|
من المسؤول برأيكم عن سياسية قمع الحريات و تكميم الافواه في سوريا
مين برايكم مسؤول عن الاعتقالات وقمع الحريات بسوريا؟؟
هل هي مجرد تجاوزات فردية من قبل الاجهزة الامنية ؟؟ ام هي سياسة دولة, سياسة منهجية يقررها بشار الاسد و الفئة الضيقة اللي تشاركه الحكم؟ |
لك هو النظام كلو من رئيسو و نازل مسؤولين و شغلة انو بشار الاسد ما الو علم هادا شي مضحك كتير و بذكرني بالصحاف و الدوري اللي طلعوا بعد سقوط بغداد وحكوا انو ممكن صدام ما بعرف بالانتهاكات و قمع الحريات بالعراق.
اذا المواطن السوري البسيط بعرف بهالانتهاكات ومو مسترجي يفتح تمو , بقى كيف بشار الاسد ما بعرف . التصويت للخيار الاول |
انا جديد ومادخلني بشي:sick:
|
اقتباس:
لمجرد أنك أريت الموضوع هاد دليل ضدك :o |
انا برأي السبب ادارة اخويه :o
|
يا شباب ممكن ما نقلب الموضوع لمسخرة و تقفيل؟ رجاءا اللي ما عندو شي جدي و موضوعي يحكيه لا يقلبو لمسخرة
و جزيل الشكر لتعاونكم |
مسا الخير ياسين
هلأ هاد موضوع جدي يعني في تنين بسوريا بيختلفوا ع هل السؤال ولا الأجهزة الأمنيه نئصها كم واحد وعم تلمون من هون ؟؟؟؟ تقبل مروري |
اقتباس:
نحن ماسدقنا النت وصل:o |
اقتباس:
رجاءا مرة تانية يا شباب هالموضوع و هالقسم بشكل عام مانو للمسخرة... اللي عندك بديهي يجوز سؤال بيهم صاحب الموضوع يتجاوب عليه أو يهم حدا مانو على اطلاع يعرف... لذلك نرجوكم مرة تانية الحفاظ على جدية الموضوع و شكرا |
اولا شكرا للي صوتوا بهالموضوع
تانيا يا سيد ماغنوم بحب قلك انو في ناس وكتار كمان بيعتقدوا او بحبو يعتقدوا بالخيار التاني واذا قريت مشاركات كتير من الاعضاء بهالمنتدى رح تلاحظ هالشي واذا كنت خايف يا اخي ما حدا ضربك على ايدك لتشارك بهالموضوع , يعني صدقني مو المهم تشارك على الطالعة والنازلة بكل المواضيع,المهم تشارك بشي مفيد |
اقتباس:
أخي ياسين : أنا أقصد ما كتبت و هناك من هم في السجون ومن ضمنهم الأخوى في أخوية و أعتقد أن التهم الموجه أليهم هي تهم لا تمت الى الواقع بشيئ و أن أستنتجنا نجد أنها سياسة ممنهجة لأرهاب الناس و تكميم أفواههم و الأمثلة لا تعد ولا تحصى تقبل مروري و صبرا علي أخي ياسين مع حبي و أحترامي لك أخوك حلبي:D |
اقتباس:
هي هي وين رايح بهل الزحمه عمي مشاركات شو وبطيخ شو الي عم تحكي عليه انت طارح موضوع لتسمع الي بدك ياه ولا طارح موضوع لتسمع رأي اذا لتسمع الي بدك ياه فا انت غلطان بالعنوان واذا لتسمع رأي فا أنا رأي بهل الموضوع أن طرح حق اريد فيه باطل وبزيدك خربان بيوت العالم وهاد رأي وانا حر فيه وماألك تعد تقيم وتفرلضي فرضيات ع كيفك فا الله يرضى عليك حكي مباشر الي لا توجه في حكي تنتقد فيه طرحي تفضل ما في هي رأي حطيتو ومشيت سلام |
شغلة انو السيد الرئيس ما بيعرف لا بيعرف و 60 بيعرف بس في مسببات بتمنعو من انو يحكي ولو بالوقت الحاضر
يعني كمثال الرئيس الامريكي مافيه بيفتح تمو على اسرائيل وملزم بدعمها والا اللوبي بيطيرو فبينفذ كل شي بدها ياها اسرائيل لانو بيعرف اذا طيروه رح يجيبو حدا غيرو يمشي متل مابدهم انشالله ياخد بيد السيد الرئيس وبيخلصنا من اللي عم يخربو البلد و هوي عم يسعى يوم بعد يوم للتخلص منهم , الديمقراطية و حرية التعبير المنشودة ما بدنا ياها بين ليلة وضحاها اذا كانت رح تجينا متل ما اجت للعراق الله ياخد بيد السيد الرئيس مرة تانية بقولها :D |
اقتباس:
الرئيس الامريكي هو عبارة عن موظف ملزم بقوانين ودستور و جماعات الضغط اليهودية ما بيقدر ببساطة ينقلب عليها او يدك اعضائها بالسجن لانو ما عندو صلاحيات مطلقة متل السيد الرئيس اللي عنا انت عم تحكي عن شي وهمي تكرر كتير وخاصة بعد قمع المنتديات وربيع دمشق , وهالشي هو الحرس القديم اللي عم يتصارع مع الحرس الجديد تبع بشار, يعني كانت دعاية فاشلة من نظام فاشل من المعروف للكل انو معظم قادة الاجهزة الامنية تم تعيينن من قبل بشار الاسد شخصيا ومنن مثلا صهرو ومن المعروف اكتر انو لو كانو فعلا متل ما عم تحاول تصورن جماعة قوية بتقدر تفرض على رئيس الدولة اللي بدها ياه كانوا انقلبوا عليه من زمان متل ما صار مع امين الحافظ بشباط 1966 اسلوب الحكم وطبيعتو مازال كما كان بعهد الاسد الاب ولو تغير فيها شي كان انهار النظام من اول سنة بشار الاسد بيعرف هالشي ومشان هيك هالديمقراطية الموعودة اللي عم تستناها ما رح تجي اذا ضلينا عم نستنى السيد الرئيس ليمنحنا ياها |
ما بيعرف
اقتباس:
ما بيعرف و ما بعرف مين الحمار:sly: |
| الساعة بإيدك هلق يا سيدي 02:17 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون