مسرحيه من وراء الستار
 

من فـتره كنا عم نشتغل على عمل مسرحي للجامعه عنا باسم : The Importance of Being Ernest

الشغل كـان كتـير حلو الّا انو الـمسرحيه ما كتـير بـحبها , بـس كان لازم نـقدم عـمل كومـيدي حفاظا على الـعادات و الــقاليد لهـيك ما كان باليد حـيله ..
اكتر شـي انا اشـغلت عليه بـهالعمل كـان بنـاء الـديكور و التحكم بلـوحه الاضاءه ..
رح بهالموضوع ندردش شـوي عن الـتجربه كـكل ..

تـابعـونا و لا تـنسونا :lol:

اهلا ليندا ,.
_________
بالـنسبه للـمسرحيه فأوّل شي بـصير وقت بيوقع الاختيار عمسـرحيه انو تنقرا المـسرحيه من قبل الجميـع و كل شـخص يكون معو نـسختو الخاصـّه من نص الـمسرحيه اللي عليها بتكون ملاحظاتو و هيك .. اهم الشـي انو يـتحدد المكان و الزمان بـشكل بيتناسب مع المسرحيه .. يعني مستحيل نجيب مسرحيه احداثها المفروض بتصير بـ 1969 و نلبسهم جينز مشقوق :o ..
لازم يكون المكان و الزمان و التياب و طريقه الحكي و الحركات كلها بتتبع لزمان واحد ..
اذا كاتب المسرحيه مش محدد بالمسرحيه اي زمن ضمن النص , متل شـكسبير مثلا ما دائما بـيحدد الازمان بمـسرحياتو , هون بيرجع اختيار الزمن للـمخرج .. بس اهم شـي انها تكون كلها بزمن واحد مش برادي من زمن و كراسي من زمن تاني - على سبيل المثال يعني -
بمـسرحيتنا The Importance of Being Earnest الزمن بـ 1895 و المكان بريف لندن ..

نص المـسرحيه كوميدي , بيحكي عن شـخص بيكره اسم ايرنيست كتير و للاسف بكون هاد هو اسمو المتعارف عليه بالريف امّا اسمو بالمدينه فبكون جاك .. بيتعرف على وحده من الريف بتكون عم تحلم انها توقع بحب واحد اسمو ايرنست :lol: .. فـهو ما بقلها عن اسـمو الحقيقي مشان تضل بتحبو .. و بتدّور الايام و بتعرف انو اسمو مش ايرنست و بتبطل بدها تتجوزو بس بعدين و من خلال وحده ست كبيره بالضيعه عندهم بتحكيلون مين هنن اهلو الاصلـين و كيف بغلطه منها حطت الولد بشنتايه و بعتتو لعنوان كان المفروض تبعت عليه غير اشيا .. و هيك بيكتشفو بالاخر انو اسمو الحقيقي ايرنست :o.. و بتتجوزو و بعيشو بثبات و نبات بس ما عنددي فكره عن اذا بخلفو صبيان و بنات او بس صبيان او بس بنات او لا هيك و لا هيك .. :p

و في يتبع ..


** هــامش ** افــقش

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

لو حابب تقرا نص المـسرحيه بس انتبه ها النـص انـكليزي !!

تسجيل متابعة :D

سؤال عابر ..... رح تحطي صور من المسرحية ازا تنفذت او ما تنفذت لسا؟

المسرحيه تم اخر عرض الها بتاريخ 15 اذار 2008 و بالنسبه للصور تابعنا بتعرف ;)

آها

معناتا : ناطرين :D

لساتنا ثابتين عنفس الموقف :humm::na3san:

:D

يالله ناطرين

شكرا عالنص ما صار لي ئبل اقرائها للمسرحية
:D

شـغله حـلو يـتم التـنويه الها انو المـخرج ما حب فكـره التلت اقسام و اراد انو تكون مقطين لهيك قام بتجزيئ مشاهد القسم التاني بين القسم الاول و التالت بحيث انو المسرحيه تصير بس قـسمين .. الّا انو بتلت اماكن..
الاوّل بغرفه قـعده ببيت , الـتاني بـحديقه , التالت ايضا بالحديقه لكـنو بمـكان مـختلف من الحديقه ..

الــــديـــكور :

متل ما قـلت مـسبقا انو لازم ترتبط و يتقيد الواحد بالزمن الواحد .. هـي الـمسرحيه كوميديه فـرحه فيها مـشهد بـحديقه عـامه و ورود فـلذلك الجـو يـوحي بالربـيع و الفـرح .. بـهيك اوقـات مـصمم الديـكور بـيبعد عن الالوان الـغامقه و الحزينه متل الاسـود و الرمـادي .. و بـحاول يـخلي كل شـي عالـمسرح مـبسوط و فـرح ( بكسـر الفاء )

في الـعدد الـقادم :

1. غـــرفه الـقعــده

غرفه الـقــــعده .
 

غـرفه القـعده هي المـشهد الاوّل و المـكان الاوّل بالمـسرحيه .. بتبلش المسرحيه بغرفه قعده و بكون في شـخصيه عم تعمل ساندويش و تاكل منها لذلك نحنا بحاجه لطاوله عاليه كفايه و كبيره كفايه تسـع الاغـراض بزاويه من زوايه الـستـيج ..
متطلبات غرفه القعده العاديه ممكن تكون :
كـنبايه او تنين , كــرسي , طربيزه او طاوله صـغيره , سـجاده عالارض , مخـرج (( و عاده بالمسرح يفضل دائما يكون في مخرجين )) ..

طريقه توزيع الاشـيا دائما لازم تعتمد على كذا شغله منـهم :

1. الممثلين لازم دائما دائما و بجميع حالاتهم يكونو عم يطلعو بالجمهور .. الّا اذا نص المسرحيه يطلب العكس .. و هذا يعني المفروشات و كل شي عالمسرح لازم يكون مقابل الجمهور ..
2. لازم يكونو الاغراض الموجودين عالستيج موزعين بطريقه تسمح للممثلين بالدوران حول كل غرض دون ما يصتضدمو بالاشيا المحيطه .. هالـشي بـسهل الحركه لانو عالمسرح الممثل عاده بكون عم يحرك كتير ليخلي انتباه المـشاهد معو و ما يشعره بالملل .
3. الاشـيا اللي عم تنحط عالمسرح لازم تكون سـهله النقل من مكان لمكان بالوقت المطلوب - اذا كان في حاجه تبديل مشـاهد - يعني لازم نحـط بالحسـاب انو هالاغراض رح بكون معها وقت معين لتنزل من عالستيج للباك ستيج بدون اصدار اصوات مزعجه او مسـموعه حتى .
4. انو ما تكون المفروشات نفسها بتصدر اصوات مزعجه .. متل شي باب مو مزيت مثلا :o .. طبعا الّا اذا كان نص المسرحيه يطلب العكس ..
5. لازم ما يكون في فراغات عالستيج اي يعني لازم يكون سهوله بنقل النظر من اوّل الستيج لاخره بسلاسه تامّه بدون ما تحس العين انو في شي ناقص بشي محل .. لا فراغات ..
6. يكون مكان توضع الاشيا الاهم اقرب الى المركز و ليس كتير قريب او كتير بعيد عن المشاهدين ..
7. ببقى بنزل موضوع بخـصوص هالاشيا معد اتزكر شوفي كمان شغلات :lol: ..

لهالمـسرحيه , متل ما ذكرت سابقا تم انتقاء اشيا تتواجد في غرف قعـده متعدده .. و وضعهم اتباعا للارشادات السـابقه .. فـطلع معـنا كـالتالي :





هـالصوره بلا اضاءه .. يعني عالاضاءه طلع ملوّن اكتر ..
و اوّل ما نحطت الاشيا عالمسرح يعني ما كان كتير نضيف لانو كان بعدنا عم نشتغل عليه و نجر و ندفش و نغير مطرح اغراض و هاد و هالصـوره اوّل ما اعتمدنا ..
اضافه الى انو وجب التنويه اني جـدا اعترضت على الالوان بس قال ما معنا وقت نـرجع نغير و ندهن :jakoush: ..