|
أقوال وحكم شائعة
بهالحياة أقوال شائعة كثيرة مننظرلها كحكم بدون ما نعطيها حقها من البحث والتفكير.
هالموضوع مخصص لمناقشة كل قول أو حكمة منذكرها بحياتنا اليومية ونعطي رأينا فيها إذا منشوفها صح أو خطأ من أجل الحفاظ على ترتيب الموضوع رح ناقش كل قول أو حكمة لحال وبعدها مننتقل للقول التاني وإذا حدا كان ببالو يشاركنا بمناقشة قول تاني بيعرفو بتمنى يراسلني مشان ننسق مع بعض ويحافظ الموضوع على ترتيبو وياخد كل قول حقو ويا هلا :mimo: |
لنبدأ بهذا القول أو الحكمة الشائعة القناعة كنز لا يفنى القناعة : هي الاكتفاء بالشيء الذي تمتلكه والسؤال هو هل تؤمن حقاً بهذه المقولة وتراها صحيحة :D |
اقتباس:
|
اقتباس:
اذا رح قول بدي وبدي وبدي مارح يكون في حدود لطمعي فاذا انا مكتفي باللي عندي ليش لحتى اطمع اكتر |
اقتباس:
بعطيك مثال احنا.. طموحين..وكتير.. وبنفكر وعنّا اهداف.. لكن بالوقت نفسو احنا مقتنعين في ناس عندها كتير امور..بس دائماً ما بيعجبها شي..وما عندها اكتفاء ذات وقناعة باللي هي فيه وجود قناعة.. لا يعني انعدام طموح.. ممكن يتاخد معنى .. انو قناعة بـ اللي احنا فيه..وعليه بنحقق اهداف ضمن هالنطاق يللي بنملكو |
القنوع بيملك الدنيا بقشرة بصلة اما الطباع إذا عطو نص الدنيا بيقول طيب والنص التاني لمين على كل حال مقولة "القناعة كنز لا يفنى " معانيها كتر حلوة وقاطعة يعني لما تكون فايت بنقاش وتقولها بتسكر الموضوع فورا .... |
برايي ... القناعة بهذا المثل .... تحث على الطموح المنضبط ...
لان ممكن الواحد يخسر كلشي بالطموح الزايد .... |
اقتباس:
اصلاً اذا بدنا نطمح بشي احنا عارفين انه مستحيل..بيكون صار خيال في اشياء مستحيلة..وفي شبه مستحيله..وهكذا لهيك الطموح بيكون منضبط ومقتصر بالمجال يللي احنا قادرين نحققو فيه طيب هالمجال يللي احنا فيه...اذا اقتنعنا فيو..ما بيعني انو بنبطل نطمح لتحقيق هدف ما بالعكس..قناعتنا بهالمجال..بتكون عامل مساعد النا..مو لضدنا |
اي نعم بوافق عليها وبشدة .. لانو عنجد اللي بقنع بشو مكتبلو بحياة بعود مافي شي بضل بعينو حتى لو كان افقر الشي .. وبعيش كانو عندو احسن الشي
فقلا القناعة شي عظيمة وحلوة فكرة الموضوع |
القناعة: هي التعبير التي يستخدمه منعدموا الأفق لمواساة أنفسهم..
|
اقتباس:
هاد بيصير طمع و غرور وجشع وبتدل على داخل فاسد و اسود للشخص |
اقتباس:
|
الكلام مو موجه الك صديقي فيفا انما هاد رأي شخصي مو موجه لاي شخص انما بشكل عام
بعتذر اذا فهمت انو الحكي الك :D |
اقتباس:
|
حلوي القناعه ... بس اكيد ما بتوفق قدام الطموح ..
|
حلو كلامكم ووجهات نظركم وللصراحة أنا شوي مو من انصار هالمقولة :oops:
بحس أنها بتوقف الدافعية لتحسين أوضاعنا وأننا نرضى بالشي اللي نحن عليه واللي منملكو بس بنفس الوقت عدم القناعة مصيبة لأنها بتبعد الراحة عنك وبتخلي تقديرك للأشيا اللي بتملكها سيء وما كتير بتحس بالرضى اقتباس:
شو هي ضوابط الطموح لحتى نقدر نقول انو القناعة كنز لا يفنى :D |
اقتباس:
الطموح المنضبط ... اللي يخلي الشخص يطلع السلم درجة درجة .... و القناعة تدخل ضمن الحسابات ... اللي تحدد الطموح . بداية اقول النجاخ ... يعتمد على ... الكفاءة و القدرة .... الواقع المحيط كثير نقرا عن ناس غيروا العالم بسبب طموحهم العالي و بسبب حساباتهم الصحيحة و حسن التقدير للواقع ضمن الممكن و اللا ممكن .. ! و لازم الشخص يحط بالبال .... توقع اسوأ شي ممكن و وضع الخطط البديلة في حال وقوعه .. يعني سوء الظروف طبعا ما ننسى ... كثيرين حققوا المجاح بسبب توفر الظروف الجيدة او مساعدة الآخرين .... لكن الانسان .. لازم يخطط ضمن حسابات تعتمد على الواقع .. ويحاول ما يعتمد على الآخرين او على حسن الطالع ... موضوعك بالحقيقة .. كثير عجبني احكي فيه اكثر .... و لذلك الي رجعة |
اقتباس:
بس ما حدا بعمل فيها بس شاطرين يحكوها ..ما حدا بطبقها :pos: |
| الساعة بإيدك هلق يا سيدي 14:00 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون