|
مشاكل المجتمع
مرحباااااااااا
اخواتي نحنا هون بمجتمعنا متل اي مجتمع تاني مليان قصص ومشاكل وحكايا هون بدنا نناقش مشاكل المجتمع بشكل حضاري ورايق لحتى نحاول نعمل شي يعني لح نبلش بمشكلة عويصة وحلها مو سهل بالمرة بس انو بدنا نشوف شو ممكن نساوي المشكلة الاولى:جرائم الشرف جرائم الشرف شي بشع كتير كل يوم والتاني منسمع عن جريمة جديدة صايرة وفي معلومة سمعنها يمكن هون باخوية ما بتذكر انو سوريا تحتل المرتبة الرابعة بجرائم الشرف على مستوى العالم هلق اقصى عقوبة ممكن تصيب القاتل بجريمة الشرف هي الحكم لمدة 3 سنين هيك بعرف طيب انتوا شو رايكن ؟ومعقول انو واحد يقتل اختو مشان (.....) ناطر لنشوف مايسترو |
طبعــا انا بكره تسميتها جرائم الشرف ... بعتقد إنو إسم جرائم القرف أنسب
طبعــا العذر حسب المادة 458 العذر لعقوبة جريمة الشرف عذر لاغ فلا يعاقب مرتبكا ابــدا ... معقولة لسا القانون بيعطي غطا ... ؟ شكرا كتير لموضوعك ... تحياتي الحارة ظل جيفارا |
في مطالبه لجمعيات نسائيه بتغيير المفهوم ليصير "women's kill " لانو هالجرايم ما عم تستقصد غير النساء ... مع الاسف مع الاسف اغلبها بتكون تبلي عالبنت لانو معظمهون بيكونو ما عاملين شي واغلب الجرايم بيكونو لانو الاهل شكو هاا شكوا يعني لمجرد الشكك مو التأكيد.. وسيبك من انو كمان اغلبهون بيكونو عذراوات .. او مغتصبات يعني ما الهن شي بالقصه .. هلا انا اكيد ضد حتى ولو كانت البنت شو ما كانت هيي حره بحالها وحياتها واسلوب معيشتها كيف بتعيشو وكيف بتقرروا لا الاب ولا الاخ ولا ابن العم او اي حد لازم يكون عندو سلطه عليها لانو عمي عندها عقل متل ما عندك لا بتقل عنك ولا شي وانتي مين عطاك الحق تكون وصي عليها اصلا!!! هلا كتير عم بتصير مطالبه بتغيير القانون 548 من قانون العقوبات السوري : ليصير في الغاء للعذر المخفف..قال شو عذر مخفف انو فورة دم قتلها فبيروح فيها بس من 3-6 شهور .. وبالقانون كمان اعفاء القاصر يعني اذا بيجيبو ولد صغير ليقتل البنت وهالحاله هيي الي بتصير دايما بينفدو من العقاب .. اجت حلقه رائعه من سيرة الحب عهالموضوع كانت حلوي ومعبره كتير وبزمناتنا باخوية عملنا حمله لايقاف جرائم الشرف.. - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :D |
اي اي شفتها تبع سيرة الحب اشعر بدني
بس انو الموضوع برايي مالح يوقف حتى لو تغير قانون العقوبات ولو انحط اعدام بابشع طريقة الموضوع يمكن لازم نفوت على عقول الناس ونغير فعلا لازم تتسمى جرائم القرف والوحشية وموت الضمير وعدم الانسانية!والتخلف كمان مايسترو مايسترو |
هديك الحلقة بتعرفوا شو اهلي علقوا؟؟؟؟
قال الله لا يردها على هالعملة ال...... يعني انا لما قلتلهم انو الاهل كانوا اكبر سبب باللي صار فيها لو شفتو كيف تطليعتهم المجتمع بحياتو ما رح يصير على ادنى درجة من الانسانية الا لما نقرر انو نتغير ونغير الحوالينا مو انو ننسحب... رح علق عالموضوع لما اقدر مايسترو |
شرف المرأة هو شرف لمن لا شرف له
|
اول شي يعطيك العافية على طرح الموضوع
بعتئد بما اننا مارح نئدر ندخل عئول الناس وبما اننا للاسف ما منئدر حتى ناقشون بهالموضوع , فما بالك باقناعون , فالحل الوحيد هو قانون العقوبات ... في موقع اسمو نساء سوريا بيحكو كتير عن هالمصايب والمحاميات الي موجودين في عم يحاولو تعديل القانون من سنين ... بس خوفي انو ما يتغير شي :cry: |
اقتباس:
معلش تفسريلي ياها هي؟ اقتباس:
مشان هيك عم قلك انو العقوبات مو دائما بتنفع انا لما شفت الحلقة اول سؤال سالتو:هدول مع مين عم يحكوا؟ انو ايه في عالم عم تحاول تعمل شي سواء المحاميات او الفنانين بس انو وبعدين؟ مايسترو |
طيب كيف رح نئدر ناقش ناس او نقنعون بهيك موضوع
اذا متل ما ئالت وشم انو الاهل بس شافو المسلسل , ئالو الله لا يردا ..... وطبعا معظم الناس هيك كييف شو الوسيلة ......؟؟ ما عم يخطر ببالي اي شي للحوار بهالموضوع ... انت باي فكرة ممكن تبدا؟ تخيل انو لاسمح الله هالموقف صار مع حدا بيعنيلك.... كيف ممكن تتصرف ( بعتذر على الجملة الاخيرة , بس فعلا ما عم لائي ولا فكرة, بعتئد انو الي لازم يناقش هون هو الشباب .... وهني يعطونا اقتراحات لمعالجة الموضوع ...) |
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وعجبني عنوان المقالة جداً واقتبستو بردي وأنا بأيد ظل جيفارا بأنو هي مو جرائم شرف لازم يكون اسمها جرائم قرف ويتحاسب عليها القاتل متل أي جريمة تانية |
اقتباس:
اكيد لو صار مع حدا بيعنيلي مالح ارتكب جريمة شرف او قرف متل ما اتفقنا لح حاول اني ساعد هالانسانة مو اقتلها (يعني ما بدي كون مثالي زيادة عن اللزوم بس انو انا هيك بفكر) معك حق لازم الشباب هنن اللي يتناقشوا ولا انا عم يخطر ببالي شي مشان هيك طرحت الموضوع اقتباس:
نزلي المقالة هون الموقع ما فتح معي ميرسي مايسترو |
اقتباس:
قبل هالمرة نزلت الموضوع بحصاد المواقع وهي الرابط - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
لح اقراها و بردلك خبر
مايسترو |
مقالة روعة بس انو مو بصدد مناقشتها هون
بس انو حط ايدو عالجرح تمام مايسترو |
اقتباس:
بس متل ما قلتلك عنوان المقالة اعجبني جدا وحسيتو فعلا معبر وبيختصر افكار كتيرة بتخص جرائم الاستشراف تحياتي الك :D |
كلنا منعرف الكواكبي يلي ناهض الاحتلال العثماني ونفاه السلطان وقتا لمصر عندو كتاب بزماناتي قريتو بس ما عم ازكر العنوان بقول في بما معناه انو نحني العرب تخلينا عن شرفنا وحصرناه بمنطقة لا تتعدى السنتيمترات عند المراه بتصور انو الكتاب اسمو طبائع الاستبداد و........تصورو شيوخ ايام زمان شو كان عندن منطقية بتحليل الامور مو متل هالايام يلي بطلعو كل فترة فتوة يتجنن يلي بحياتو مو جن:pos: متل.الغناء حرام مثلا او حتى سماع الاغاني
شو بدو يحكي الواحد ليحكي خليا لربكن |
نحن منتكلم عن القتل بدافع الشرف
وليش وين المشكل لو الواحد يقيس الموضوع على نفسو شوف شو رح يحكي |
اقتباس:
وبحب قول لما الزوج بيغتصب مرتو شو اسمو هاد -كتير نساء بعالمنا العربي بيتعرضو للاغتصاب على يد ازواجن ومنن امي- مو اسمو هتك عرض واعتداء على الشرف ولا لانو في ورقة بالمحكمة بكون معلش وبيعتبر حلال خلينا نطلع بقا من هالقصة ونفهم بانو الشرف اكبر من هيك بكتير الشرف لما بتحب بلدك وما بتكب ورقا بشوارعها ولما يتمتنع عن السرقة بدوائر الدولة حتى لو كان صاححلك ولما.......................................... .................... |
| الساعة بإيدك هلق يا سيدي 01:22 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
