|
المرا بس بدا تنكش مخاتا بطعمة وبلا طعمة
سلام نسيم ارق من الياسمين حبيباتي انا كنت عم شوف مسلسل شامي لشفت لقطة انو الزوج راجع الساعه 1 بالليل فات بهدوء ع غرفة النوم وتمدد بهدوء زحط تحت الحرام بهدوء شان ماتصحى البعبع يلي جنبه بس لاء.. تسء خاب امله وصحيت وينك لهلا ؟ كنت سهران مع الشباب كل يوم بدك تقضيلي ياها سهران مع الشباب؟ والله اليوم بالصدفة شفت رفيق قديم وطلعنا اصلا انت حياتك كلا مبنيه ع الصدفة  لك ياعمي شو بدا هالخانوم عند هالمسا ؟ يعني ازا تزوج هالمسكين مافي سهر يطلع وقت الشغل احسن يشوف رفقاتو؟ شو رح يحكي مع مرتو يعني بالليل؟ شوفيه السهر ؟ يا اما المدامات غيرانين من الحرية الي الله من علاه خصها بالرجال  يا اما مابعرف  شو رايكون حجات؟ هاتوا لشوف ( عارف الاملاء تبع المراءة غلط- لا تعلقو ) |
اقتباس:
اذا كل يوم يطلع يسهر مع صديق قديم ... معناها ينام بالفنادق احسن ! |
لك طالما الأخ مو ملاقي كلام يحكي مع مدامتو بالليل ليش تجوز .؟
|
بيستاهل أنا معها بهالتصرف وألي رجعة بأذن الله
|
انا من اول ما حبيت بطلت اطلع مع رفاتي وبطلت اسهر مع اني كنا نسهر احلى سهرات واحلى رحلات وطلعات
لان سهرة مع حبيبتي بتسوى الدنيا كلها بس العطب إذا كان ما بحبها :o |
الحب ....... يختلف عن الزواج على ما أظن !
و خصوصا الرجعة بالليل :lol: |
 رغم أنه الأنسان بيتزوج وبالرغم من أنه الكل أو البعض وبيعتبروه قفص وبيسموه القفص الزوجي ومع العلم بالمقولة الي قالها الأخ أوديل أني الحرية الله من علاه خصها بالرجال ومين قالك أنه غيرانين وأني ما عندهم حرية ؟ راح أحكيلك يا سيدي الكريم شيت أنه نحنا أحرار وهنن لا ما بعتقد أسماع بتفيق الزوجة من الصبح عفوا من الظهر أو بعد الظهر وطبعا هون بيكون الزوج من على بكرة الصبح طلع على شغله الزلمة وقال يا الله وحضرتها بتكون نايمة ما علينا موضوع تاني النوم منطرقله بعدين بمناسبات أخرى المهم يا سيدي بتفيق من فيقتها بتغسل وشها من هون ومع وشها على التلفون وبدق لجارتها او رفيقتها فقتي بتقلاالجارة ايه تفضلي لعندي تتفضلي أنتي ولا أنا بتنزلي ولا أطلع بتقلا لا أطلعي هي إذا كانت أيدها مبحبحة وإذا كانت صرم بتقلها نازلة أنا فبتطلع العينتين لعند الجارة وهي رفيقتها منشان تاخد المورنينغ كافي تبعها عند الصديقة العزيزة وبتطلع فوق يا أبو الشباب وبيعملوا دلة قهوة وهات وخود وشلي وهذا قال وهي قالت وجوزي وجوزك رصيناله أدانينهم وعبيتمقطعوا وسهرانين برا ومو سائلين فينا وراحتلا على هالمنوال شغلة ساعتين تلاتة وبيجي هالزلمة على الغدا وبيقلها : شو طابخة يا حبيبتي ما تواخزني ما لحقت يا ريت تنزل لعند جارنا أبو الجاهز وتنتعلك وجبة أو خبره تلفون يبعتلنا الأكل بيقلها : مالي مشتهي أكل من السوق مشتهي أكل طبخ وبتجاوبه : راح أحطلك من حواضر البيت شوية حمص على شوية لبنة وعلى شوي على شوي .....الخ وبياخد حسبه الله وبيرضخ وبيقول معداية :cry: وبيتغدا وبيرجع ينزل على شغله الزلمة وبعد ما يروح الزلمة بتعقد هالمرأة على التلفون ساعة مع أمها وساعة مع أختها وساعة مع رفيقة الطفولة وبتقطعلا كم ساعة على التلفون هي إذا ما أجتها شي طرة أو روحة أو أجاها ضيوف وبيكون هالزلمة عبيخبر وبيطلع مشغول وبالأخير لما بيلقط الخط بيقلا شو راح تعشينا اليوم حبيبي حبيبي ما بعرف مو جاي على بالي أعمل شي اليوم طيب بقلا حكيت مع أمي وهي عملتتلنا طبخة كتير بحبها وعازمتنا لعندها أنا وأنت أمـــــــك لا الأسبوع الماضي كنا عندها - نييت خروشوي بالروسي رفض - المهم بعد قيل وقال وقيل وقال وأصرار كبير من الزوجة بيطفر الزلمة وبيقلها متل ما بدك بيقوم الزلمة بيحمل حاله وبيدق برفقاته وبيكون مقهور بيروح بيتعشاله بشي مطعم لأنه كمان ما فيوا يروح لعند أمه لوحده لأنه كمان أمه بيجوز تسأله ليش ما أجت مرتك يعني ما بيندخل بيتنا ولا الضرصانة ما بدها تجي بدها تتحكم أي لكن وأنت ما عبتعرف تضبضبها أي لكن ....................الخ هون الزلمة منشان ما يفوت ضمن مهاترات بين الأم والكنة لأنه حتى مرته وإذا راح لعند أمه بدها تستلمه رحت لعندا يا مرضي حكيتوا علي أخدتوا راحتكم أقوتك علي أمك ؟؟؟!!!! فبيكون ما عنده غير هالخيار أنو يروح هو ورفقاته ليتزكر أيام العزوبية أو لينسى هالمشاكل والمشكلة هون كمان ما بيخلص لأنه كمان رايحة تعمله مشكلة لأنه سهر برا فالحل الوحيد يطقا ضرة :lol: وهيك بتهمد دمت ودمتم |
انا بشوف انه بيحقله يطلع يسهر بس مو كل يوم لانه اذا كانت مرته عم تشتغل او لا فهي بتضل بحاجة انها تشوفه وتحكي معه لانه شريكها بالحياة وهو اذا ضل عم يطلع كل يوم فبتصير الطلعات مملة وبيخلص الحكي
بينما اذا طلع مرة او مرتين بالاسبوع مع رفقاته بتضل علاقة فيهن متجددة وكمان علاقة مع مرته بتضل متتأججة |
انا من رايي انه لازم يطلع
مشانها هى طبعا:o حتى ماتمل منه يعنى تشتاقله لكن لو هو جنبها ليل نهار تبقى حاجه ممله اوى بس كمان انو لازم يكون جنبها باليل :cry:افرض طلعلها عفريت او حرامى او صرصار هى ازاى تتصرف:? |
اقتباس:
لك يؤبش قلبي الرومانسي والله انك على حق وبعدين ليش تزوجتها اذا ما بدك تسهر معها بأضواء الخافته وتشعلك الشمع وتشوف القمر وحبيبتك:hart: بحضنك لك شو بدك احلى من هيك |
اقتباس:
وانا سهرة مع حبيبي بتسوى الكون كلو :sosweet::hart: |
في متل بيقول
منه ولا كله مافي أحلى من النظام وتغيير الشكل بس مو تنسى شريكة حياتك أبدا بعدين المرأة بطبعها مشاغبة -لي لي لي لا لا أنا متصيد بالحتة الهوبا نولعها الهوبة نشعلها يا عسلية عسلية قولوا قولوا قلوا-- المهم المرأة مشاغبة بتصرفها وهذا الشغب ضروري بالحياة هو يضمن أستمرارية عقل الرجل في الحركة وقت بتعقد وبتسأل الرجل على التفاصيل بيكون بدها تتحركش فيوا بس هو الغلطان ليش لازم هو الي يقوم بالمبادرة يعني من وقت ما يدخل يبدأ هو التحقيق وين فلان شو عملتي الاولاد الشغل كيت كيت كيت هون بيطوش راسها الزوجة بتقلها دخيلك عيرني سكوتك شوي وجعتلي راسي وهون بيقلها شايفة شقد عبتحمل أنا وهلم جرا |
اقتباس:
|
اقتباس:
وبكرى بس تتجوزو رح ترجع تطلع مع رفقاتك |
اقتباس:
مين قلك بكرا بس ما تتزوج بزكرك بيكون همك زوجتك وأولادك وأهلك وتربيتهم وأهتمامك فيهم وبتنسى كل شي رفقة يعني ورق طاولة سيرانات متل ايام العزابية بتنساهم وبكرا بتقول مالك الحلبي صدق بكلامه مالك الحلبي 2 |
اقتباس:
:sosweet::sosweet: |
اقتباس:
|
اقتباس:
|
| الساعة بإيدك هلق يا سيدي 21:11 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون