|
زيـاد الرحـباني....؟!؟؟
الكثير من الشباب والصبايا السوريين معجبين بـ زياد الرحباني
وطبعاً هذا الموضوع مو دعاية لزياد لأنو زياد مو بحاجة دعاية بس حابب أعرف مين من عيلة أخوية بيحب زياد الرحباني....؟!؟!؟!؟ ولأي درجة بتحب زياد ؟!؟!؟!؟! ومن ايمت بتسمع لزياد ؟!؟!؟!؟! وحفلة أبو ظبي 2007 شو رأيك فيها ؟!؟!؟!؟! بتمنى من الادرارة والمشرفين عدم حذف الموضوع وارجو من الاعضاء التفاعل |
انا من ناحيتي معجبة بالرحابنة ككل بس زباد الو مكانة خاصة جدا صعب الواحد يكنبها بكفي اني لما بكون رح طق من يلي عم يصير عموما بسمع شي لزياد . من ايمتى بسمع زياد ؟؟؟ والله من زمان كتير يعني اكتر من 20 سنة بس ما اقدرت اني افهم طبيعة فنو الا من شي 10 سنين لانو بعض اعمالو بدها فهم لتاريخ لبنان يلي لهلق بعاني من نقص قيه ومن شان حفلة ابو ظبي والله للاسف ما بعرف عنها ايا شي فاذا عندك ياها ابقى بعد اذنك نزلها لاعطيك رأيي:oops: تحياتي :clap:
|
اقتباس:
da capo |
اقتباس:
مليون يسلمو:deal: بس بفهم انو الحفلة ما كانت لاغاني جديدة او لتوزيع جديد؟؟ لانو هيدا الالبوم عندي ياه من زمان :oops: |
بتهيألي كأنو اليساريين هن الأكتر اهتماما بزياد الرحباني
وبصراحة انا مابسمعلو ومابذكر انو بيوم من الايام اهتميت لأي شي بيتعلق فيه مدري ليش رغم انو بس لحد يعرف هالشي هيك بيسير يطلع فيني :shock::shock: قال يعني مو معقول مدري ليش:? |
انا كمان بحب الرحابنة ككل بس زياد بقبلي من جواا ما بيمرق يوم بدون ما اسمعلو او اغني اغانيه بعدين اغاني بتريح الاعصاب مع انها بتحكي عن المشاكل والحروبات والهم بس ما بعرف فيها شي بريحني دايما
من ايمت بسمعلو؟ ييييييييييييييي من قبل ما اخلق حتى كتير كتير بحب اغانيه واسلوبو اما عشان الحفلة كتير حبيتها يعني ما فيها اي شي مميز عن باقي الحفلات بس كتير حلوة ورواق وانا نزلت كل الاغاني تسلملي يا اب سمرا شو حبيتو لموضوعك عن الحفلات :D ما بدي اطلع عن الموضوع بس عنجد في ناس ما بتحب زياد؟؟؟ :shock::shock: |
زياد
بحبو كتير يعني بسمعلو من شي سنة وشوي انو بحسو بيحكي الشي اللي بدي احكيه اكيد افكاري مو متل افكارو 100% بس انو كتير قريب بخصوص الحفلة مابعرفها بدي نزلها هلق وميرسي ماد ماكس ولصاحب الموضوع كمان |
زياد شخص مبدع .. جدّاً
و مسرحياته بتجنّن و أغنياتو أحلى .. و أحلى شي انو مو فارق معو شو الناس بدها تقول كان يكتب بجريدة الأخبار بس صرلو فترة قرفان و ما عاد بيّن |
وقت تقول زياد الرحباني قول مادماكس...
بس منيح ما بو شي اغانيه معبرة و ساخرة و الاسلوب الساخر المتهكم بموت فيه ... تحياتي لكل المحبين و المعجبين ... |
شو بعيلة أخوية كلها هدول بس يلي بيعرفوا زياد بيحبوووووه
|
اسم الله حولون و حواليووون ...
|
الهدف من الموضوع شباب وصبايا أخوية....معجبين ومحبين زياد..... في مشروع live concert وهي الفكرة صرلها شهور ببالي وتم طرح المشروع على وزارة الثقافة (( الدكتور رياض نعسان اغا )) ورحب سيادة الوزير بالفكرة وطلب بيان كامل للمشروع على ورق وأنا بدي شباب وصبايا يساعدوني بالموضوع أنا مو طالب أي مساعدات مادية بس بدي مساعدة طوعية |
خسارة ما فيي كون معك مو لاني معجبة فيه بس بحب روح المساعدة و الجماعة ...
دوماج كمان مرة... الله يوفقك يا رب انت و مشروعك.. بتلاقي الدعم من الاستاز اب سمرا ... حاول تتصل فيه |
اقتباس:
ارجو ما تفهم كلامي إساءة إلك..:D اقتباس:
ياريت تحط التفاصيل لحتى كل مخلوق يعرف شو ظروفوا.. يعني الزمان والمكان -على الأقل-:deal: |
زياد ملك النقد بدون منافس ما رح يمر عاعالم العربي فيلسوف مثل زياد انا من جهتي بحبه وبحترمه وبحيي كل واحد بيحه
|
اقتباس:
له ولو مو مشكلة بس طرحت الفكرة بدون تنسيق........ يعني حكيتها مثل ما هي.... |
هلأ ببساطة أنو في وراق مطبوعين لدعوة زياد الرحباني يجي ويعمل حفلة بالشام......
وبدنا موافقة من وزارة الثقافة قبل ما نعمل هيك حركة وتجمع.... سيادة الوزير ما عنده مشكلة ع الموافقة بس بده كلشي يكون جاهز وع الورق... يعني اسماء المشاركين.....مدة العمل........أماكن العمل...........الخ هلأ الفكرة هي أنو بيقعد شب وصبية بـ (( ان هاوس كافيه )) وغيرها طبعاً ومعه الوراق يلي طبعناهون لزياد وبس يجي حدا لعنده بيشرح فكرة الوراق والحفلة.... الشخص اذا كان بده زياد يجي بيكتب اسمه وتوقيعه وهيك.... بالنهاية الوراق رح ينبعتوا نسختين نسخة لزياد ونسخة لوزارة الثقافة....... (( طبعاً الوراق رح تتوزع ع محلات السيديات وعدة محلات تانية )) |
مابظن إنو رح تنجح فكرتك..:?
ع كل حال زياد جاي عالشام.. إذا بدك تحضروا:D - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - تحياتي وبتمنالك التوفيق:D |
| الساعة بإيدك هلق يا سيدي 03:43 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون