|
وزارة الكهرباء وشام القابضة توقعان مذكرة تفاهم لإقامة محطة توليد كهربائية خاصة
وقع وزير الكهرباء احمد خالد العلي الخميس مع رئيس مجلس إدارة شركة الشام القابضة نبيل الكزبري مذكرة تفاهم لإقامة محطة توليد كهربائية خاصة لتلبية الطلب المتزايد على الطاقة.
وقال العلي بحسب وكالة الأنباء السورية الرسمية (سانا) إن "مذكرة التفاهم تقضى بالتعاون في إنتاج الطاقة الكهربائية ضمن توجهات الوزارة لفتح المجال أمام القطاع الخاص للاستثمار الوطني في قطاع الطاقة وهذه أول اتفاقية من هذا النوع وذلك لتلبية الطلب المتزايد على الطاقة. وأشار وزير الكهرباء إلى أن "شركة فرات الشام التابعة لشركة الشام القابضة ستقوم ببناء محطة توليد كهرباء باستطاعة 750 ميغا وتشغيلها في موقع محطة توليد جندر". وأضاف العلي أن "وزارة الكهرباء ستقوم بعد ذلك بشراء الطاقة الكهربائية المنتجة من هذه المحطة دون الدخول إلى داخل المحطة فالشركة تقوم ببناء وتشغيل واستثمار المحطة وتشترى الوزارة الطاقة المنتجة بأسعار متفق عليها على أن تؤمن وزارة الكهرباء الغاز المطلوب لتوليد الكهرباء". وتشير دراسات إلى أن سورية ستحتاج إلى 1700 ميغاواط عام 2010 وهذا يعني الحاجة إلى مشاريع ضخمة لتوليد الطاقة الكهربائية, تحتاج إلى استثمارات خاصة بما يتجاوز 1.4 مليار دولار ( 70 مليار ليرة سورية) لمواجهة الطلب المتزايد على الطاقة الكهربائية. بدوره, أشار رئيس مجلس إدارة شركة الشام القابضة إلى "أهمية مشاركة رأس المال الوطني في بناء مشروعات تنموية واقتصادية مهمة في سورية تسهم في مسيرة التنمية التي تشهدها البلاد". وتأسست شركة شام القابضة في كانون الأول عام 2006, برأسمال 350 مليون دولار وتضم نخبة من رجال الأعمال السوريين المقيمين والمغتربين وتعمل في مختلف المجالات. سيريانيوز |
خصخصة يا خصخصة .. يا عيني عالخصخصة....
بمعية الحكومة الكريمة قريبا شام القابضة راح تشتري حقوق قبض الأرواح كمان و تطالع عزرائيل تقاعد.... هزلت |
أيه . طالما مافي مين يحاسب شو المشكلة
|
اقتباس:
اقتباس:
|
أي عادي والكل قالو أنو ازمة الكهرباء السنة الماضية . هي مؤشر على نية الحكومة خصخصة الكهرباء
لانو صارت مكشوفة طريقة عمل الحكومة وأي أزمة بتصير . لازم الواحد دائما يفكر ليش . طبعا ليش بماورائيات السبب |
بلشنا خصخصة .. ما كان الناس بدها انو تتخصص مؤسسات الدولة... وانو شو هالبيروقراطية ؟؟ وانو لازم ننفتح ع الدول وانو هاللغة الخشبية عن القطاع العام حلها تنتهي؟؟ اي انبسطو بالخصخصة .
|
بتصور الحكومة بدها تشتري كهرباء وتبيعها بأسعار مدعومة أو بتخصصها للمناطق الصناعية
|
أنا سمعت بدهون يوزوعها ببلاش... عنجد تسالي
|
من حيث المبدأ ..... هالحل منيح لأنو بزيد الشفافية بكلفة الكهربا .. يعني بتصير الارقام واضحة ...
منعرف شو عم تدفع الدولة ثمن الكهربا و قديش عم تحصّل منا و بيصغر شوي مجال الهدر و السرقة يللي بتصير بعملية الانتاج بس من حيث التطبيق أنا ضد و بشدة ... لأنو أكيد رح نشوف محسوبيات و عقود حصرية و أسعار خيالية للانتاج يعني سرقات شرعية و حصرية و كلو على حساب المواطن |
اقتباس:
|
| الساعة بإيدك هلق يا سيدي 16:15 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون