|
زواج متعدد الجنسيات
زواج متعدّد الحنسيات هي قصة فتاة وشاب يكبرها بخمسة عشر عاماً بدأت بالتواصل بينهما عبر الأنترنت، وأثمرت في نفس الشابة قناعة داخلية بأنّ هذا الشخص مميّز وقد استحوذ على تفكيرها، ومع ذلك، فعندما طلبها للزواج، كان الخوف من فارق العمر، والإنتقال إلى العيش في بلد غير بلدها ومع زوج من جنسية مختلفة. ومع تدخّل جميع أفراد العائلة والأقارب وحتى الأصدقاء بأدق تفاصيل حياة الفتاة ومستقبلها وحتى فيما يتعلّق بشؤون ارتباطها المستقبلي، وأمام إطلاق الأحكام المسبقة على من لا يعرفونهم، طُرحت بين أيدينا تساؤلات عديدة نبحث من خلالها عن إجابات بما يخص حسم القرار النهائي تجاه هذه الخطوة المصيرية في حياتها. 1) هل لفارق العمر تأثيراً حقاً على مستقبل الزوجة (بالرغم من ان الزوجة مقتنعة تماماً بالزواج منه)؟! وكيف سيؤثر فارق السن على زواجهما؟! 2) لمَ الخوف من الزواج متعدد الجنسيات ، وما المشكلة القائمة اذا ما تم الزواج بين طرفين من جنسيتين مختلفتين ؟! 3) هل يحق للاهل والاقارب التدخل في شؤون الزوجة المستقبلية(ان تم الزواج) تحت غطاء "الحرص على مصلحتها والقلق حيال مستقبلها"؟! ** ع الهامش : القصة من "مشكلة ورأي"..كنت احبذ الاتيان بالمشكلة والحل .. وبالاسئلة مع الاجوبة..لكن لم يحصل!!! على اية حال..يكفيكم ما طرحته انا من اسئلة :p |
1) هل لفارق العمر تأثيراً حقاً على مستقبل الزوجة (بالرغم من ان الزوجة مقتنعة تماماً بالزواج منه)؟!
هلاء انا برايي ازا كانت هيي موافقة فما رح يكون مشكلة فارق العمر المهم التنين بيحبو بعض وكيف سيؤثر فارق السن على زواجهما؟! مارح ياثر عليهن لانو التنين ازا اتفقو اكيد مارح يكون بيناتن شي يعيقهن 2)لمَ الخوف من الزواج متعدد الجنسيات ، وما المشكلة القائمة اذا ما تم الزواج بين طرفين من جنسيتين مختلفتين ؟! عادي ازا تزوج شخصين من جنسية مختلفة ومارح تكون مشاكل بين الطرفين ازا كانو متفاهمين ..واحسن دليل انو الرسول صلى الله عليه وسلم تزوج ماريا القبطية وهيي من اقباط مصر :pos: 3) هل يحق للاهل والاقارب التدخل في شؤون الزوجة المستقبلية(ان تم الزواج) انو يتدخلو من باب انو يرشدوها ويعلموها ويطلعوها على تقاليدن اوكي بعدين الاهل والاقارب عم يدخلو في شؤون الزوجة المستقبلية حتى لو كانت من جنسيتن :jakoush: ** ع الهامش : القصة من "مشكلة ورأي"..كنت احبذ الاتيان بالمشكلة والحل .. وبالاسئلة مع الاجوبة..لكن لم يحصل!!! وليش لم يحصل؟ معليه نحنا منرد ونناقش الوضع:o على اية حال..يكفيكم ما طرحته انا من اسئلة  لا وانتي الصادقة ضيفي شوية اسئلة >>لك هي الاسئلة بمقام 10 اسئلة :lol: يسلمو متوش |
اقتباس:
اقتباس:
اقتباس:
:D |
1) هل لفارق العمر تأثيراً حقاً على مستقبل الزوجة (بالرغم من ان الزوجة مقتنعة تماماً بالزواج منه)؟!
وكيف سيؤثر فارق السن على زواجهما؟! هلأ انا بعتقد انو ما في تأثير فارق السن عليهم ,,لانو بما انو الزوجة مقتنعة وهاد اهم شي فهاد مارح يأثر عليهم ((للعلم انا بعرف واحد ماخد وحدة بيكبرها 17 سنة وما شاء الله حياتهم كتير حلوة ومستقرة ومافي اي شي )) 2) لمَ الخوف من الزواج متعدد الجنسيات ، وما المشكلة القائمة اذا ما تم الزواج بين طرفين من جنسيتين مختلفتين ؟! هلأ الخوف من تعدد الجنسيات يمكن لانو كل بلد والها عادتها وتقاليدها فمش بسهولة انو يكون في تأقلم ببلد تختلف اختلاف كتيييييير عن بلد تاني في عاداتها وتقاليدها,,, ولانو مش بسهولة تستفسري عن ابن هالبلد وتعرفي اصلو من فصلو ((اذا ابن البلد ويالله;))) 3) هل يحق للاهل والاقارب التدخل في شؤون الزوجة المستقبلية(ان تم الزواج) تحت غطاء "الحرص على مصلحتها والقلق حيال مستقبلها"؟! هلأ بما انو تم الزواج بعتقد انو ما حدا الو اي علاقة لانو هاد قرارها واختيارها ومافي مجال للتراجع عنو واذا كان ممكن يصير تدخل يكون تدخل بسيط ومايكون بعلاقتهم ببعض,,,بس بامور تانية مافي مشكلة ,,, |
اقتباس:
|
أولا بالنسبة للعمر ... ما بحبذ يكون أكبر من خمس سنين ... لأانو لبين ما يجيبو ولاد بدو يصير واحد منون ختيار وبيصير الولد يعيطلون جدو ...
وبالنسبة للجنسية المتعددة مو مشكلة طالما متفاهمين ... وما دخل الأهل بالموضوع إلا إذا الطرف التاني مو قد المستوى وما بيناسب البنت .. وطلع كذاب ومنافق .. ف لازم الأهل يتأكدو ويتطمنو ع مصير ومستقبل ابنون /بنتون .... لأأنو الشغلة مو بيع بطاطا بسوق الخضرة ... وخاصة إذا هالحكي عالنت ... ف ممكن يكون في كذب بالموضوع .. THE PUNISHER " |
بصراحه كان نفسي ادي جوابات علي الاسئله اللي مطروحه
بس للاسف انا واقعه تقريبا في نفس المشكله:shock: |
اقتباس:
:D |
يعني انا بالنسبة لئلي ما بفضل يلي بدو يتقدملي يكون أكبر مني بأكتر من 10 سنين كأقصى حد يعني إذا انا 20 ممكن يكون 30 بس لما أكبر أنا ما بفضل يكبر معي بنفس الشكل
بظن انو هالفارق إلو تأثير لأنو لما يتقدملي شب صغير الفرق بيني وبينو قليل يمكن يكون ما لو مدعوك وما عندو خبرة بالحياة وعقلوا طاقق بقيان عندو شوية مراهقة ، بينما الكبير بيكون عم يشغل مخو أكتر يعني هي شبه قاعدة ولو كان إلها شواذ كمان الكبير ممكن يتفهم الأصغر منو ويعاملو برفق وحنان أكتر بس لما يكون فارق العمر أقل يمكن الزوجين يتعاملوا معاملة الند للند وكل واحد بيشوف حالو ما حدا أدو موضوع الجنسيات المختلفة : إذا زلمة من جنسية مختلفة عايش بنفس بلدي ممكن اعتبر ما في مشكلة بس أحياناً الاختلافات بالعادات والتقاليد ، أحياناً الزلمة ما بعرف شو قرعة جدو مين بدنا نسأل عنو أما إذا عايش بره وبدي سافر لعندو وبعّد عن أهلي فقد يكون في مشاكل عديدة ما لنا بصددها أما قضية تدخل القرايبين القراب والبعاد بهالقصة : فبتصور أنو هالشي هو مستقبلي أنا وأنا وأهلي الوحيدين المعنيين فيه وما حدا إلو دخل فينا أبداً وفي حكمة بتقول استعينوا على قضاء حوائجكم بالكتمان يعني ما في داعي قصة متل هي ندور من بيت شقاع لبيت رقاع ولا ننزل إعلان بالجريدة الرسمية |
اقتباس:
حتى اذا كانت موافقة.. برايك فارق العمر ما رح يشكل فجوة او هوّة بيناتهن من حيث التفكير..؟! اقتباس:
:lol: هي اسئلة سريعة :p..ياهلا :D |
اقتباس:
يعني تخيل شب عمرو 13 سنة..ووحدة دوبها خلقانة..رح يتزوجوا لما هالطفلة تصير صبية بيظهرلنا اديش الفارق كبير من خلال المقارنة انو وقت هي دوبها خلقانة هو كان شب.. يعني 13 كمان كتير .. واكيد هيك فارق كمان الو تاثير على طريقة التفكير .. + انو ممكن بامر ما هو عقليتو انو شي ممنوع يمكن لجيلها هي وعمرها بكون شي عادي.. بقى هون ممكن تنشأ مشاكل اقتباس:
+ رح يصير غربة وبُعد.. وهالشي كمان صعب |
بالنسبة لفارق العمر اكيد بيآثر لأنه وقت كان هو مراهق كانت هية بيبي صغنون يعني هو عاش بزمن وهية بزمن
بعدين انتي بتتخيلي ابن 30 سنة رح يفهم على ابنة ال15 سنة:shock: والعكس كمان ثم هية طفلة لسه وبالنسبة لزواج الجنسيات انا ضده بصراحه لانه لكل بلد عادات وتقاليد يعني ايام اهل بيرفضه يزوجه ابنتهم لأبن محافظة تانية بقا كيف بلد تاني وبالنسبة للتدخل انا مع تدخل الاهل لأنهم ادرى الناس بمصلحة ابنتهم اما الاقارب فلا لانهم مابيعرفوا البنت كيف بتحب تعيش وطريقة تفكيرها واسلوبها بها الحياة غير الاهل يعني ها الزواجة مو زابطة ابدا بولا مقياس |
ما بعرف شو اللي ممكن نسميه , العمر الانسب , او الفارق الانسب بين اعمار الزوجين بحيث انو كل زوجين و كل شخصين هنن حاله منفرده .. لكن بتخيل الانسب و الانسب كتير انو يكون الفرق بيناتهم اقل من عشر سنين عالاكيد ..
بالنسبه لتعدد الجنـسيات فلا اشـعر فيه مشـكله يعني انا مش ضده اذا كان الشخـص مناسب لكن القصه بترجع للانسه او الشب يعني مدى رغبتهم بالحفاظ على الارتباط بالوطن او انو شو مفهومهم للقصّه متل ما قلت سابقا كل هو حاله خاصّه .. امّا بالنسبه للتدخل الاهل فانا ضـده الّا اذا كبرت المشاكل لدرجه انو صار الامر يحتاج لتدخل اهل الطرفين .. اعتقد في متل بيناقل اذا كترو الطباخين احترقت الطبخه و بس كتير الحكي بالامور الزوجيه مع اطراف غيرر الزوجين و الاطفال في بعض الحالات فاكيد رح يبدى يحترق البيت .. |
اقتباس:
ممكن لانوالاصغر سناً بيكون عندو قدر كاف من الوعي والفكر..بالتالي بيكون في توافق بين الطرفين لكن هالشي مو هو الطابع الغالب..يعني الشي الغالب هو انو بتصير مشاكل بسبب فارق السن بين الزوجين وع الهامش..لا تكتب بلوني..بس ترد ع موضوعي..شنو ما عبالي غير اللون:p بس هالمرة رح غيرو |
اقتباس:
|
اقتباس:
تاثيرو الاكبر يكمن بتعلقو باختلاف التفكير بسبب فارق السن اقتباس:
|
اقتباس:
لهيك خير الامور اوسطها..بس اذا تم الاختيار بين فارق كبير بالسن..وفارق بسيط بالسن شو بتختاري؟! علماً بـ انو الفارق الكبير رح يكون في اختلاف بطريقة التفكير..والفارق الصغير رح يكون (لدى البعض على الاقل) قي فكرة التفكير بالنديّة .. اقتباس:
شكراً على ردك.. الواقعي حقيقةً |
اقتباس:
بس لنفرض انو ابن الجنسية التانية عاداته ما بتختلف عن عادة منطقة الزوجة بتصيري مع هالفكرة؟!..علماً انو رح يصير في اغتراب بسبب هيك زواج لكن بما انك حكيتي بس عن مشكلة اختلاف العادات سالت اذا كمان مشكلة الاغتراب قائمة بهيك زواج بالنسبة الك (كـ راي) ؟!! وهلا حبيبة :D |
| الساعة بإيدك هلق يا سيدي 03:41 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
