حدا بيعرف مين صبحي الجيز؟؟
 

اول شي بس بدي قول اني ما عرفت وين حط الموضوع من شان هيك حاطيتو بالصالون واذا بينتقل بعدين ما في مشكلة :D
هلق وقت الحكي الجد انا متاكدة انو اغلبكن اذا مش كلكن سمعتو اغنية رفيقي صبحي الجيز بصوت السيدة فيروز او زياد نفسه او حتى خالد الهبر
انا من زمان بعرفها للاغنية بس بعد موضوع ابو سمرة (madmax) حفلات زياد الرحباني صرت اسمعها 24 ساعة باليوم المهم انا كتير حابي اعرف انو مين هاد صبحي الجيز وشو عمل في حياتو يعني حتى تنكتب اغنية عشانو وتغنيها السيدة فيروز كمان؟؟؟
هلق انا بحبشت هون وهونيك ولقيت انو صبحي الجيز كان صديق زياد الرحباني الي كان يشتغل زبال ومات في الحرب الاهلية ومرة سمعت الاغنية على الراديو في نسخة ماخوذة من حفلة وفيها قال هي الاغنية لصديقي الي كان يكنس الشوارع ومات في الحرب وعشان هيك قالوا الكل انو هو صديقو لزياد بس انو عنجد في حدا بيعرف مين هو صبحي الجيز؟؟ واذا هي المعلومات صحيحة يعني انا مش طايقة حالي هيك عم غني لصبحي الجيز بدون ما اعرف مين هو .........
سوري طولت عليكو بس انا كتير بحبو لزياد ومن شان هيك بسال كتير عنو وبحب اعرف كل شي عنو :sosweet:
وشكرا سلف شباب وصبايا اخوية :D

انا بعرف المعلومة من زمان انو ايام الحرب اللبنانية كان في صديق لزياد الرحباني وطلال حيدر اسمه صبحي الجيز وطلعت الغنية عنه
هيدي المعلومات .... معلومات مش اكيدة
تحياتي الحارة
ظل جيفارا

انتي حطيتي المعلومات اللي كل المتابعين زياد بيعرفوها عن صبحي الجيز

بس خلاص رح بحبشلك من صوبي واذا صارتلي اي معلومة رح نزلا عالموضوع


شكرا:deal:

هادا ياسيدنا من الصالون ..:D

ما الك غير اب سمرا يجاوبك وحياتك

هوّي اسم الله متابع لهالشي..

ليش الكل بيدلّعو :p

:lol::lol:

مشكورين على مروركم يا جماعة :D
بس لحد هلق ما فهمت اذا المعلومات هي صحيحة ولا لا ؟؟ ........واذا في حدا عندو معلومات يحطها هون فورا ومشكورين سلف :D

المعلومات الي كاتبتيا عنو كلها صحيحة
أنا من 3 أيام سمعتا بلقاء زغير على اذاعة شام اف ام بفقرة زياد الرحباني
طلال حيدر اللي كان عم يرح من هوي صبحي الجيز
فأكيد موجود عند حدا هاللقاء مع طال حيدر وهون يمكن صار بدنا المساعدة من متابعين طلال حيدر
وحواراتو الصحفية

هلق سمرا

بيعطي الجواب الصحيح

انا الغنية سمعتها بصوت خالد الهبر

و قال بالبداية انو هي الغنية لصديقي صبحي الجيز

يلي كان زبال و استشهد

بس هادا يلي بعرفو
:D

انا سمعان نفس الشغلة انه كان زبال رفيق لبناني فكرني بهوشي مينه لما كان زبال بفرنسا ايام المنفى واستشهد في الحرب الاهلية سلام لروحك رفيق ولكل الشهدا

من زمان بسمع هيك روايات عالنت

و من زمان كتير بسمع مقابلات لزياد و لخالد الهبر ... و بيحكو عن الغنية ..... بس ولا مرة سمعتون حكو قصتها .. أو جابو سيرة شخصية صبحي الجيز
أنا بعتقد أنو صبحي الجيز فكرة شيوعية و يسارية بحتة
يعني بتوقع أنو صبحي الجيز رمز ..


و الله أعلم




و بالمناسبة بهديكون هالمقطع من مقابلة لزياد على صوت الشعب من أكتر من عشر سنين
عم تتصل فيه طفلة صغيرة اسمها بيسان ( أكيد هلأ صارت صبية ) و بتغني صبحي الجيز بطريقتها
و هالطفلة قصتها قصة
كنا ننطر مشاركاتها نطارة ببرنامج سهرية على صوت الشعب .. قد ما كانت ظريفة

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

تم التحميل ...........
لقاء بجنن مع بيسان وزياد شكرا كتييييييييييير الك :D

مية :D ..

صبحي الجيز رفيقو ليمّون:pos: .. غ فترة صرعني فيه وبالغنيي :o