|
خلطه روعه للشعر !!!!!!!!!!
اليك عزيزتي هذه الطريقه السهله والمفيده لشعر اكثر حيويه وكل ماعليك فعله الاتي:- .. إذا كنت تعانين من أن لون شعرك باهتا ، فبعد استعمالك لهذا القناع تستطيعن أن تقولي بكل ثقة " وداعا للشعر الباهت " . المكونات : " ملعقة مايونيز . " ملعقةعسل . " ملعقة زيت زيتون . " صفار بيضة . الطريقة : اخلطي هذه المكونات معا بشكل جيد ، وضاعفي الكمية إذا كان شعرك طويلا . وضعي المزيج على شعر لمدة ساعتين . ثم اغسليه جيدا بالشامبو وداعوتكم لي |
بس انوو كيف بدو ينضف المايونيز + انو ريحتو بتقرف ..
|
انا بقلك كيف اذا في عندك بالبيت صابون غار يفضل انك تغسلي شعرك بصابونة الغار و بعدين تحطي شامبوو لأنو الغار لحالو بيخشن الشعر و اذا كان شعرك مصبوغ أو هايلاتينغ يفضل انك تستخدمي صابون زيت زيتون و بلا صابونة الغار لأنو بينزع الصبغة ....
المهم اذا بدك نتائج افضل بلاه الميانيز كلو على بعضو و روحي لعند العطار و قليلو بدي زيت التوم و هادا عنجد فوائدو مضمونة و للتخلصي من الريحة اتبعي الطريقة نفسها ..:D |
توم كمان ..:sick:..
انوو مابعرف بس بظن انو زيت الزيتون احسن شي .. وع فكره انو صابون الغار بخشن الشعر .. .... + انا بعرف انو بهتان الشعر بكون من عده عوامل الي بسببا الجو والغبره وهيك .. فانوو بعد ما تاخدي شاور .. اشطفي شعرك بمي بارده .. بيوفي هالشي بالغرض .. ... + انوو هلا قريت انو المايونيز بنعم الشعر القاسي الخشن .. وهيك ..:D |
حبايبي المايونيز كتييييير مفيد للشعر بس مشان الريحه اغسلي شعرك بشامبو هيربل والبلسم تبعه ريحته بطير العقل وبعدين حطي شوي ( عوده) الي بتنباع عندمحلات عبد الصمد القرشي كتير ريحتها بتجنن والكل راح يسألك عن ريحه شعرك وهاد الكلام مجرب اكيد........................................
|
اقتباس:
أنا بعرف بيقولو زيت الخروع احسن شي رؤى إذا بيهمك الموضوع لما بتنزلي لحلب روحي على سوق المدينة (سوق العطارين) هنيك في عندهم خلطات زيوت بتجنن للشعر وبتخليه يصير أنعم أو أقوى حسب الطلب لما كنت بحلب كنت كتير استخدمها ونتايجها كتير منيحة |
اقتباس:
وبعدين لما عملت بحث لقيت الدنيا كلها مطبوله بهالخلطه ..:shock:.. فاستغربت اكتر :lol: ثانكس صبايا ..:D |
هلأ زيت الخروع + زيت التوم + زيت الافوكادو و هدول موجودين عند اي عطار
هدول مع بعض بيعطو أي ششعر خشن نتائج مضمونة 100% بيغذي الشعر و بيمنع التساقط وبيطولو و بينعمو و مشان صابونة الغار كمان فعلها كبير بخصوص الريحة ...بس اذا مابدكك صابونة غار في شيئ الو نفس الفعالية بس سعرو غالي شوي الأصلي طبعا الي زيت الورد هادا بتحطي بعد ما تغسلي شعرك من خلطة الزيوت السابقة بيروح الريحة وبيعطيكي لمعة فظيعة ... الي بدو اي خلطة بخصوص الشعر يا جماعة يسألني عندي خبرة تمام بهالموضوع :D |
اقتباس:
اذا يا رؤى كنتي عايشة برات سوريا بقلك على اسم كم محل عندون هيك شي بس اذا عايشة بسوريا مالك غير زيت الورد .. |
لا صبايا كتر خيركون .. :lol:.. كان مجرد تساؤل ..
وهي ورده ..:D |
مية السلامة يا رؤى ولو نحنا بالخدمة :D
|
انا لا اكرة شىء قد البيض بجميع انواعة
|
| الساعة بإيدك هلق يا سيدي 05:26 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون