|
الأسد إلى الأبد أو إسقاط النظام
خطابان متعصبان متشنجان خشبيان تخونيان..
الخطاب الأول يقول بوجوب إسقاط الأسدي النظام الديكتاتوري الفاسد و القمعي وإلى أخر تلك المواصفات دون رؤية تغيرية واضحة أو مشروع وطني للتغيير.. مدفوعين بمصالح شخصية أو بحقد أو برغبة بإستلام الحكم وهم من أحب أن أسميهم ( المعارضين لأجل المعارضه). والخطاب الثاني يقول أن النظام القائم هو أخر قلاع الصمود و التصدي و هو أخر دولة مواجهة للمشروع الأمريكي الصهيوني في المنطقة.. و كأن هذا النظام الملائكي هو الأمل الوحيد باستعادة حقوقنا المسلوبة منذ 40 عاماً .. و سياسة الحكومة السورية داخلياً و خارجياً منزهة عن الأخطاء متناسين هموم بلدهم و مشاكله و كأنهم يعيشون في عالم أخر وكأن التهليل للقمع و الفساد هو الوطنية و هم من أحب أن أسميهم (جماعة المهللين) .. خطابان أولهما مصيبة و الثاني كارثة... خطابان يأخذون الوطن نحو المجهول.. خطابان تخونيان جبانان لايعترفان بالآخر... خطابان يحاولان تدمير الوطن و تدميرنا نحن الذين لاهدف لنا إلا وطننا.. نحن الذين لاهم لنا إلا حياة شعبنا الكريمة.. نحن الذين لاهم لنا إلا المعتقلين خلف القضبان دون ذنب.. نحن الذين لاهم لنا إلا رفع يد القمع.. نحن الذين لاهم لنا إلا حرية شعبنا.. نحن الذين لاطمع لنا لا بمال و لا جاه.. نحن الذين لانطمح بسحب بساط السلطه من تحت أقدام أحد لأننا نؤمن أنه بيوم من الأيام سنعود نحن السلطة. جماعة المعارضين لأجل المعارضه و جماعة المهللين كيف نسيتم سوريا؟؟ هل نسيتم هذه الأرض الكريمة؟؟ هل نسيتم شعبكم المظلوم؟؟ هل أعمتكم مصالحكم الشخصية و حقدكم إلى هذا الحد؟؟ من سمح لكم أن تضعوننا بين خياران؟؟ إما استمرار القمع و الظلم و الديكتاتورية؟؟ و إما التغيير المدعوم من الخارج و ماأدراك ما الدعم الخارجي؟؟ ليتني رأيت منكم مايدل على خوفكم حلى حقوقنا المسلوبة بأيديكم أو أراضينا المحتله أو إقتصادنا الداخلي أو شعبنا المظلوم المقهور. كلمتي لكما واحدة.. نحن منكما براء. |
اي كلامك حلو بس ما قلتلنا اذا تبديل النظام برايك مصيبة وبقاؤه كارثة شو الحل؟؟
|
اقتباس:
|
اقتباس:
انا معك انو المطالبة بس بتغيير النظام الحالي من دون التفكير بمرحلة مابعد التغيير هي غلط كبير بس كمان بظل استمرار الحكم الحالي والجمود الرهيب اللي عايشين في ما رح يتحقق شي اكيد مرحلة مابعد التغيير رح تضمن مخاطر كبيرة , وهي شي طبيعي لشعب عاش 40 سنة تحت حكم دكتاتوري رهيب , بس المخاطرة بتستاهل برايي لانو من دونها نحني عم نرجع كل سنة عشرين سنة لورا بالمقارنة مع شعوب كنا متقدمين عليها |
اقتباس:
|
اقتباس:
وانا ماني مع التغيير لمجرد التغيير لانو التغيير لمجرد التغيير ممكن يجيب واحد متل خدام او رفعت الاسد للحكم شو منكون استفدنا؟؟ انا قلت انو التغيير رح يكون في مخاطر , مثلا التغيير بيتطلب حكومة انتقالية يعني ناس نضاف قلبن على البلد مهمتن محاولة تاهيل الشعب ليقدر على الاقل يعمل انتخابات ديمقراطية توصل رئيس منتخب بشكل حر للسلطة , يعني متل ما صار مثلا بالمانيا الشرقية ب اواخر 1989 لما طلعت حكومة تكنوقراط اشرفت على تسيير امور البلد بعد سقوط النظام الشيوعي وعملت انتخابات قرر على اساسها الشعب ينضم لالمانيا الغربية للاسف عنا القمع وصل لابعد من حدود المانيا الشرقية لانو بسوريا ما عد في شي اسمو طبقة سياسية همها البلد ومشاكل الناس, بالنظام كلو ما بتلاقي شريف واحد من راسو لرجلي وبرا يا بتلاقين معزولين عن الناس وماحدا بيعرف عنن شي الا انن عملاء وعم يتامروا على الصمود والممانعة يا اما بتلاقين منفيين وصوتن ما بيوصل لجوا |
اقتباس:
|
اقتباس:
وهون الجريمة الكبرى اللي برايي ما قدر حتى الاحتلال الفرنسي طوال 25 سنة يحققها |
اقتباس:
|
اقتباس:
بالشق الاول معك قلباً وقالباً نظام دكتاتوري فاسد وقمعي ... مع احترامي لكل المؤيدين :D بس الشق التاني نزعها .... همهم السلطة لمجرد السلطة ... ولمجرد ممارسة السلطة ومتل ما قلت (( دون رؤية واضحة او مشروع وطني للتغيير )) يعني ركدهن لمجرد استلام كرسي وممارسة صلاحيات ... طبعاً الصلاحيات المتعلقة بالشفط والعفط مو اكتر اقتباس:
(( هذا النظام الملائكي هو الأمل الوحيد باستعادة حقوقنا المسلوبة منذ اربعين عاماً )) المضحك المبكي بالموضوع انو هالنظام الي معلقين عليه املهن كمان صرلو 40 سنة ومع انو هالجملة الي رح احكيها كمان رح تسبب حساسية بس يفترض انو تنحكى (( وهالنظام نفسو اللي تسبب بهالحقوق المسلوبة ... )) شو المفارقة هون :lol: يعني بالنهاية هالخطابين مرفوضين رفض تام جملة وتفصيلاً ازا اسقط النظام ... اصحاب الخطاب الاول معروفين شو هني ومعروفة اهدافهن فلا يعزبو حالهن لانو ما رح يوصلو وجماعة الخطاب التاني .... معميين ما بشوفو الا اللي بيحبو يشوفوه ... فلزلك كمان هدول شايلين ايدنا عنهن ( بحكي بصفتي مواطن سوري عادي ) وما بشرفنا يستلمو سلطة فلزلك .................................................. ........... طز بالجماعتين المذكورين |
اقتباس:
متل العادة ردك روعة شريك :D |
تسجيل دخول .. لي عودة
|
اقتباس:
التطرف عم يصير من الجانبين وانا من متطرفي البعث وموالي السلطة براء ومن الجانب الاخر اصلا بالحقيقة مش شايفتهون ولابيهموني |
أي محاولة لتخوين أي سوري . معارض أو موالي أو زبال أو دكتور .. ممنوعة في المنبر الحر ..
حذفت ألف مشاركة فيا خروج عن الموضوع و تخوين لعدة جهات .. هازا و أعلمناكم .. |
ياسيدي معك حق مية مية
الحل سهل وصعب الحل انه الجيل الجديد يبطل جبن ويبطل يهلل متل الطبل الحل انه نبطل نمشي الحيط الحيط الحل انه يلتقا شريف يقول (((( تخنت ))) والاب يبطل يزرع الخوف بقلب ابنه و يعلمه الكدب سهله مو هيك بس نبطل كذب منصير وعيش يا كديش |
حلو حكيك ...
وانا عم اقراه فكرت بالف رد وتعليق ...... اجيت لأكتب ما طلع معي انا مع حكيك ....... بس سواد الصورة وبشاعة الحالة ..... خلتنا نحنا الشباب مكبلين لدرجة انو مافي رؤية واحدة ناجحة لتصحيح الوضع ...القضاء عالغلط ...... تعزيز الصح ......... توحيد الناس يا ترى هيي الحالة صعبة ومستعصية ولا نحنا عاجزين لهالدرجة ؟؟؟؟؟؟؟؟؟؟؟ منقول .............. بكرا جايي |
اقتباس:
اقتباس:
|
هيدا الخطاب اللي صرلي فترة بدور عليه ........
بصراحة هيدا الحكي الصحيح.... واذا بدنا نحكي عن موقفي من النظام فأنا بشوف الحل بالتغيير في بنية النظام نفسه عبر اللعب على جملة التناقضات الداخلية فيه تحياتي الحارة ظل جيفارا |
| الساعة بإيدك هلق يا سيدي 01:03 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون