متبادل من الطرفين بصدق وعفه يكون احسن سلامي |
الحب من الجهتين بيكون افضل وما حد يحس انه اللي قباله بحبو اكتر لان الانسان بيطمع بحالو وبيصير بدو يتقل عالحبيب شوي
|
بصراحة يا اختي ....
الحب ما فيه اقوى واضعف ولا مشاعر اكتر واقل .... خلص ما بسال ليش ولا كيف ولا كم .... بس مشان سوالك انا بحب انه انحب اكتر من اني حب لانه بصراحة انا حبيت كتيييييييييييير وبكفي هيك لازم شي وحدة تحبني عاد.... :p |
أُحبُّ أن أُحبَّ أكثر... لأنّي أُدرُك أنّي قادرٌ على العطاء والبذل على قدر طاقتي في الحُبّ، ولا أعرفُ إن كان الآخرُ قادراً على هذا العطاء... أحبُّ ذلك لأنّي أعرفُ نفسي وأسعى في مزيد من هذه المعرفة!
|
لاهاذا ولا ذاك أعطيني حريتي أطلق يداي :gem:
|
الشغلة مو شو بفضل ... الشغلة مش بيع وشري ... ما حدا بيقدر يحدد .. كلو حسب الظروف ..
|
اقتباس:
|
اقتباس:
اذا رح تحبيه انت اكتر كمان في احتمال انك تخنقيه بحبك وهو يحس حاله مو قدر يحبك متل ماانتي بتحبيه |
اقتباس:
بس المشكلة انو بتحسي دائما بكل علاقة في واحد بيحب التاني اكتر نورتي:D |
اقتباس:
كلامك فيه وجهة نظر بس ياترى قدرتك على العطاء مارح تقل اذا حسيت انه اللي بتحبه ماعم يقدر عطاءك؟ :D |
بس ياترى قدرتك على العطاء مارح تقل اذا حسيت انه اللي بتحبه ماعم يقدر عطاءك؟
الحُبُّ والعطاءُ يا عزيزتي ينبعان بغير إرادة وينموان بها! ولكنّهما يبقيان علاقة، والعلاقة محتاجةٌ إلى التّواصل، فإن انقطع هذا الأخير لا بُدَّ لهما من التقهقر، ولكن دون الوصول إلى الموت أبداً. إذا كان يُحبّني ولا يُمكنه أن يعطيَني شيئاً، فمحبّته تكفيني وعطائي سيبقى متدفّقاً حين يحتاجُه. فأمّا إن لم يكن الحبُّ دافعَ ارتباطه بي فالحُبّ سينكفئ والعطاء النابع منه سينضبُ رويداً رويداً دون أن يصلَ حدَّ الجفاف. لأنَّ الحُبَّ الحقيقيّ لا يموت ولا ينضب بل يبقى كالجمر يحجبه الرّماد وعندَ هبّة ريح أو نسيم يشتعلُ من جديد، وهبّة النسيم أعني بها احتياج المحبوب وسؤاله. شكراً لتواصُلك. |
بصراحة جربت اني حب
وجربت اني حب وانحب لقيت احسن شي اني انحب |
.بدي حبو ع كيفي
وبدي يحبني ع كيفو المهم الحب ...يكون قوي من الطرفين |
عندى مشنقة بسقف الغرفة:p
اذا حبيت من غير ما اتحب اشنق نفسى واذا حد حبنى من غير ما حبو .. اجيبو واشنقوا واذا حبيت واتحبيت بجيب الحبيب من ايدو لنزيل المشنقة سوا:D _ _ _ عدوانية ؟؟ ممكن ... بس هذه انا بصراحة لا اعطى اعتبار لحب من طرف واحد,,, ودمتم |
اقتباس:
عن تجربة شخصية ..... أنا حبيت مرتين بس بالمرة الأولى كان حبو الي أقوى من حبي له ... وفي النهاية حقيقة اختنقت من حبه ... والمرة الثانية كان حبي أنا أقوى ... وهاد خلاني حس انو عم فرغ مشاعري بإنسان ما بيحس خاصة انو من النوع الي مابيعرف كيف يوصل مشاعروا وخلاني شك انو هل هو حقيقي بيحبني أو لأ لأنو ماقدر يعطيني 10% من حبي إلو ... وفي النهاية صار عندي احباط... مافي أحسن من الاعتدال ... |
أنا جربت كتير إنو انحب :sosweet: :deal: بس ماحبيت كتير مرات بحزن ع الشخص يلي يحبني لاني مالي عرفانه شلون اجازية وأنا مابحبو :cry: يعني بحاول حبو بس مابقدر :shock: لكن شعور إني أنحب بالنسبة لي أفضل من إني حب حدآ مابيحبني ع القليلة لما بنحب بحاول إنو ما دايق الطرف يلي يحبني ;) بس مابعرف شو راح يصير لما بحب حدا مابيحبني ., بتخيل إني رح موت وهو مالو مهتم :shock: ---- يسلمو ع الموضووع الحلو :hart: |
| الساعة بإيدك هلق يا سيدي 13:59 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون