![]() |
ايه بس سؤال زغير كتير !!
1 ملف مرفق .
ايه لا تخافو ما بدي اغنية ولا شي بس سؤال زغير ويا ريت تجاوبوني عليه :D
في اغنية هي قديمة شوي اسمها السلطان الامريكي هلق هي كتير حلوةوقالولي انها لحبيبنا زوزو الرحباني (يعني زياد للي ما فهم علي :shock:) سؤالي اذا هي الاغنية فعلا الو ولا حدا هيك بس حب ينشهر على حسابو للفنان زياد الرحباني؟ و هاي الاغنية مرفقة للي بحب يسمعها :D هلق انا ما بظن انها الو لانو ما بفكر انو الفنان زياد بقول باغانيه " بنفط العراق لانو سراق" هلق صحيح الي بغنيها معو حق بس مو معقول انو هاد يكون حكي زياد المهم انا بس بدي اتاكد ومشكورين سلف :D |
ما في ملفات حبيبتي
حطيها ع موقع خارجي |
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
الغنية لزياد و على مسؤوليتي :larg:
|
شي بيبكي يا شريكي..شي بيبكي يا شريكي
اندمجنا معها:lol: حلوة الغنية ع فكرة.. حبيبتي بعتئد لزياد..بعتئد هيك اسلوبو .. بالنسبة للجملة يللي ئلتي مش معئول تكون الو..فهي تحديداً ممكن تكون الو :lol: |
اكيد ؟؟؟؟ لانو في شرط على عزيمة عشا ما تخربولي بيتي :p ايه هي الاغنية حلوة كتير و انا بحبها بس ما بعرف ليش فكرتها لحدا تاني :oops:
|
اقتباس:
بس كـ اسلوب..هيئتو لزياد ادا الشغلة فيها عشا.:o.بننكر اصل الغنية ليش لا :lol: |
اقتباس:
|
اقتباس:
هوّي بيعرف اكتر منّا بالموسيقى.. |
يعني في امل؟؟ :p
|
![]() |
يقع مواطنون سوريون منذ أكثر من شهر,ضحية عملية تزوير وغش مستهلك (بطلتها) اسطوانة مدمجة يدعي مروجوها من محل (المحطة) لبيع الأشرطة الموسيقية بباب توما بدمشق,أنها من تأليف وتلحين زياد الرحباني وغناء سامي حواط, وتحمل عنوان (السلطان الأميركي). وأغاني الاسطوانة التي يرجح بعض المطلعين على السوق أن تكون قد (صنعت في لبنان) هي سبع و(مسك الختام) هو سرقة أغنية السيدة فيروز الأخيرة (بيت زغير بكندا). وإلصاقها بلائحة الأغاني المزورة جملة وتفصيلاً وصوتاً وموسيقا وعنواناً! ومع أن عملية الاحتيال هذه لم تنطل على متابعي أعمال زياد الرحباني,وذلك بمجرد سماع (الأغاني) التي فيها الكثير من مناخات أعماله مع الراحل جوزيف صقر,بدليل أن بعضهم سيتقدم بدعوى ضد منتجي ومسوقي الاسطوانة بتهمة الاحتيال,إلا أن الضرر يكون قد وقع بمجرد شراء نسخة,خصوصاً وإن كان المحل من نوع (البضاعة التي تباع لا ترد ولا تستبدل) لذلك وحرصاً منه على مصلحة المواطنين متابعين وغير متابعين,يهم زياد الرحباني أن يؤكد لجمهوره السوري أن لا علاقة له من قريب أو من بعيد بهذه الاسطوانة ولا بمن (يشدو) فيها. وهو يحتفظ بكامل حقوقه,وحقوق السيدة فيروز, في مقاضاة المسؤولين عن عملية الاحتيال هذه زياد الرحباني |
اقتباس:
شكراً الك اب سمرا.. |
اقتباس:
هالتصرفات تثير اشمئزازي.. :D |
الساعة بإيدك هلق يا سيدي 23:37 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون