|
كل يوم نكتة ..تعا لنكّتلك
بهالموضوع كل يوم بفوت بحط فيه نكتة ليصير الموضوع بس للنكت وبالعلامة معظم النكت رح حاول انها تكون مو منقولة ان شالله ....
قال في مرة عصابة سيارات عاملين جوسسة ع شخص اسود عندو مصاري و بيملك سيارة اخر صرعة (مابعرف شو ماركة السيارة بس اكيد بتجنن) المهم تبعو الزلمة ووقت وصلو بعتو واحد من رفقاتن ع اساس انو يحكيه ويلهيه شوي وهنن يسرقو السيارة بس الزلمة ماهمو ماتحرك ولا بعّد ع سيارتو بعدين اجت العصابة كلا فرد مرة قالتلو للزلمة نحنا هون ممثلين وجايين لنمثل فيلم الرسالة شو رايك تاخد دور بلال باعتبارانو ناقصنا حدا يمثل هالدور فقبل الزلمة دغري وراحت احلامو للشهرة والعالمية وهيك اشيا... تمدد الزلمة عالارض وحطو فوقو ضخرة وضل يقول احد احد احد ....ياسيدي العصابة اخدت الغنيمة وراحت والزلمة ظالل ع كلمة احد احد ظل هيك شي نص ساعة و بعد مااجت الشرطة للتحقيق قالتلو بمين شاكك ئلا شاكك بقريش :o:o:o يتبع ... |
اقتباس:
ياسيتي الفكرة حلوة والنكتة رهيييييييييبة :clap: |
اقتباس:
|
يسلمو ايديكي بتجنن هالنكتة:lol: واول مرة بسمعا:p طق قلبي من الضحك كتير حلوة:deal: |
اقتباس:
اكيد اول مرة ...بس انا بعرفا من زمان:larg:بس بغير لهجة وترجمتا لحتى تفهموها :o |
ها...ها...ها..
مرسيfernanda bachchan kfoury...:D |
اي سامعة فيا هالنكتة بس صايرة قديمة فرناندا
لازم تشتغل يمنيح وهارد كمان هاد من شان تضحكيني هاد ازا اضحكت هع عمبزح ميغسي حياتو ع التوبيك وناطرين التنكيت والتحشيش :larg: |
ههههههههههههههه ظريفة هالعصابة
يالله الباقي خلونا نضحك |
نكتة اليوم 8/تموز/2008:
قال في مرة دكتور مجانين اخد مجانينو برحلة بالباص ، وقّف فيون الباص بنص الطريق فاطرو ينزلو وينطرو لحتى يجيبو ميكانيكي يصلحو ووقت اجا الدكتور شاف كل المجانين مشغولين بهبلن الا واحد نايملك تحت هالباص ومفكر حالو ميكانيكي اجا الدكتور فكر الزلمة طاب (بحكم انو بيعرف انو بيعرف انو يمكن العطل من الباص) فسالو قللو شو عم تعمل تحت يا ابني ئلو المجنون : بس عبشوف ازا الباص مرا ولا رجّال :o(باص او باصة):p يتبع... |
يئطع عمر الغلاظة ههههههههههههههههههه
|
يلعن ديبو للتفكير المتطور
هقهقهقهق يسلوم فيرناندا |
هي نكتة بكرا :
في واحد راح يتعلم سواقة .. طلع أول درس مع المدرب. قال له المدرب: تحرك .. فتحرك بدون ما يعطي إشارة قال له المدرب: ولك يا حمار بتعطي إشارة بعدين بتمشي .. انزعج الرجال وفكر كيف المدرب عم يحكي معه هيك. المهم طنش ومشي وصار بدو يتجاوز شاحنة.. فتجاوز بدون ما يتطلع وراه. قال له المدرب: ولك يا حمار بتتطلع وراك قبل ما تتجاوز .. كمان انزعج الرجال وفكر كيف عم يحكي معه هيك .. بس طنش ومشي وكان قدامه إشارة ضوئية ضاوية أصفر .. قام شد وقطعها قال له المدرب: ولك يا حمار الإشارة الصفرا يعني هدي السرعة مو زيد السرعة !! الرجال فقعت معه وقال للمدرب: أنا الحق علي إني عم اتدرب مع هيك أشكال ... ماعاد بدي إتدرب سواقة رجعني محل ما أخدتني . المهم نزلوا وتبادلوا الأماكن, وشغل المدرب السيارة وتحرك بدون ما يعطي إشارة. شافه شرطي ووقفه. إجا الشرطي لعند المدرب وقال له: الحق مو عليك ..إنت باينتك عم تتدرب... الحق على الحمار يللي جنبك!!! تحياتي:D |
هههههههههههههه لك شو هالنكت ,,,اي كتيرلنا من هالنكت فرناندا ,,,,:lol:
يسلمو ستوووووووووو,,,,,:D |
ههههههههه حلوة منك ماغنوم
نورت حياتوز ولك اهلين بعمي المثنى نورت وان شالله نقدر نخلي الابتسامة ع وجوهكون دايما:o |
. :D
|
اقتباس:
|
اقتباس:
:p:p:p:p:p مو معقول هالمسكين شو عنجد يومو نحس |
مو معقولة النكتة:lol: مسكين هالمتدرب قضى نهارو بهدلة:lol: قد ما ضحكت اندلق فنجان القهوة ميرسي ويسلمو ايديكي:deal: |
| الساعة بإيدك هلق يا سيدي 20:29 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون