الاسد في باريس لحضور القمة المتوسطية الى جانب الاسرائيليين
 

باريس (ا ف ب) - اعلن وزير الخارجية الفرنسي برنار كوشنير امام النواب الثلاثاء ان الرئيس السوري بشار الاسد سيشارك "على الطاولة نفسها" مع الاسرائيليين في القمة التي ستطلق في 13 تموز/يوليو في باريس الاتحاد من اجل المتوسط.
وقال كوشنير "ان الرئيس السوري سيكون هنا على الطاولة نفسها مع الرئيس الاسرائيلي" بدون مزيد من التوضيحات.
ويأتي هذا الاعلان فيما انهت اسرائيل وسوريا الاثنين جولة ثانية من المحادثات غير المباشرة برعاية تركيا وصفها مسؤولون اسرائيليون واتراك ب"الايجابية".
وقد دعي رؤساء دول وحكومات الاتحاد الاوروبي ودول حوض المتوسط وبينهم الرئيس السوري بشار الاسد لحضور قمة اطلاق الاتحاد من اجل المتوسط في 13 تموز/يوليو في باريس وكذلك لحضور عرض عسكري تقليدي يجرى لمناسبة العيد الوطني الفرنسي غداد ذلك في العاصمة الفرنسية.
ولم تؤكد سوريا رسميا بعد حضور الاسد. وحتى الان تم الحديث عن مجيء رئيس الوزراء الاسرائيلي ايهود اولمرت لكن لم يشر الى مشاركة الرئيس شيمون بيريز.

المصدر: متل مانو مكتوب فوق أ ف ب

اها
يعني شو الحل حتى ما يلتقي السوري والاسرائيلي بهيك قمم
انو مثلا تقاطع سوريا القمة؟
طيب
كلشي ممكن
خلونا ننطر ونشوف

الله يوفق
لنصفق

:clap: أنا من هلق رح بلش مارح انطر ليوفق..

ma ba3ref lich bes hasa enou halmara sourya rah tendam 3ala hik khoutwa
3am yourouksou ma3a echitane ou echitane ma byerham
hala anou mouhadathat salam likou palestine 3am thawer men snin chou nalet wala chi ila edoul welmarmata
3ala asas echa3b esouri nakestou sormaya tanya fouk rasou lak alah youstour

يعني وين الغريب بالموضوع ؟ ليش ما سبق انو بشار الاسد سلم على موشيه كتساف ب 2003

اي ناطرة دخلك وشو ورانا يعني قبل ما يطلع خبر لقاء الرئيسين كنا عم نعمل شي غير ننطر
على الاقل انت عم تصفق بس انا ماعندي شي اعملو:pos:

seti ma heyeh akleh hawa be kel al a7wal balki beser salam... lashouf ba3deen sho 7eget el dektatoryeh
:larg:

له يازلمة هلأ بيقولولك اشاعات صهيونية معادية... لك هي واقفة على انو سلم عليه بس :lol:

على ذكر الاشاعات الصهيونية, بتذكر وقتها جابو عماد الشعيبي ,الناطق باسم اجهزة المخابرات , على الجزيرة وسالو على هالقصة قام قلن كذب واشاعات هدفها النيل من صمود سوريا

بعد كم ساعة جابت وكالة سانا الخبر واكدتو وقال شو قال السيد الرئيس ما انتبه انو عم يسلم على رئيس اسرائيل وكانت مصافحة بروتوكولية فاكيد هالمرة اذا راح على باريس ما رح ينتبه كمان :lol:

ليش انشالله انت مفكر انو في مفاوضات و لقاءات و تبويس بتركيا ؟؟ كلو اشاعات صهيونية امبريالية حبيب :ss:

انا رايي المفاوضات المباشرة و غير المباشرة والسرية والعلنية اللي صارت وعم تصير هي تحضير لشي اعظم جاي على الطريق وهالشي عم ينتظر قدوم الرئيس الامريكي الجديد
لانو القصة مو واقفة على قديش رح يرجعوا من الجولان وانما قديش رح يقبضوا الرفاق المناضلين على التغيير من معسكر الصمود والتصدي الايراني لمعسكر الصمود والتصدي الامريكي وهالشي ما بيقدر يعملو الا رئيس امريكي جديد متل عمك ابو حسين مثلا (باراك حسين اوباما)

يعني وضع الانتظار هاد شبيه بوضع مصر قبل اقدام السادات على زيارة القدس ب 1977 لانو هداك من اول ما استلم كان بدو يعمل اتفاق مع اسرائيل بس ظروفو الداخلية فرضت علي الدخول بحرب و الانتظار سبع سنين والوضع بسوريا شكلو مشابه تماما

السياسة لعبة قذرة في شي كبير كتير عم يصير من تحت لتحت ماحدا حاسس فيه ,,, يبدو ان في مغريات كبيرة لسوريا لحضور القمة المتوسطية


حبيب بدك تحط ببالك ان الشغلة كلها ماوقفت على سوريا ,, ليكهم الاشقاء العرب الكل يتهافت لتقبيل ايادي الامريكان والاسرائيليين ,, اولها واخرها الموضوع لازم ينحل سواء بالطرق السلمية عن طريق المفاوضات او بالطرق العسكرية عن طريق الحروب ,,, مو معقول سوريا هي فقط قلعة العروبة والصمود والتحدي الى الابد بينما الاخرين يسرحون ويمرحون ويبذخون ,,, ايد وحدة مابتصفق اذا العرب اجمعهم تنازلوا فهل تتوقع ان تبقى سوريا قلعة العروبة والصمود والتحدي !

هنن العرب خونة شوبدك بالحكي... منيح يلي نحنا تابعين الاستراليا :larg:

لك خيو ليش شعبنا نحني هيك بيميل مع الريح والريح اللي مصدرها النظام واجهزة اعلامو

يعني يا تطبيل وتزمير وممانعة وصمود وشعارات فارغة يا منميل 180 درجة ومنصير بدنا نعمل متل اللي كنا عم نخونن ونعتبرن عملاء مبارح
المشكلة مو بالمفاوضات ولا بالسلام المشكلة بنظام لقى شماعة يعلق عليها كل جرائمو من 40 سنة وهي الصمود والتصدي , المشكلة لما واحد بيفتح تمو وبيطالب بابسط حقوقو فورا بيتهموا بالعمالة لامريكا واسرائيل بينما هني معلش مسموح الن يتفاوضوا سرا وعلنا ويصافحوا ويبيعوا ويشتروا فينا متل ما بدن