|
من وحي الجو "أحـــــط"
__________________________________________________ _________ آخراًبسمعون بيقولو "أخيراً وليس آخراً" لهيك استشفيت انو آخرا بتجي بعد أخيرا  هاي يا حبيب قواعد البيت متل ما بيقولوا .. وهدول نحن .. عاد لو حسيت هيك انك مثلا مـــــــــا إستسغتها لهال القواعد .. انو شلون يعني ما كتير هضمتها ، او ما خرطت مشطك بفرنك ..  .. انو .. انو مثلا ما واتت صحتك .. (مثلا مثلا..)فبهاي الحالي ...  ما بعرف شو بدنا نقلك .. .. .. ما طالع معنا شي نقلك غير بيجوز انو .. انو ..أحّــــــــط! أحّط حبيب .. أحّط اي أحّط .. اي ما تتطلع فيي هيك بالورب  .. ليش يعني زعجتك هاي بقا ..اخي الرقم الي طالبو بيئسفني قلك انو غلط ، و ما تعاود الإتصال بوقت لاحق ترى خلص الرقم غلط و احنا هذا الرقم شايلينو من الخدمة ولا يمكن رح بنردو .. (اي وحياة ولادي ، وو وحياتك ..)اخي فهمت عليك ، سمعتك للأخير اي و شو يعني .. انو .. انو و بيجوز اخي انتا تاني احسن واحد بالعالم ، انو شو .. شو يعني؟ شلون فيني اخدمك؟ (اصلن انا شو بيعرفني يعني مين التوب تين اوف زا وورلد! ولا لا تكون مفكر بعرف و عم خبي عليك ؟؟؟  )بيجوز انتي احسن وحدي بحارتكون كلها، و احسن وحدي بالأقاليم العربيي وضواحيها!! لك اختي تاني احسن وحدي بآسيا و الحزام الأوراسي... و من قزوين للبحر الأسود بيحلفو بإسمك اي اختي بيجوز ازربيجان نفسها مستوحايين اسمها من زربجة رموشك.. و اوزباكستان من اوزبكت مناخيرك..(مثلا) اي ممكن حتى يكون قرغيزيا ترى سموها هيك كرمال انو شعرك القرغيزي!!..  اي .. اي انو وشو يعني .. شو ؟ احط كمان مرة ، احححححط .. ما مهم حبيب قلتلك ما بينفع ، هاي بضاعتنا ، وهذا الي عنا .. احط و فرقنا .. لاء.. لاء.. لا ما رح بنفصلك على مقاس صباطك قوانين ..هق .. لك يا خيو ما بينفع ما بينفع .. والله كان بودي اخدمك بس عاد ما بينفع !! لكتير اسباب هلق ما تفوتني بالتفاصيل..ماني فاضي انا .. شو ما عندي غيرك .. اخي خود عندك.. انو من اقربها ، اذا بدنا نفصلك قوانين على مقاس صباطك (مع حفظ الألقاب) .. بك تحط صباطك بوشنا! اي لكن .. ماهو بك ترفع رجلك، وتحط صباطك بوشنا تنقدر نفصل على مقاسو .. مووو.. اي هاي مثلا ما حدى بيستسيغها هون ترى، آخر مرة واحد رفع صباطو بوش واحد من الشباب هون بأخوية، قام اخينا راح خالعلو ضرص العقل!! (وحياتك ع الغالي هيك الي صار ... انا شو ألي مصلحة اكذب عليك .. ما عم زلّ بحرف.. وحياتي ولادي .. اي نعم ...) لك يا اخي بعرف .. و عندي فكرة منيح على شقدو صباطك مهم و شقدو داعس على روص هون بالمنطقة (وضواحيها -بيجوز-)بعرف ، خبروني بهال الموضوع.. و انا ابديت استنكاري -وقتها- ، و انو اي طيب.. طز بهال الخبريي.. شو شو هلق .. ولا شي ، قلتلك ما بينفع و قلتك أحط ، فخلينا حبايب و احط ....................................... منشاني احط .. لك منشان الملايكي احط.. إببوس ايدك احط.. ولووه .. ايدي بزنارك.. هات هات شواربك لبوسا .. بس احط .. حباب احط .. اذا بتحب الله عمو .. احط .. مشي الحال شباب  .. خلص وعدني انو يأحّط .. يالله كفو شغلكون .. بدو يكون عطلكون.. مو وو وو وو  |
صدق الحكيم العظيم
 |
هههههه .. عمرك اطول من عمري اب سمرة ..
بس جد .. وين قاريها ما عم ازكر .. :o |
لك للحكيم للحكيم لا تتفهمن
بس مناسبة ترا هااا .. ( هتلك سمايل سمرة ) |
اقتباس:
(سمايلي عبشمشم ) |
حلوووه حلووووووووه .. حبيتا وبقوه ..:yahoo:
|
بصحتو للجو ...
|
لك هي من ادبيات أخوية ...
بس عتبك على مين دور ع أدبيات هالأيام  |
:sick::larg::shock:
|
اقتباس:
|
مو شي جديد على اخوية من يوم يومها مهضومة وبتتاكل بدوز كاجوزة (على بردقان)
|
اقتباس:
اي يعني شي بيشبه هال شي بس بلا هال حواجب الغبية اللي طايرا بالسما خيئه الحواجب حدا " مأحطلها " مدري " قاحطها " :larg: يا رجل كتاباتك بالاخوية لازم تنزل باسم " السير الحلبية للشخصية الالكترونية المعاصرة " :lol: لا تقول لي بايخة وفيها استهزاء بمشاعر العضوات المرهفات احسن ما قول لك قـــــــحّـــــــــط ;) وبحرف القاف كمان :larg: وسمايلي ابو ريتا العظيم ( العظيم صفة لأبو ريتا + السمايلي ) :ss: |
اقتباس:
|
:nono::nono:
|
هيئتو ما مشي الحال :sick:
|
اقتباس:
|
راسي بدو ينفجر وفوتتني بستين حيط
بتوقع فهمت شي بس ما بضمن:lol: |
اقتباس:
معك حق  |
| الساعة بإيدك هلق يا سيدي 05:28 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون