|
نص الالف خمسمية
نص الالف خمسمية
ما كنت لاقيلها تفسير يعني مرات بكون معصبة و عم كش دبان وشي بيجي واحد بيقلك نص الالف خمسمية خاي اي شو شايفني بهيم مين قلك نص الالف ستمية:? ايدي بانفك في مجال تفهمني من وين اجت هي نص الالف خمسمية؟ و شو معناها؟ وليش بتنقال؟ فضول مو اكتر بدي تفسير:sick: |
نص الألف خمسمية بيقولوها لما يكون صاير مع الواحد شي مشكلة مشان يهون المشكلة الي صايرة معو وما يهولها ومشان يفكر بعقلانية أكتر ويرضى بيلي صار معو يعني ما ياخدها حنبلية
|
على ايامنا كان نص الالف مية..غليان نص الالف بايامكن :?
احنا معلمنا لما واحد يحس بعصبية بسبب ضغط او شي بيقلو : خمسة بـ خمسة خمساعشرين :pos: (5*5=25) بس ليش اُختيرت هالجملة بالذات..ابعرف :larg: |
ههه ... بركي مفكر انك ما بتعرفي هالمعلومة ... انو نص الألف خمسمية .. ههه ...
بس انو هيي بتنقال متل ما قال مالو خايف .. انو مشان الواحد يفكر بعقلانية ... مش أكتر .. |
تالين ..
سمعي نص الالف 500 لزياد بتعرفي شو .. يعني |
انا عندي اثبات انو نص الالف اربعة مية وخمس وعشرين
وعن تحدي القصة :lol: |
سلامٌ عليكم وحبٌّ... وبعد
نصّ الألف خمسميّة تُقالُ لواحدٍ من مثلي!!! هكذا حدّثني صديقٌ بالأمسِ... مصارحتُه آلمتني لأنّي وجدتُ نفسي عقيماً، والعقم لا يأتي بثمرٍ وكم هذا صعبٌ ومؤلم... تالين أنت تريدين تفسيراً وإليك به: الألفُ مقسّمةٌ إلى وحدات وأجزاء بغير نهاية، فهي مثلاً تتألّف من ألف واحدٍ، وخمسمئة اثنين... إلخ. ولهذا فنصفُ الألف نسبيّة إذ يُمكنها أن تكون خمسمئة، كما يُمكنها أن تكون عشر أجزاءٍ من فئة الخمسين، أو عشرين خمساً وعشرين... إلخ. ولبتِّ الأمرِ وعدم البحثِ عن أجزاء نصفها الكثيرة يُقال "خمسمئة" وهي أسهل الوحدات وأبسطها. ويُضربُ هذا القول لمن يعاني من مسألةٍ تشغله فيفكر فيها ويبتعد في تفكيره كثيراً فيحسب لكلّ شيء ويعدّ الأسباب والنتائج، ولقطع الطريق عليه يقال: "نصّ الألف خمسميّة" أي خذ الأمورَ ببساطةٍ وسهولة... والآن وبعد هذا الشّرح ألستُ مستحقاً أن يُقال لي "نصّ الألف خمسميّة"!!! :p. |
اقتباس:
شوف شوف اللي بيفهموا يشرحوا: :pos: اقتباس:
زئفة زئفة :gem: عنجد شرح حلو.. مو متل يللي اسمو هاني..جاي يتفهمن ع الناس :pos: قال نص الالف = اربع مية وخمس وعشرين..يي عليك شو فهيم يا هاني :pos: :p |
شكراً يا ماتيا على ثنائك... :D.
|
اقتباس:
احتمال يكون جوابي صح = 1 وعن شرط نص الالف اربعة مية وخمس وعشرين |
اقتباس:
:pos: |
اقتباس:
|
اقتباس:
|
اقتباس:
شارط من شو لشو بدك بس اثبات بالعقل والمنطق مو يطلع بالاخير في فبركة ولعب بالحكي وهكذا يعني :pos: قال نص الالف = 425 .. يمكن ع دور ستي..بس هالدور الجديد غليان الالف |
اقتباس:
|
اقتباس:
|
اقتباس:
شو الشرط.. من شو لشو.. بدك تأثبت كيف نص الالف = 425 |
يللا بلا شرط رح قولها دغري مشان ما نطلع عن الهدف الاساسي للموضوع
اللعبة كلياتها بالتاء المربوطة تبعيت الاربعة رجعي شوفي بكل ردودي انا شو قايل قايل نص الالف اربعة مية وخمس وعشرين يعني اربعة مية وخمس وعشرين = مية وخمس وعشرين + مية وخمس وعشرين + مية وخمس وعشرين + مية وخمس وعشرين 125 + 125 + 125 + 125 = 500 :o واللي ما بدو يقتنع بهالحكي بدو يكون افشل واحد على وجه الكرة الارضية :lol: |
| الساعة بإيدك هلق يا سيدي 09:20 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون