|
قصيدة حلبية جديدة
لك أبوس شناق وش الحلبية وقت بيتغزلوا
ياخيو غير بحبك حب مش مألوف لا بينكتب ولا بيتعبى بظروف بحبك متل عامود مأروف بحبك تكوني فصة وكون أنا الخاروف بحبك تكوني سلق وكون أنا الملفوف بحبك تكوني فئيرة وكون أنا المنتوف بحبك تكوني ليرة ومعي منك ألوف بحبك تكوني جيبي وكون أنا المصروف بحبك تكوني كمبيوتر وكون أنا الكي بورد والحروف بحبك تكوني أصالة وكون أنا الوسوف بحبك تكوني طابي وكون أنا بيرهوف بحبك عاأد محبة القطة للفارة بحبك متل محبة الدولاب للسيارة بحبك متل شرطي السير ما بيحب الصفارة بحبك محبة الجزرة للبشارة بحب عيونك اللي بلون الخيارة بحب تمك اللي أكبر من السحارة بحب طولك وفشرت السيكارة بحب صوتك اللي بيصرع الحارة دقات ألبي متل ورشة نجارة بس انتي الكهربا والخشب والبسمار والبرغي والدئارة انتي العمش بعيوني المحتارة يا كبريتت حياتي العود بسمتك ونظرتك النارة |
ايييييييييييييييييييه ملا حب .....
حلبي ....:shock: |
بحب عيونك اللي بلون الخيارة
بحب تمك اللي أكبر من السحارة بحب طولك وفشرت السيكارة ههههههههههههههههه اما شو قصيدة |
اي شو هل انحطاط الادبي هاد
شكرا بس حلوة وفكاهية :o |
والله الحلبية ناس مأدبين
ليش هيك بقولوا |
اقتباس:
شو بيقولو |
اقتباس:
هذا الي عم تقولو ........ |
اقتباس:
الفكرة مو اذا كان انحطاط أدبي أو لا ليش الناس اللي مابتعرف بحور الشعر أو كلمات ذات تأثير رنان مابيحقلها تتغزل ببعضها يعني ماضروري الواحد يكون نزار قباني حتى يقول لحبيبته كلام حلو وكل واحد بيعبر عن حبه بالطريقة اللي بتعجبه |
الحمد لله ما حدا بيحكي عأهل الساحل كل شي وقعان براس الحلبية والحمصية
|
اهل الساحل ماعليهن حكي عيوني
والحلبية كمان بس نحنا قصدنا نعرفكن ع مصلحاتنا حتى اذا جيتي زيرتينا ماتتفأجاي بكلامنا وأحلى سلام مع وردة للحلبية والحمصية والساحلية ولكل واحد قال أنا سوري |
شكرا كتير قصيدة حللللوة cat28، أما شو صورة حاطتيها تشارليز ثيرون من أجمل الممثلات بنظري:larg:
|
شكرا يا ابو ريتا ع مرورك
وانا بحب هالممثلة كتير كمان |
| الساعة بإيدك هلق يا سيدي 14:19 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون