|
كفار و لكن الله يحبكم..!!!
 تصورتكم تحكمون دولة عظمى !. تصورتُ ما كنتم ستفعلون بها... لكن لم تكن لتصبح عظمى لو حكمتموها أنتم.. ماكنتم لتكونوا أفضلَ من أسلافكم سلاطين التخلف والنساء.. ما أنتم إلا استمرار لهم.. هكذا هكذا .. كان يجلسُ أؤلئكَ السلاطين... سلاطين النفطِ وَ الخمر ِ وَ اللهو ِ وَ الغلمان... : هكذا يَتفاخرون بـِ أصولهم... بـِ تاريخهم...بـِ مجونهم وَ نزواتهم الللامُنتمية لـِ دينهم... كيفَ لنا أنْ نحيا وَ نحنُ ننتمي لـِ أمةٍ كُلها أقوال... أتساءل!! أبتنا في زمن ِ اللافعل أبتنا في زمن ِ الليالي الحَمراء وَ الراقصةِ السمراء أهارونُ الرشيد لم يَمت وَ شهرزادُ هيَ هيَ ما زالت غانية إنهم يقتلوننا ببطءْ وَ شعبنا فقيرٌ جداً وَ لا كِـسرَة َ خبز ٍ لديه وَ لا جرعة َ ماء ينيرُ الليل وَ الشوارع بـِ الشموع السوداء وَ يناغي جوعه وَ عوزه بـِ دعاءاتٍ عقيمةٍ لا تُستجابْ !. إنهم يُصادرونَ العيدَ وَ التاريخ َ وَ أوسمة الشرف و التراب وَ الكفن وَ الهواء وَ حمائمَ البرتقال إنهم رجالٌ مخصيونَ نفسياً مَبتورو الأرواح وَ الانتماء َ لا يـشعرونَ بـِ شهوةِ المضاجعة إلا مع بعضهم بَعضا يزرعونَ الألغامَ في صدور ِ الشَباب يرتلونَ النكسَـة على النوافذ المهشمة أنتم كُفارٌ وَ لكن الله يحبكم !. أما آن الأوان لنرتاح منكم أما آن الأوان لترحلو أنتم و خلفائكم .؟! أما آن الأوان لنكون شعباً جميلاً .؟! أما آن الأوان لتاخذوا ما خلفتموهُ ورائكم وَ ترحلوا .؟! لترحلوا يا شُـذاذ الآفاق يا شُهداءَ الليالي الحمراء وَ البَغيِّ وَ النساء . تنويه: الموضوع جهد مشترك.. فوجب الشكر لـلصديق سوريويو الذي كان لمساعدته الأثر الكبير في إغناء المشاركة.. و الشكر الكبير للمبدع اللامنتـمي الذي لولاه لما أبصرت هذه المشاركة النور بهذا الشكل الأدبي الرائع.. |
يعطيكم العافية جميعا .. :D
للاسف هي الوضع المقبول .. وصايرة رقّاصة .. بهزّة وحدة .. بتقدر تحرر بلد .. وتحتل بلد .! كلّ الوضع هيك بقيان .. ويا حوينتو اللي رايحة عليه ... عرَب . |
صورة حقيقية للأسف
و كلام مرآة لواقع ............:pos: شكرا لجهودكم الأكثر من رائعة في رسم كفار و لكن الله يحبكم :D |
مافي حكي !!
كفيتو ووفيتو |
يعني الحقيقة أنا ما بحب الإحباط وباعتباري عضوة جديدة هوون من طبعي التفاؤل حتى في أشد الظروف سوءاً
يعني أنا ما لي علاقة بالجانب السيء من التاريخ لهالأمة ولا لي علاقة برجالات ورقاصات وخصيان وحكام هداك العهد أنا حالياً بعهد جديد أعيش يومي بيومه وما مفروض مني كون مسؤولة عن أخطاء الماضي وأخطاء الغير يعني مو أنا يلي صلبت المسيح ولا انا يلي قتلت الحسين فليش لازم لهلأ ادفع ثمن أخطاء ارتكبها غيري لو فكرنا بهالأسلوب وتعاملنا مع واقعنا بهالشكل أكيد الوضع حيتغير |
اقتباس:
اقتباس:
اقتباس:
ياهلا |
انه لو الله بعيرني جهازه الذكي مشان اعرف شو قصة الكفر معه وكيف بيتعامل معه وكيف بحدد احباءه وكيف بحدد اعدائه كنت فهمنا شوي القصة معه ومعرفنا كيف نتفاهم وضعه
غريب وضعك يا الله والاغرب وضعك يا فيفا سيريا :lol: |
عيني ربك ... تحية إلك من القلب ولهالموضوع .. كان بدن كبس من زمان ... بس المشكلة ع كتر الخمر .. ما بقا في إحساس .. :frown:
|
:shock::shock::shock:
اذا وقفت على رقاصة هينة |
الله لا يعطيهم عافيه ع هالعمايل
:jakoush::jakoush::jakoush: عوووووووووووووووووووووجه |
اقتباس:
أكيد لازم استفيد من أخطاء الماضي وعبرو ، بس كمان ما لازم خلي الماضي يتحكم بحياتي ويقيدني بقيود ما لي فيها يعني أنا نشأت ببيئة العداء فيها مستفحل بين الأطراف على قضايا تاريخية لا أنا ولا أهلي ولا يلي عم يعاديني بسببها إلو دخل فيها طيب شو دخلني بهالشغلة ليش لازم ادفع فاتورة التاريخ أما القصص السياسية والحكام وما ادراك فهدول إلهون يوم وإذا ما كنا نحنا سبب بالوصول لهاليوم فما في فايدة من عيشتنا |
اقتباس:
صديقتي الموضوع يتحدث عن التاريخ الأسود للحكام العرب و امتداد هالتاريخ لليوم و معاناة الشعوب و متل مانو واضح من عنوان الموضوع "كفار و لكن الله يحبكم" انو المقصود انهم أسوء البشر و يسيؤون للشعوب بشكل أكبر من الوصف و مع هيك متنعمين بخيرات هالشعوب.. و من ناحية أخرى فيكي تعتبري الموضوع صرخة بوجه التخلف العربي و الجهل بالتاريخ و الحاضر.. بس بعيداً عن أي مناحي طائفية.. ومره تانيه ياهلا |
هيك "ثقافتهم" !!! واكتر من هيك
بس العجب ، كل العجب ، من مؤيديهم يمكن البعض يكون مؤيد "بالاكراه" (وفي حل لهالشي)..والبعض مؤيد لاجل المال بس العجب الكبير من المؤيد يللي شايف انو يستحقون التأييد... عجباً!! |
انو انتو ليش غيرانين منهم
يعني لأنون حكام ولا لان في عندن رقاصة:lol::o:p |
اقتباس:
للمعلومة احنا ما بنغار من هيك شكليات.. و (بما انو بهيك حالة مفهوم الغيرة = الحسد) فـ بحب قلك احنا اصلاً ما بنغار من حدا حتى لو مستواه عالي لحتى ننزل بالمستوى ونغار من هؤلاء |
احقاً تصورتهم يحكمون دولة عظمى؟! ليس هم الا ذلك السل الذي يفتك بالشرق منذ عصور وعصور... يا انتم... ماذا تفعلون اكثر من انكم تمتلكون... وتستبدون... وتصلون... وتزنون... ارحلوا عنا يا من يعري الشرق من كل كرامة... فلترحلوا عنا...
|
اقتباس:
امانة لاتزعلي والله كنت عم امزح :cry: |
ماني شايف الموضوع خرج مزح... يلي عندو نقاش رأي جدي بالموضوع أهلا و سهلا يلي ما عندو يلاقيلو غير قصة يتسلى فيها.
|
| الساعة بإيدك هلق يا سيدي 01:50 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون