|
أعلن إنسحابي من أخوية...
لا محبة بسوريانا الذي لم أتفق معه على رأي بيوم من الأيام...
لا كرهاً بأحد المشرفين الذين لا علاقة لي بهم إلا علاقة النقاش و الحوار... لا بطولة و لا استعراض... لا استجداءً لعواطف أحد... بل محبة بمنبر أحسسته يوماً حراً... بل محبة بأعضاء شرفني يوماً النقاش معهم... بل محبة بقلمي الذي لن أقبل له أن يكون تحت رحمة أحد... بل محبة بأصدقاء عرفتهم هنا و لن أقبل أن أجنمع معهم بمكان أحس أنه محكوم بغير الروح الـ "أخوية"... أعلن إنسحابي من أخوية.. إلى كل من اختلفت معهم بالرأي يوماً و أسئت لهم من غير قصد أعتذر... إلى كل من تطاولت عليهم يوماً لأي سبب كان و بأي طريقة كانت أو تطاولت على مقدساتهم أعتذر... إلى كل أصدقائي تحياتي... إلى كل من تفلت منه أعصابه ويتخيل هذا المنبر ساحة مواجهه و إثبات وجود تحياتي... إلى كل من لا يقبل النقد و لا الرأي الأخر تحياتي.. إليكم جميعاً و لي قبل منكم رسالتي : ماهذا المنبر إلا ملتقى.. لاتقلبوه ساحة صراع و ندية.. عشتم و عاشت أخوية... تحياتي.. المشاركة "562" الأخيرة |
ما رح احكي شي .. اليوم
لانو مصيرك ترجع ... بكرا |
احكي غير هاد الحكي احسن ما العن اللي ساكن بسابع سما عبتفهم علي
احكي شو القصة ؟!؟! شو اله علاقة سوريانا ؟!؟! فينه سوريانا كمان شو صاير بهال كام يوم ؟!! انت بتعرف اني كنت بدي اترك الأخوية قبل يومين وبتعرف اني رجعت مشانك بالذات اضافة لكام شخص متل ميدو اللي وانت بتعرف ميدو شو عمل معي وبتعرف انت شو عملت معي الشي اللي خلاني اندم على ترك الأخوية وارجع فاحكي غير هاد الحكي احسن ما العن اللي ساكن بسابع سما :jakoush: |
فوت غابرييل عالمسنجر لنحكي ....:pos:
|
ما معقول اللي صاير هاد الموضوعين منفصلين عن بعض إذا في مشكلة صارت كلنا إخوة بالاخوية منقعد مع بعض ومنشوف حل الا ، من بين الحلول مش الافضل هو تنزيل موضوع انسحاب ولكن الافضل هو حل المشكلة في اطار أخوي . صحيح انتا اوقات بتحكي بموضوعات بتعجبني واوقات موضعاتك لا تروق لي ولكن إن لم استوعبك فلا منطق ان تستوعبني عند تنزيلي موضوع لايروق لك . ياريت نفتح صفحة جديدة ونحاول نحل اي مشاكل عالقة :D |
رغم اني اختلفت معك كتير
بس انا ضد اي مبدأ يسمى أنسحاب وأقود وناقش بالعقل دون تجريح وقتها صدقني انت بحياتك ما رح يخطر على بالك تنسحب مجرد رأي |
بكرا بترجع توقف معنا
ازا مش بكرا البعدو اكيد:D |
أنا مابعرفك
بس لما قريت انه أخ بده ينسحب انزعجت ياعيني ماحدا بيحقله ينسحب من عيلته خبرنا شو مشكلتك بلكي منقدر نساعدك |
اتسرعت
روء شوي مو منشان قلك انت صح أو خطأ بس مشان الدنية مابتتواجه بأسلوب الهروب أو الطفش وأنا حسيت فيك أنسان أكبر من هيك |
كلنا نعرف ......
انت عضو منا و بينا ...... و ما يجوز تطلع بهذه السهولة |
اول شي غابي انا شو دخلني بالنص
اقتباس:
اي لا _________________ و مشانك فادي بيك لح ترجع لأنو لحئتك لعنة الأخوية بعتذر الك و اكبر دليل انا و (( قعوز بالله من قولة انا ))) و محمد ابراهيم بقا حاجة حكي ولاد و القصة منحلها و بلا نشر غسيل |
لك رووووح الله يكون معك حطيتلنا كام موضوع ظريف وبلييت ألبنا فيهن :D.... يسلمون...:D
ومادامك جوات موزنبيق فتروك اليوم قبل بكرا:cry: |
خيو فينا نحكي كلمتين على جنب انا وياك يعني ما حابب بهدلك قدام الشعب الاخوي الصامد
اذا فينا نكشني اذا ما فينا فبدي بهدلك عالعام وامري لالله :pos: |
اقتباس:
 |
بدون عنوان!
تحيا سوريّة وتحيا أنتَ...
طابَ مساؤك ومساءُ محفل الأخويّة الكِرام، أدامَكم اللهُ وأدامَ جمعَكم الأكرم... أمّا بعد بلغني في رسالةٍ مخطوطةٍ بدمعٍ وأسى مكتوبةٍ على أثيرٍ إلكترونيّ، أنَّ فارساً سوريّاً داومَ على الفروسيّة والقتال لــ 562 مشاركةً ثمَّ ترجّل!!! مازالت دماءُ الجبابرة تُخضّب لبدتَه كوردٍ قد هرشَ الفوارسَ والبواسل وخرجَ يجرُّ جثثهم وينهشُ منها بلا رحمةٍ وسلام. فارسٌ يُحيّي سوريّتَه ثمَّ يودّعُ معقلَها الأخويّ لغايةٍ في نفسِه ولا غاية تُقبل أمام رابط القتال! إن كانَ أغضبكم منّا شيءٌ فعاجلنا به ولا تُبقِنا في الكمدِ بعدَ الرّحيل! وإن كانَ عدوٌّ قد رشقَ أسوارَ سطورِك بسهام عجزِه وغيرته فدلّنا عليه وما والله بفعلته إلا وقد جنى على نفسِه وأهلِه وبئسَ المصير... قراصنتي استعدّوا والأشرعة رفعوا والمدافع صوّبوا فأين الإشارة؟!!! قلْ لعدوّك رجلاً كان أم فكراً: إنَّ الأفاعي وإن لانت ملامسُها ..... عندَ التقلّبِ في أنيابِها العطبُ في سطرِك الأخير أعلنتَ أمام الملأ أنّ مشاركتك تلك هي الأخيرة، نعم هي الأخيرة ولكنّها لن تكونَ الآخرة... والفرقُ جليّ بين هذه وتلك. وفاتك يا صديقي أنَّ اللغة مفتاح العقول، ولغتك لم تقفل يدَك وإلى الأبدِ، لأنَّ كلمتنا ستفتحها من جديد... لا تنسَ أن تنصبَ كلمة "استعراض" في سطرِك الثالث :p. بانتظارِك. |
اقتباس:
|
اقتباس:
أما حبيبنا up .. فا انو لسا ماضيفناك شي . |
متل ما قلك ابو وليم .. ما رح تقدر تبطل .. الأخوية متل الدخان .. و ألعن
|
| الساعة بإيدك هلق يا سيدي 03:16 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون