|
اضطريت احذفواااا ؟؟؟؟؟
مرحبا شباب مبارحة صارت معي قصة بالمنتدى ما قدرت انساها يعني اثرت فيني كتير وقت لازم احكي لان لو ما حكيت رح طق قهر حتى لو كان التمن الغاء عضويتي يعني بكفي القصة وما فيها ان في حدا من الاعضاء وجهلي ملاحظة انه صورتي الشخصية بتدخل في حدود حرية الاخرين وبتطلع من حدود حيرتي الشخصية هلق هو قال انه هاد رايه وحب يقلي ياه انا ما اقتنعت فحبيت اسالكن ونزلت موضوع اسمه الحرية الشخصية ... وحريات الاخرين ومحتوى الموضوع هو انه سالت شو بتعني هي الجملة لكل واحد منكن وبرايكن صورتي الشخصية بتتعدى حدود حريتي الشخصية بعد شوي بتجيني رسالة على الخاص من احد المشرفين بقول فيها مرحبا موضوع الحرية اضطريت لاني احزفو لانو مكرر ومطروح كتير قبل شكرا ل الك ويا هلا يعني بربكن بلي خلقكن بلي بدكن ياه شو هالحكي قصة صارت معي عم اخد رايكن فيها بموضوع بخصني الي بالذات فبقلي المشرف المحترم مكرر يعني كيف بس بدي افهم ولا الاشراف صار مزاج يعني حدا يفهمني لا وشو شكرا ل الك ويا هلا يعني حسيت اني بشي صيدلية عم اخد دوا وهي الموضوع حطيتو بالسقيفة مشان ما حدا يقلي مو هون محله او مكرر اي سلام :D |
حقك علينا ما كان لازم المشرف يبعتلك انو موضوعك انحذف .... احترنا فيكن يعني اذا بنتصرف بلى ما نخبركن بتعملو مظاهرات وشكاوي بالبريد اذا صرنا نخبركن كمان بتتظاهرو ...احترنا يا قرعه ترى ...
المهم انت حطيت موضوع عن الحريات الموضوع صار نازل مية مره عن انو يبا شو الحريه ووين حدودها غيرو صورتك المثليه وانو انت gay موضوع المثليه صار نازل عنا وحاكيين فيه ست الاف مره ... فهمت بقى ليش انحذف؟ |
اقتباس:
بما انك مشرفة فما حاقدر رد عليكي لان انت عم تحكي بتحيز لهيك ما حادخل معك بنقاش ما نطلع منه بشي يسلموا :D |
أنا بحييك على جرأتك وصراحتك و مبادئك... بس عندي سؤال محيرني : انت gay الله يهنيك و مادخلنا.. بس انك تحط هالشي بصورتك شو سببو؟؟ رح سهل عليك و أعطيك احتمالات:
1- نوع من الترويج لفكرة المثلية الجنسية. 2-نوع من الإعلان لحالك مشان تلاقي "بوي فريندز". 3-نوع من التمرد على قيم المجتمع و التحدي للقيم الشرقية. ومشان تفهم أنا ماعم حاول هينك أو ازعجك أو انو أنا ضدك.. بس عنجد حابب افهم شوفكرتك من التصريح بهالشكل انك Gay. وشكراً |
لا يا سيدي احكي ما بتفرق
واذا عندك شكوا البريد مفتوح ومانو بعيد من هون |
اقتباس:
شوف يا عزيزي الاحتمال الاول 1- نوع من الترويج لفكرة المثلية الجنسية. اكيد لا لان فكرة المثلية مو محتاجة ترويج بس محتاجة عدم تطنيش صح ؟؟:larg: الاحتمال التاني 2-نوع من الإعلان لحالك مشان تلاقي "بوي فريندز". كمان لا لان انا ما عندي بوي فريند ولا بدي انا مثلي بس ببقى مسلم فهمت علي ;) الاحتمال التالت 3-نوع من التمرد على قيم المجتمع و التحدي للقيم الشرقية. يمكن في شي من هاد بس الاحتمال الاقوى هو التالي ان عم عبر عن شخصيتي بصورتي الرمزية يعني متل ما انت صورتك بتبين وطنيتك وحبك لبلدك انا كمان صورتي بتعير عني اقتنعت فيفا :D:D |
اقتباس:
يسلموا :D |
الفكرة العامة وصلتني... وبشكرك كمان مره انك وضحتها بطريقة مباشرة... بس هون بدي توضيح..
اقتباس:
هامش: ياريت ما تقارن صورتي بصورتك.. تكريس حب الوطن بصورة بيفرق كتير عن توضيح انك gay بصورة. |
اقتباس:
بس الي على هامش بيوضح انه فكرتك عن النقاش مو هيك شكرا الك واسف اذا ما قدرت كفي نقاشي معك ووضح الفكرة :D |
انا ما كنت حابب اتدخل بالموضوع ولكن لفتت نظري شغلة يلي هي هي :
اقتباس:
في سؤال لإيمام جامع السؤال : أنا لست شاذاً ، ولكنني كنت أفكر من ناحية أخلاقية ، بما أن الإسلام لا يبيح الشذوذ فما الذي يحصل للشاذ أو الشاذة ؟ الكثير من الشواذ يقولون بأن توجههم الجنسي طبيعي وأنهم ولدوا هكذا ، إذا افترضنا بأن ما يقولون صحيح لأن الناس الطبيعيين لا يعرفون هذا ، فإذا كان الشذوذ محرم في الإسلام فلماذا خلقهم الله هكذا ليتعذبوا بوجودهم في هذه الدنيا ولا يستطيعون إرضاء رغبتهم الجنسية ؟ . الجواب : لا نوافق قولهم أن توجههم الجنسي طبيعي ، بل انتكاسة للفطرة وقد عد الله هذا الفعل فاحشة وتعديا ، وأنزل قوم لوط عذابا لا يماثله عذاب أي أمة أخرى ، وقد أخبر سبحانه أن هذه العقوبة ليست ببعيدة عن الظالمين . وقولهم أن توجههم طبيعي فهذا من ترويج الفساد وإشاعته وإيجاد المبررات له ، وكثير منهم يحاول تغيير خلقته ليصبح شاذا فكيف يقال أنهم خلقوا هكذا ؟ والله تعالى لم يخلق أحدا ليعذبه وإنما خلق الخلق ليعبدوه وقد يبتلي عباده بالشدائد امتحانا لإيمانهم وتكفيرا لخطاياهم ورفعة لدرجاتهم ، والله تعالى أعدل من أن يجبر عبدا معصية ثم يعاقبه ، بل المخلوق يفعل المعصية باختياره - مثل هؤلاء الشاذين - وعندها يستحقون العقوبة ، قال الله عز وجل : " ولا يظلم ربك أحدا " ، وقال تعالى : " إن الله لا يأمر بالفحشاء أتقولون الله ما لا تعلمون " وإذا بليتم بالمعاصي فستترو |
انا بحييك ويجا .. صح انا يمكن ما كتير لهلق اتقبلت فكرة المثلية بس انا مع كل واحد عندو الجرءة يعبر عن نفسو وعن رايو بوضوح ويدافع عنو .. انا بشوفها متل اني عبر اني بنت ولا شب ومتل اذا شيوعي او مسلم كلو اعلان عن شي عنا رغبة نظهروا بغض النظر عن راي المجتمع يلي عم يملي علينا شو منعمل وشو ما منعمل بلا ما يراعي شو بدنا نحنا كبشر ... اذا ميولي العاطفية ما عم اقدر اعلنها مثلية او غير مثلية فكيف بميولي الاخرى ....
|
اقتباس:
|
اقتباس:
|
ويحا هلق انا ما عندي ولا اي مشكلة مع المثليين ولا اي شي من هاد النوع بالعكس بحترم الي بيقدر يعبر عن هاد الشي بس فعلا شو سبب هي الصورة؟
|
اقتباس:
|
اقتباس:
|
اقتباس:
بظن اني ما في انسان ما في عندو اخطاء بس الوقاحة اني نفتخر بهل اخطاء وننشرها .... اقتباس:
|
رح احشر حالي متل دايما :p
القلب الدافئ بدي اسالك يعني اخفاء المشكلة هاد حل ؟ بس تساؤل |
| الساعة بإيدك هلق يا سيدي 16:53 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
