سياسة التعتيم
 

بس حابب قلك رأي بصراحه بموضوع الإستبيان انو فكرتو ضعيفة جداً... يعني كنت بتمنى انو يكون موضوع فقط بدون الاستبيان لأنو ما حدا رح يقلك انو أنا مع التعتيم و تخباية الحقيقة.. بصراحه كأنك عم تسألي انت مع المخدرات أما ضدها...

وشكراً

بس في كتير ناس مع هالسياسة
أنا مثلا مع هالسياسة "في بعض الأحيان "
تبعا لنوع الخببر ووضع البلد وبنظرة واعية شوي
في أخبار بتأدي للبلبلة وبلبلة على بلبلة بيخف تماسك البلد خاصة اذا كان وضعو مو متحمل
بعدين باستبيان أو بلاه رح تحكي رأيك والاستبيان بس مشان النسبة ومانو اجباري
حبيت نحكي بالموضوع وتشعباتو أكترمن انو نقول أي أو لا

تحية:D

أحيانا الحكومات تقوم بالتعتيم على شغلات لأنو تعتبرها دون أهمية.. أو لأنو تعتبر انو الأفضل عدم نشرها مشان عدم اثارة البلبلة.. لكن ما بينتبهو انو يحققو النتيجة العكسية عدا عن انو تنضرب مصداقياتهون لأنو لما العالم يعرفو انو تم التكتم على شيء ما ما رح يصدقو وقت يحكو عن شي تاني


شكرا للموضوع...


و مداخلة تانية:

بدون ما أحوّل الموضوع الى نقاش تاني.. و بالتالي أخرب الموضوع... ما بعتقد ردك هاد موفق انو أول رد بالموضوع ما تجيب سيرة الموضوع و تقلها استبيانك ضعيف.. مانك مجبور تشارك بالاستبيان اذا ما بدك و بالتالي ما بعتقد ضروري كتير ينزل رد مخصوص لاعطاء هالنصيحة حول كيفية تنزيل استبيان من عدمو بشكل مالو داعي..


و شكرا

فاجئتيني انك مع التعتيم ببعض الحالات... لأنو صدقيني متى ما شرعتي بعض الحالات معناه سمحتي للحكومات تعمم على كل الحالات يلي بدها ياها..

خيو دام الموضوع عاجبك فيك تعتبرو بلا إستبيان , و فيك تعطي رأيك أنو الإستبيان ضعيف أو قوي بغير مطارح مثلأ ً ماسنجر أو برايفت يعني مانو مطرح هالحكي هون الموضوع عن سياسة التعتيم .. للتنويه و التذكير فقط لا أكثر ..

ياس حكيك مزبوط مشان المصداقية
بس بنظرة واقعية شوي
بدون مانحكي موضوع معين بشكل عام
اذا كنت بموقع قيادة ما بتكون مضطر أحيانا تلجأ لهالشي
نظرا لأنو في فئات كتيرة ممكن تستغل أخبار معينة
وياريت ما يتم الخلط بين رأيي وحرية الاعلام

أنا برأيي سياسة التعتيم هي ضعف من السلطات على مواجهة الحقائق وعدم دراية بكيفية التصرف بالمواقف الي بتواجهن وبظن هاد ان دل على شيء فبيدل انو هنن مو قد هالمسؤولية وما عندون خبرة أو حنكة بالتعاطي مع المواضيع يعني بتذكر لما اغتالو عماد مغنية من فترة بالشام وسائل الإعلام السورية والمسؤولين السوريين ولا واحد فيهون طلع وقال انو والله صار تفجير أو صار عملية بالمنطقة الفلانية هلأ بيجوز حدا يقلي انو بركي كان انفجار طبيعي حتى لو انفجار طبيعي يعني مو عملية اغتيال المفروض حدا يطلع ويحكي شو عم يصير يعني وقتها لتاني يوم بلشت تقرا بالشريط الأخباري الي تحت انو صار عملية اغتيال حتى مو بنشرة الأخبار

انو انا مع .. اي ببعض الاحيان .. لانو جد احيانا .. بكون في اخبار .. مالا طعمة انو تطلع .. وحتسببب .. فوضى وبلبلة وشوية مشاكل .. لزلك انو الافضل ببعض الحالات يكون التعتيم .. بس انو .. ازا انكشف شي ما يضلّو عم يكملو بكشتهم ..

:D

وأنا بدون ما حولو لنقاش تاني .. أنا حكيت عن الإستبيان مو عن الموضوع.. يعني الموضوع ممتاز للنقاش حول التعتيم الإعلامي و أسبابه و طرقه.. بس الإستبيان عن شو؟؟ يعني مين من الشعب بيحب انو يسمع شو عم يصير ببلدو من البي بي سي أو من محطات مو وطنية تسخر الخبر لخدمة مصالحها و كل حدا يصيغ الخبر متل ما بدو..
و أهلاً

راح جيبلك مثال..

بوسط اسبانيا في مفاعل نووي لانتاج الطاقة الكهربائية صار فيه تسريب بسيط جدا ما تعدى ربع حدود نطاق الأمان تبع المفاعل (حوالي المفاعل في منطقة أمان واسعة مافيها سكان و ما يدخلها حدا الا بتصريح) فادارة المفاعل التابع لشركة كهربا خاصة قررو انو ما ضروري ينحكى كون التسريب ما وصل لشي و يمكن الحكي يعمل بلبلة بدون داعي... بعد اسبوع من التسريب دري صحفي عن طريق موظف بالشركة... قامت قيامة القرى اللي حوالي المفاعل و اضطرت الادارة تقدم استقالتها (رغم انو اثبتو انهون قانونيا ما كانو مجبرين يبلغو عن التسريب كون ما تعدى منطقة الأمان المملوكة من قبلهم) .. بس الضجة و البلبلة اللي عملوها و الرعب تبع الناس اللي ركبت سياراتها و هربت من هنيك خلى الحكومة تضغط عالشركة مشان تجبر الادارة على الاستقالة... الناس هون بيقولو انو و الله لو الشغلة بسيطة كان ما تسترو عليها و خبوّها.. كان حكو عنها و خلص...

صدقيني البلبلة ما بتجي الا من ورا سياسة التعتيم , هلق ببعض الحالات متل مثلا حالة الحرب بصير تعتيم بس مؤقت هدفو حماية البلد وبعد ما تنتهي المشكلة بيطلع كل شي للعلن والشعب بيعرف التفاصيل

بس بالدول القمعية بتلاقي الناس مو عرفانة شي لا قبل ولا بعد الحدث, يعني عنا في حالات وقصص نهب و سرقة وقتل جماعي وخيانات صارت وعم تصير من 40 سنة ما حدا بيعرف عنها شي وكل واحد بيحكيلك قصة شي وهي هي البلبلة اللي جايبة اجل تماسك البلد

طيب ... هيي حبت تحط استبيان.. و نحنا حبينا نجاوب فيه.. ضروري كتير أول رد يتجاهل محتوى الموضوع و يروح لنقد وجود الاستبيان من عدمه؟ ما ضروري كتير...


نقطة انتهى

حبيت بس علق ع جملة فيفا، في حادثة عن المخدرات ما بتذكر تماما تفاصيلها بس رح احكيها :أيام حصار بيروت عناصر الجبهة الشعبية لتحرير فلسطين بدون يدخلو سلاح .. بالرغم من الحصار قدرو يهربو ..كيف؟؟ صاروا يقاضو الجنود الاسرائيلية انو هني بيعطون مخدرات مقابل انو يدخلو السلاح .. وفعلا هيك صار

بهيك حالة انت مع المخدرات ولا لأ؟؟؟؟؟؟؟؟؟ انا ما عرفت جاوب ع السؤال!!!

بالنسبة للاستبيان ...كان ممكن ينحط خيار ( لا أدري!!! ):D

لا تتفاجئ .
ومو معناة حكيي اذا شرعت لبعض الحالات الخاصة اني برضى يكون هالشي عام
أو برضى أني اسمع خبر انطبلت فيه كل المحطات الفضائية الا الفضائية تبعنا هاد ما بيكون بس تعتيم بيكون استغباء لألنا كمان
يعني مثلا هالشي بيرجع حسب وضع البلد كمان وطبيعة الخبر
مثلا بلد متل أمريكا بعتقد شو ماطلع خبر شو ما كان نوعه وانتشر بكل الدنيي مارح يأثر عليها سياسيا أو داخليا او عسكريا
بس اذا بلد حدا مستني على نكشة لتصير تدخلات خارجية أو حرب أهلية أو أي شي
فبظن ما بيكون في غير هالحل

بظن وضحت اسبابي
:D

طيب بدي إسألك سؤال:
لو بدل هالتعتيم يلي صار جابو سكان المنطقه و عملولهن اجتماع و عرفوهن بالمشكلة يلي صايرة و بأبعادها و خلو وسائل الإعلام توضح الموضوع من الألف الى الياء بكل شفافية .. ما كانو جنبو حالهن كل المشاكل و ردات الفعل من الناس؟؟ الناس دائماً بتخاف من المخبى أكتر من الظاهر

صدقيني هاد يلي عم تحكيه جزء من السياسة الإعلامية الفاشلة لحكومتنا.. دائماً بيحاولو يحسسونا انو نحنا ببلد على حافة الهاوية.. واقل قصة بدها تجي جيوش العالم تدخل بسوريا و اقل كلمة بينهز كيان الدولة... يعني بصراحه حكيهون صار رخيص و مو مقنع لطفل... اذا هيك عن جد بلدنا بهاهشاشه هي بيكون عيب علينا انو نعيش و انو نحمل هالجنسية.. بس هي الكذبة تبعيت مقومات الصمود و المواجهة و الممانعة قدمت كتير..