|
كل اختلاف يحارب ... ليش ؟؟؟؟
هاي شباب كيفكن اليوم انه خطر على بالي سؤال ليش كل اختلاف يحارب يعني كل شي مو متل باقي الناس غلط ولازم بنتسف مثلا في كتير من العلماء اكتشفوا اكتشافات خطيرة وحوربو وقتلو او حرقو وحرقت كتبن وبالاخر اكتشف انه كلامن هو الصح اذا الواحد خالف المجتمع بفكرة صار غبي وما بيفهم يعني هي الفكرة الاساسية للموضوع فهمتو علي الي فهم يقلي ليش برايه والي ما فهم بعتذر منه على تقصيري :D |
انا بشوف انو الاختلاف كتير ضروري بالحياة
و اكيد ما كل ما يعارضني بالراي هو غلط... بس اهم شي يكون في احترام لراي الشخص الاخر وعدم تهميشو بعدين كيف الاشخاص بدا تتطور والحياة كمان اذا كانو الناس كلن بيتفئو على نفس الافكار ;) يعني مختصر الحديث بئبل اي شخص كان بغض النظر بيعارضني ولا لاء طول مانو محترمني |
صوتت للاختيار الثالث..
السبب انو ما بعتقد الشخص قادر يقول انو الفكر المختلف عنو منطقي.. لو معتبرو منطقي كان ما فكّر غير شي (حدا فهم علي؟؟ :lol:) الاختلاف اثراء بكل شي, و مو بس الاختلاف انما التباين حتى.. لو مافي أسود كان ما انوجد أبيض, لو مافي ليل كان ما انوجد نهار... و هكذا و ليش نحارب الاختلاف؟ السبب انو بداخلنا الفكر الاحادي الاقصائي.. مو بس نعتبر فكرنا هو الصح و الصح الأكبر (شي طبيعي.. لو ما معتبرو صح ما كان آمنت بهالفكر) انما نعتبر وجود غير هالفكر تهديد لفكرنا و بالتالي لازم نقصيه و ننهيه ( و من هون تبدأ التيارات الاقصائية من تخوين و تكفير و و و ....الخ), أو باحسن الأحوال نعتبر اللي يحكي شي ما بناسب فكرنا عم يهين و يجرّح فينا رغم انو يكون ما عم يحكي غير فكرو.. يعني هون بئا ما فينا نعتبر المعركة -لفظ مجازي- فكرية انما هي معركة وجود... اقصاء شكرا عالموضوع |
ان بئيد ياسين بحكيو , بس الي تعقيب , انو هل الكلام يصح حسب الفكرة الي عم تنطرح وزمانها ومكانها
يعني اذا امنا نطرح موضوع ديني بهل المنتدى مثلا وعم اول مثلا ح تلاقي ان الموضوع مش مكانو ولا زمانو اما اذا طرحنى موضوع بيحكي عن الثقافة الجنسية , فا الموضوع حا يلاقي ترحيب كبير واستحسان من الأغلبية وبالمقابل روح طراح نفس المواضيع في منتدى اخر وخلينا نئول الو طابع ديني فا ح نشوف عكس النتايج الي منشوفها بمنتدانا هون. وعليه الشغلة مش محاربة الأختلاف وانما حسب رأي , النقطة في طريقة الطرح والزمان والمكان. انا صوت للأختيار الأول :D |
وانا كمان ممع رقم 3 بس مو دايما
|
اقتباس:
يمكن تستغرب جوابي! بس بمنتهى الجدية بجوابك "حيونة"! وعلى فكرة هي خلقة بتكون!-والله عنجد- بدليل إنو اللي متغلب أو متخلص من هالخصلة العاطلة بيكون عايش بين بشر بتفهم وشافون وتعلم منهن أو هن علموا .. وبدليل إنو الحيونة شو بتجر.. أي تفرج! |
أنا لم أصوت لعدة أسباب منها
المنطق فمثلا المنطق عندي له معيار أما عند الأخر فله معيار مختلف و عندما يكون المنطق عند الجميع له معيار واحد هكذا لن تجد حتى الأختلاف أنا أقول نجاح من خالف كان سببه الحكمة و لو لم يدرك الحكمة لما أستطاع أن يقنع الذين حوله بالتغيير الأختلاف شيئ مسلم به بأعتقادي و لو لم نختلف ما علمنا ماهو موافق لنا الخ |
شكرا للموضوع المميز..
الذي يسلط الضوء على حالة سيئة تقتضي بمحاربة المختلفين..بارائهم..او اشكالهم..او توجهاتهم..الخ انا لااحب وضع كل من يحارب الاختلاف في خانة واحدة..(فالناس مختلفين في دوافعهم ورغباتهم) ربما بداعي الخوف مما يجهلونه..ربما بداعي التشبث بالراي.. ربما بداعي التطرف.. ربما لايفهمون الاخر حقا لذلك لايتقبلونه.. .................................................. ................... صوتت للخيار الثالث:D |
اقتباس:
مو بس مو مقبول مرفوض وبيعملو فظائع احيانا ليحاربوه شكرا للمشاركة:D اقتباس:
شكرا على المرور :D اقتباس:
الحكي عن الاختلاف نفسه يعني انك تقترح شي جديد غير الي الناس تعودت تعمله شكرا لمرورك :D اقتباس:
شكرا للمرور :D اقتباس:
شكرا للمرور :D اقتباس:
يعني مثلا جزدان بالارض بفترض منطقيا ان فيه مصاري واوراق شخصية وهيك رح يفترض اغلب الناس غيري على هاد الاساس ففكرتي بتكون منطقية واذا اقترحت على حدا يا بيقتنع بفكرتي يا اما بيقنعني بفكرة اكثر منطقية بالنسية للمفهوم العام شكرا على المرور :D اقتباس:
شكرا لالك على مساهمتك :D وكلامك مقنع على فكرة |
[quote=ويجا;997390]انه انا مع الاختلاف ومعترف بوجوده بس سؤال ليه مش مقبول عند الناس او خلينا نقول اغلبن
مو بس مو مقبول مرفوض وبيعملو فظائع احيانا ليحاربوه شكرا للمشاركة:D والله مابعرف كيف بدي عبر بس ممكن يكون الخوف هوي السبب.... يعني الناس بتخاف من الي بعارضها ..لانن ما ئادرين يتعايشو مع "الآخر" .. ممكن لانن بيشوفو هدا "الآخر" على اساس "العدو"؟؟؟؟ يعني اذا كان الهدف بأي نقاش أو جدال هو فرض قناعات أحد الطرفين على الآخر ... يعني الطرفين بيكونو ما ئبلانين بعض . فكيف هيك ناس رح يئبلو الاختلاف كاني كتير خبصت :p بس والله ما بعرف؟ ممكن متل ما ئال شخص ما ... "حيوني" |
اقتباس:
يسلموا على مرورك :D |
اقتباس:
|
يمكن منحارب اللي بيختلف عنا لأنو نحنا أنانيين وجبناء(جبناء لأنو خايفين نستوعب شي عكسنا او عكس التقاليد والمورثات) ..ولأنو كتير اوقات منفكر انو نحنا الاحسن وتفكيرنا الافضل بدون ما نتعمق بالمختلف عننا ونفهمو !!
شكرا ع الموضوع :D |
 يحكى ان الجنون ذات ليلة قد تسلل لنهر المملكة وامتزج به, وكل ساكنّ يشرب من النهر يصيبه الجنون حتى أصبح كل اهل المملكة مجانين ولم يتبقى سوى الملك ووزيره أحس الوزير بالخطر الفادح يُداهم مملكته فنادى الوزير أن احضر زوجتي اخبره الوزير بأن زوجته أصابها الجنون و أن حراسه قد شربو الجنون فقال الملك: يعني لم يتقى من عقلاء سوانا فرد الوزير: أن أهل المملكة يعتبرون أنفسهم هم العقلاء وأنك يا مولاي المجنون وهم اهل الفضيلة والرزانة وأنت المخبول في عقلك وذاتك فلما ضاق الامر بالملك ولم يجد بدا سوى أن يصبح مثل أهل المملكة فنادى بالوزير أغدق علي بماء الجنون * يحكى ان جاليلو هوةأول من نادى بكروية الارض فظنه الناس مجنون ولما أصر على رأيه ضُرب وسُجن الى أن مات في سجنه وبعد بزوغ العقل تيقن الناس أن جاليلو كان وحده العاقل والعالم كله مجنون * ذات ليلة ماطرة علقت شاحنة ثقيلة ولم يستطع عمال الاطفاء اخراج تلك الشحنة من مكان أزمتها وصادف الحادث مرور امٌ وطفلتها قالت الطفلة للأم أنني املك حل قد يخرج الشاحنة من المكان العالقة به فنهرتها أمها , كل رجال الاطفاء لم يستطيعو إخراجها أنت تستطيعين لم تعطي الام بالا لرأي طفلتها الا أن الطفلة تحركة نحو رجال الاطفاء وأخبرتهم بأنهم لو فرغو إطارات الشاحنة من الهواء ستخرج الشاحنة بسهولة وهكذا حدث وفي حفل تكريم الطفلة على ذكائها كانت أمها تقف بجوارها ..! * البطة السوداء أراها ترمز بشكل واضح وصارخ للأختلاف المرفوض من جانب السرب أجمعه لي عودة |
| الساعة بإيدك هلق يا سيدي 02:37 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون